ނަފްސު މާޔޫސްކަމުން ސަލާމަތްވުމުށްޓަކައި އަޤީދާގައި ސާބިތުވުން މުހިންމުކަމަށް މިއަދުގެ ހުތުބާގައި ބުނެފި އެވެ.
މިއަދުގެ ހުތުބާގައި ބުނީ ދިރިއުޅުމުގައި ހިތްދަތި ކަންކަމާއި ހިތާމަތަކާއި ދަތި އުނދަގޫ ކަންކަން ހަޔާތުގައި އަންނާނެ ކަމަށާއި ނަމަވެސް ދަތި އުނދަގުލަށް ފަހު، ފަސޭހަކަން އަންނާނެކަން ކަށަވަރު ކަމަށެވެ.
ހަމަ އެހެންމެ އުފާވެރިކަމެއް މެދުވެރިވެއްޖެ ނަމަ، މުއުމިން އިންސާނާ ޝުކުރުވެރިވާ އިރު ހިތްދަތިކަމެއް މެދުވެރިވެއްޖެ ނަމަ ކެތްތެރިވާން ވާނެ ކަމަށް ހުތުބާގައި ބުނެފައި ވެއެވެ.
ހުތުބާގައި ބުނީ ކިތަންމެ އަގީދާ ވަރުގަދަ މީހަކުވެސް މާޔޫސްވުމުގެ ތެރެއަށް ވެއްޓިދާނެ ހާލަތެއް އަތުވެދާނެ ކަމަށާއި ނަމަވެސް އެއީ މީހާގެ އަގީދާ ބަލިކަށިކަމުން ވާ ކަމެއް ނޫން ކަމަށެވެ.
އެކަމަކު އެއީ އިންސާނާގެ ނަފްސުގެ ބަލިކަށިކަމުން ދިމާވާކަމެއްކަން ހުތުބާގައި ހަނދާންކޮށްދީފައި ވެއެވެ.
ހުތުބާގައި ބުނީ އެ ހިތްދަތިކަންކަމުން އަރައިގަތުމަށް މަސައްކަތްކުރާންވާނީ އަޒުމާއި ހިތްވަރާއެކު ކަމަށެވެ.
"އިންސާނާގެ ނަފްސު މާޔޫސްކަމުން ސަލާމަތްވުމުށްޓަކައި އަގީދާގައި ސާބިތުވުމަކީ މުހިންމުކަމެކެވެ. މިގޮތުން ވަސްވާސްތަކުގެ ޝިކާރައަކަށް ނުވެ، ވަރުގަދަ ޢަޒުމަކާއެކު ސަލާމަތުގެ އައްސޭރިއަށް ވާޞިލްވެވިދާނެއެވެ." ހުތުބާގައި ބުނެފައި ވެއެވެ.
ހުތުބާގައި ބުނީ މުއުމިނުންނަކީ އެންމެ ބޮޑެތި މުޞީބާތުގެ ވަގުތުތަކުގައި ވެސް، މާތް ﷲ ގެ ރަޙްމަތާއި ލުޔަށް އުއްމީދުކުރާ، އެ މީހުންގެ ހިތްތައް ޔަޤީންކަމުން ފުރިފައިވާ ބައެއް ކަމަށެވެ. އަދި މާތް ﷲގެ މަގުގައި ޘާބިތުވެ ހުންނަ މީހަކު މާޔޫސްވެގެން ނުވާނެކަމަށް ވެސް ހުތުބާގައި ބުނެފައި ވެއެވެ.
ހަމަ އެހެންމެ އުފާވެރިކަމެއް މެދުވެރިވެއްޖެ ނަމަ، މުއުމިން އިންސާނާ ޝުކުރުވެރިވާ އިރު ހިތްދަތިކަމެއް މެދުވެރިވެއްޖެ ނަމަ ކެތްތެރިވާން ވާނެ ކަމަށް ހުތުބާގައި ބުނެފައި ވެއެވެ.
ހުތުބާގައި ބުނީ ކިތަންމެ އަގީދާ ވަރުގަދަ މީހަކުވެސް މާޔޫސްވުމުގެ ތެރެއަށް ވެއްޓިދާނެ ހާލަތެއް އަތުވެދާނެ ކަމަށާއި ނަމަވެސް އެއީ މީހާގެ އަގީދާ ބަލިކަށިކަމުން ވާ ކަމެއް ނޫން ކަމަށެވެ.
އެކަމަކު އެއީ އިންސާނާގެ ނަފްސުގެ ބަލިކަށިކަމުން ދިމާވާކަމެއްކަން ހުތުބާގައި ހަނދާންކޮށްދީފައި ވެއެވެ.
ހުތުބާގައި ބުނީ އެ ހިތްދަތިކަންކަމުން އަރައިގަތުމަށް މަސައްކަތްކުރާންވާނީ އަޒުމާއި ހިތްވަރާއެކު ކަމަށެވެ.
ހުތުބާގައި ބުނީ މުއުމިނުންނަކީ އެންމެ ބޮޑެތި މުޞީބާތުގެ ވަގުތުތަކުގައި ވެސް، މާތް ﷲ ގެ ރަޙްމަތާއި ލުޔަށް އުއްމީދުކުރާ، އެ މީހުންގެ ހިތްތައް ޔަޤީންކަމުން ފުރިފައިވާ ބައެއް ކަމަށެވެ. އަދި މާތް ﷲގެ މަގުގައި ޘާބިތުވެ ހުންނަ މީހަކު މާޔޫސްވެގެން ނުވާނެކަމަށް ވެސް ހުތުބާގައި ބުނެފައި ވެއެވެ.
ކިޔުންތެރިންގެ ހިޔާލު