ގދ. ނަޑެއްލާގައި އާ ބަނދަރަކާއެކު އެރަަަށައް ބޭނުންވާ ހުރިހާ ކަމެއް މިއަހަރު ތެރޭގައި ކޮށްދެއްވާނެ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
ހުވަދު އަތޮޅަށް ކުރައްވާ ދަތުރުފުޅުގެ ތެރެއިން ގދ. ނަޑެއްލާ އަށް ވަޑައިގެން އެރަށުގެ ރައްޔިތުންނާއި ބައްދަލުކުރަށްވައި ވާހަކަފުޅު ދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ، އެރަށުގެ ތަރައްޤީ އަށް އެންމެ މުހިންމީ ބަނދަރެއް ކަމަށެވެ. އެހެންކަމުން މިހާރު ފާސްކޮށްފައިވާ ބަޖެޓްގެ ތެރެއިން މިމަހުގެ ތެރޭގައި ނަޑެއްލާގެ ރައްޔިތުންނަށް ބޭނުންވާ ކަހަލަ، އައު ބަނދަރެއް އެޅުމަށް ކޮންޓެކްޓަރަކު ހޯދަން އިއުލާން ކުރައްވާނެ ކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ، އާ ބަނދަރުގެ މަސައްކަތް ކުރިއަށްގެންދަވާނީ، ރަށަށް ދިމާވެފައިވާ ރަށްގިރުމާއި އުދައެރުމުގެ މައްސަލައަށް، އެ މަޝްރޫޢުގެ ތެރެއިން ޙައްލެއް ގެނެވޭނޭ ގޮތަށް ކަމަށެވެ. ރައީސް ވިދާޅުވީ އެ ރަށުގައި ރަނގަޅު ފެންވަރުގެ ބަނދަރެއް ނެތުމަކީ ރައްޔިތުންނަށް ގިނަ ތަކުލީފުތަކަކާއި ކުރިމަތިލާން ޖެހޭކަމެއް ކަމަށެވެ. އަދި ބަނދަރުގެ މައްސަލަ ހައްލުވުމުން ރަށަށް ދިމާވެފައިވާ އެހެން ގޮންޖެހުންތަކަށް ވެސް ހައްލު ލިބޭނެ ކަމަށް ޤަބޫލުގުޅުކުރައްވާ ކަމަށް އެމަނިކުފާނު ވިދާޅުވިއެވެ.
"ރަށުގެ ތަރައްގީއަށް ހުރިހާ ނަޒަރަކުން ބަލާއިރުގައިވިއަސް، ވަކި މަޝްރޫއެއް ފާހަގަކުރަން ބޭނުންވާނަމަ ތިބޭފުޅުންނަށް ހަމަ އެންމެ މުހިއްމު ކަމަކީ، ބަނދަރުގެ މައްސަލައަށް ހައްލެއް އައުން. 2008 ވަނަ އަހަރު ހެދި ކުޑަ ބަނދަރެއް. މިހާރު ކޮންމެ ގޮތެއްވިއަސް، ރަށުގެ ތަރައްގީއަށް ބަލާއިރުގައި، އެވަނީ އެއްގޮތަކަށްވެސް ބޭނުންކުރެވޭ ވަރުގެ ބަނދަރަކަށް ނޫން،" ރައީސް މުޢިއްޒު ވިދާޅުވިއެވެ.
މީގެ އިތުރުން، ރައީސް މުޢިއްޒު ވިދާޅުވީ ނަޑެއްލާގައި ޒަމާނާ އެކަށީގެންވާ ފެންވަރުގެ އާ މިސްކިތެއް ބިނާކުރުމުގެ މަސައްކަތާއި، ސްކޫލާއި ސިއްޙީ މަރުކަޒަށް ދިމާވެފައިވާ ޖާގައިގެ ދަތިކަން ޙައްލުކުރުމުގެ މަސައްކަތްތައްވެސް މި އަހަރު ކުރައްވާނޭކަަމަށެވެ. އަދި އެ ރަށުގެ ޒުވާނުންގެ ކަންބޮޑުވުންތައް ކަމުގައިވާ، ފުޓުބޯޅަ ދަނޑާއި، ފުޓްސަލް ދަނޑާއި، ވޮލީ ދަނޑު އަދި ޒުވާނުންގެ މަރުކަޒުގެ މަސައްކަތްވެސް މި އަހަރު ފެށޭނޭކަމަށް ރައީސް ވިދާޅުވިއެވެ.
