ދަޢުލަތުގެ މާލީ ވުޒާރާއިން އެއްބާރުލުން ނުލިބޭކަމަށް ތުހުމަތު ކުރަށްވައި ފެނަކައިގެ މެނޭޖިން ޑިރެކްޓަރުގެ މަޤާމުން މިއަދު އިސްތިއުފާ ދެއްވި މުއާޒް މުހައްމަދު ރަޝީދު ނުރުހުން ފާޅުކުރައްވައިފި އެވެ.
މަގާމުން އިސްތިއުފާ ދެއްވައި ރައީސް ޑރ. މުހައްމަދު މުއިއްޒަށް އެޑްރެސްކޮށް މުއާޒް މިއަދު ފޮނުއްވި ސިޓީގައި ވިދާޅުވީ ފެނަކައަށް ކުރިމަތިވެފައިވާ ދަތިހާލަތުން އަރައިގަތުމަށްޓަކައި މަޝްވަރާކޮށް ގޮތެއް ހޯދުމަށް ތަފާތު އެކިފަހަރު މަތިން މާލީ ވުޒާރާގައި ދެންނެވި ނަމަވެސް އެދެވޭ ޙައްލެއް ނުލިބުނު ކަމަށެވެ.
އިސްތިއުފާ ދެއްވުމަށްފަހު ރާއްޖޭގެ މީޑިއަކަށް ދެއްވި އިންޓަވިއުއެއްގައި މުއާޒް މިއަދު ވިދާޅުވީ ފެނަކައިގައި ހުރި މައްސަލަތަކަކީ އެ ކުންފުންޏަށް އެކަނި ހައްލު ކުރެވޭނެ މައްސަލަތަަކެއް ނޫން ކަމަށެވެ. އަދި މަހުން މަހަށް ގަވައިދުން ކޮންމެހެން ދައްކަން ޖެހޭ ފައިސާތައް އެބަހުރި ކަމަށާއި ނަމަވެސް ކޭޝް ފްލޯ ވަރަށް ދަތިކަމަށް އޭނާ ވިދާޅުވި އެވެ.
މުއާޒް ވިދާޅުވީ ފެނަކައަށް ލިބެން ޖެހޭ ސަބްސިޑީގެ ތެރެއިން 2026އާ ހަމައަށް ލިބެން ޖެހޭ 619 މިލިއަން ރުފިޔާގެ ފައިސާ ކުރީ ސަރުކާރުން މިދިޔަ އަހަރު އޮތީ އެޑްވާންސްއަށް ދޫކޮށްފައި ކަމަށެވެ.
"އެ ފައިސާ މިއަދު އަޅުގަނޑުމެންގެ އަތުން އެބަ ކަނޑައޭ ކޮންމެ މަހަކު 13 މިލިއަން ރުފިޔާ ފިނޭންސް މިނިސްޓްރީން. އެއަށް އެ ފައިސާ ދައްކަންވެގެން. މިއީ އަޅުގަނޑުމެންނާ ބެހޭވެސް ކަމެއް ނޫން. އަނެއްކާ ގާނޫނުތަކާ ސީދާ ހިލާފަށް ދީފައި އޮތް ލޯނެއް މިއީ. ކިހިނެއްތޯ އެޑްވާންސްއަށް ދީފައި އޮތް ފައިސާއަކުން އެކަން ކުރަނީ. އަޅުގަނޑުމެން މިއަދު އެކަން ތަހައްމަލުކުރަން ޖެހިފައި މިތިބީ" މުއާޒް ވިދާޅުވި އެވެ.
އެހެންކަމުން ކުންފުންޏަށް މިހާރު ކުރިމަތިވެފައިވާ ދަރަންޏާއި ކޭޝް ފްލޯގެ މައްސަލަ ހައްލުކުރަން ކޮންމެ މަހަކު ފިނޭންސްއަށް ކަނޑަމުންދާ 13 މިލިއަން ރުފިޔާ ކެނޑުން ހުއްޓާލަން ޖެހޭ ކަމަށާއި އެ ފައިސާއިން އެސްޓީއޯގެ ތެޔޮ ބިލުތަކަށް ފައިސާ ދެއްކޭނެ ކަމަށް އޭނާ ވިދާޅުވި އެވެ.
އަދި ކުރީ ސަރުކާރުގައި ފެނަކައިން މާލީ ވުޒާރާއިން ނަގާފައި ހުރި ލޯނުތައް ދެއްކުން މަޑުޖައްސާލައި ވަގުތު ދޭންޖެހޭ ކަމަށް ވެސް މުއާޒް މިއަދު ވަނީ ވިދާޅުވެފައެވެ.
އިސްތިއުފާ ދެއްވުމަށްފަހު ރާއްޖޭގެ މީޑިއަކަށް ދެއްވި އިންޓަވިއުއެއްގައި މުއާޒް މިއަދު ވިދާޅުވީ ފެނަކައިގައި ހުރި މައްސަލަތަކަކީ އެ ކުންފުންޏަށް އެކަނި ހައްލު ކުރެވޭނެ މައްސަލަތަަކެއް ނޫން ކަމަށެވެ. އަދި މަހުން މަހަށް ގަވައިދުން ކޮންމެހެން ދައްކަން ޖެހޭ ފައިސާތައް އެބަހުރި ކަމަށާއި ނަމަވެސް ކޭޝް ފްލޯ ވަރަށް ދަތިކަމަށް އޭނާ ވިދާޅުވި އެވެ.
މުއާޒް ވިދާޅުވީ ފެނަކައަށް ލިބެން ޖެހޭ ސަބްސިޑީގެ ތެރެއިން 2026އާ ހަމައަށް ލިބެން ޖެހޭ 619 މިލިއަން ރުފިޔާގެ ފައިސާ ކުރީ ސަރުކާރުން މިދިޔަ އަހަރު އޮތީ އެޑްވާންސްއަށް ދޫކޮށްފައި ކަމަށެވެ.
"އެ ފައިސާ މިއަދު އަޅުގަނޑުމެންގެ އަތުން އެބަ ކަނޑައޭ ކޮންމެ މަހަކު 13 މިލިއަން ރުފިޔާ ފިނޭންސް މިނިސްޓްރީން. އެއަށް އެ ފައިސާ ދައްކަންވެގެން. މިއީ އަޅުގަނޑުމެންނާ ބެހޭވެސް ކަމެއް ނޫން. އަނެއްކާ ގާނޫނުތަކާ ސީދާ ހިލާފަށް ދީފައި އޮތް ލޯނެއް މިއީ. ކިހިނެއްތޯ އެޑްވާންސްއަށް ދީފައި އޮތް ފައިސާއަކުން އެކަން ކުރަނީ. އަޅުގަނޑުމެން މިއަދު އެކަން ތަހައްމަލުކުރަން ޖެހިފައި މިތިބީ" މުއާޒް ވިދާޅުވި އެވެ.
އަދި ކުރީ ސަރުކާރުގައި ފެނަކައިން މާލީ ވުޒާރާއިން ނަގާފައި ހުރި ލޯނުތައް ދެއްކުން މަޑުޖައްސާލައި ވަގުތު ދޭންޖެހޭ ކަމަށް ވެސް މުއާޒް މިއަދު ވަނީ ވިދާޅުވެފައެވެ.
ކިޔުންތެރިންގެ ހިޔާލު