އެމްޑަބްްލިއުއެސްސީގެ ސަބްސިޑަރީ ކުންފުނި، އައިލެންޑް ބެވެރޭޖާސް މޯލްޑިވްސް (އައިބީއެމް)އިން ލޭބާ އެކޮމޮޑޭޝަނެއް ކުއްޔަށް ނެގުމަށް ހެދި އެއްބަސްވުން ބާތިލުކުރަން އެމްޑަބްލިއުއެސްސީން އަންގައިފި އެވެ.

އައިބީއެމުން އެކޮމަޑޭޝަނަށް ތަނެއް ކުއްޔަށް ހިފަން ޓެލެ މޯލްޑިވްސް ކިޔާ ކުންފުންޏަކާއެކު އެއްބަސްވުމެއް ހެދިކަން ހާމަވީ އިއްޔެ ސޯޝަލް މީޑިއާއިން އެވެ.

މަހަކު 60،000 ރުފިޔާ ދައްކާގޮތަށް ކުރިންވެސް އެ ކުންފުންޏާއެކު އެއްބަސްވުމެއް އޮތީ އެކުލަވާލައިފަ އެވެ. ނަމަވެސް އެ އެއްބަސްވުން އުވާލައި ފަހުން ވަނީ މަހަކު 200،000 ރުފިޔާ ދައްކާ ގޮތަށް އާ އެއްބަސްވުމެއް ހަދައިފަ އެވެ.

އެކަމާ ގުޅިގެން އެމްޑަބްލިއުއެސްސީގެ މެނޭޖިން ޑިރެކްޓަރ އަބްދުލް މަތީން "އެކްސް"ގައި ރޭ ވިދާޅުވީ އައިބީއެމަށް ލޭބަރ އެކަމޮޑޭޝަން ހޯދުމުގެ ޕްރޮެސެއްއާއި އަގުތަކާއި ގުޅޭ ޝަކުވާއެއް މީގެ ދުވަސްކޮޅެއް ކުރިން އޮތީ ލިބިވަޑައިގެންފައި ކަމަށެވެ. އެހެންވެ އެކަން ކުރިޔަށް ގޮސްފައިވާގޮތާ އަގުތައް އިންޓަރނަލް އޮޑިޓް ޓީމުން ބަލައި އެމްޑަބްލިއުއެސްސީގެ ބޯޑުން އެކަމާ ގުޅިގެން މަޝްވަރާކުރި ކަމަށް އެމްޑީ ވިދާޅުވިއެވެ.

"އެކަމާގުޅިގެން އަޅަންޖެހޭ ފިޔަވަޅުތައް އެޅުމަށް މިހާރުވާނީ އައިބީއެމަށް އަންގާފައި. މިގޮތުން މިހާރުގެ އެއްބަސްވުން ބާޠިލުކޮށް ލޭބަރ އެކޮމޮޑޭޝަންެ ހޯދުމުގެ މަސައްކަތް އަލުން ކުރިއަށް ގެންދިޔުމަށްވެސް އައިބީއެމަށް މިހާރުވާނީ އަންގާފައި." މަތީން ވިދާޅުވި އެވެ.