ރައީސް އިތުރަށް ވިދާޅުވީ ފުލުހުންގެ ޚިދުމަތް ނެތް ހަމައެކަނި ރަށަކީ ނަޑެއްލާ ވެގެން ނުވާނެ ކަމަށެވެ. އަދި އެމަނިކުފާނުގެ ސިޔާސަތަކީ ކޮންމެ ރަށެއްގެ އާބާދީ ނިސްބަތުން އެކަށީގެންވާ ފެންވަރަށް ފުލުހުން ގާއިމްވެތިބެ ޚިދުމަތްދިނުން ކަމަށާއި މިއަހަރު ތެރޭގައި އެކަން ހާސިލްވެގެންދާނެ ކަމަށް ރައީސް މުޢިއްޒު ވިދާޅުވިއެވެ.
ރައީސް ވަނީ، ނަޑެއްލާގެ ކައުންސިލުން ފާހަގަކުރެއްވި ކަންބޮޑުވުންތަކަށް ޙައްލު ހޯދުމަށް، ވަރަށް ފަރުވާތެރިކަމާއެކު ސަރުކާރުން މަސައްކަތްކޮށްދެއްވާނޭކަމުގެ ޔަޤީންކަން ދެއްވާފައެވެ. އަދި ރައްޔިތުންގެ ފަރާތުން އަބަދުވެސް ލިބިވަޑައިގަންނަވާ އެއްބާރުލެއްވުން އެގޮތުގައި ދެއްވަމުން ގެންދެވުމަށް ރައީސް މުޢިއްޒު އެދިވަޑައިގެންނެވިއެވެ.
"ރަށުގެ ތަރައްގީއަށް ހުރިހާ ނަޒަރަކުން ބަލާއިރުގައިވިއަސް، ވަކި މަޝްރޫއެއް ފާހަގަކުރަން ބޭނުންވާނަމަ ތިބޭފުޅުންނަށް ހަމަ އެންމެ މުހިއްމު ކަމަކީ، ބަނދަރުގެ މައްސަލައަށް ހައްލެއް އައުން. 2008 ވަނަ އަހަރު ހެދި ކުޑަ ބަނދަރެއް. މިހާރު ކޮންމެ ގޮތެއްވިއަސް، ރަށުގެ ތަރައްގީއަށް ބަލާއިރުގައި، އެވަނީ އެއްގޮތަކަށްވެސް ބޭނުންކުރެވޭ ވަރުގެ ބަނދަރަކަށް ނޫން،" ރައީސް މުޢިއްޒު ވިދާޅުވިއެވެ.
މީގެ އިތުރުން، ރައީސް މުޢިއްޒު ވިދާޅުވީ ނަޑެއްލާގައި ޒަމާނާ އެކަށީގެންވާ ފެންވަރުގެ އާ މިސްކިތެއް ބިނާކުރުމުގެ މަސައްކަތާއި، ސްކޫލާއި ސިއްޙީ މަރުކަޒަށް ދިމާވެފައިވާ ޖާގައިގެ ދަތިކަން ޙައްލުކުރުމުގެ މަސައްކަތްތައްވެސް މި އަހަރު ކުރައްވާނޭކަަމަށެވެ. އަދި އެ ރަށުގެ ޒުވާނުންގެ ކަންބޮޑުވުންތައް ކަމުގައިވާ، ފުޓުބޯޅަ ދަނޑާއި، ފުޓްސަލް ދަނޑާއި، ވޮލީ ދަނޑު އަދި ޒުވާނުންގެ މަރުކަޒުގެ މަސައްކަތްވެސް މި އަހަރު ފެށޭނޭކަމަށް ރައީސް ވިދާޅުވިއެވެ.
ރައީސް ވަނީ، ނަޑެއްލާގެ ކައުންސިލުން ފާހަގަކުރެއްވި ކަންބޮޑުވުންތަކަށް ޙައްލު ހޯދުމަށް، ވަރަށް ފަރުވާތެރިކަމާއެކު ސަރުކާރުން މަސައްކަތްކޮށްދެއްވާނޭކަމުގެ ޔަޤީންކަން ދެއްވާފައެވެ. އަދި ރައްޔިތުންގެ ފަރާތުން އަބަދުވެސް ލިބިވަޑައިގަންނަވާ އެއްބާރުލެއްވުން އެގޮތުގައި ދެއްވަމުން ގެންދެވުމަށް ރައީސް މުޢިއްޒު އެދިވަޑައިގެންނެވިއެވެ.
ކިޔުންތެރިންގެ ހިޔާލު