ސަރުކާރުން ނިންމުންތައް ނިންމަނީ ރައްޔިތުންނަށް ދަތިކޮށް އުނދަގޫ ކުރަން ނޫން ކަމަށް ރައީސް ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ، ހުވަދު އަތޮޅަށް ކުރައްވާ ދަތުރުފުޅުގެ ތެރެއިން ގދ. ވާދޫއަށް ވަޑައިގެން އެރަށުގެ ރައްޔިތުންނާއި މިއަދު ހަވީރު ބައްދަލުކުރަށްވައި ވާހަކަފުޅު ދައްކަވަމުންނެވެ. ރައީސް ޑރ. މުޙައްމަދު މުޢިއްޒު ވިދާޅުވީ، މިފަހުން އުނދަގޫ ނިންމުންތަކެއް ސަރުކާރަށް ނިންމަންޖެހުނު ކަމަށާއި އެއީ ރައްޔިތުންނަށް ދަތިކޮށް އުނދަގޫކުރަން ނިންމި ނިންމުންތަކެއް ނޫން ކަމަށެވެ.
ރައީސް ވިދާޅުވީ އެނިއންމުންތަކަކީ މުޖުތަމައުގައި ފެތުރިފައިވާ ވަބާތަކުން ގައުމު ސަލާމަތްކޮށް ފެތުރި މޫލާފައިވާ ނުރަނގަޅު އާދަތަކުން ދުރުކުރުމަށް ނިންމެވި ނިންމުންތަކެއް ކަމަށެވެ. ރައީސް ވިދާޅުވީ މުޖުތަމައުގެ ތެރޭގައި ހުރި ނުރަނގަޅު އާދަތަކަށް ނޫނެކޭ ބުނުމުގެ ހިތްވަރު ކޮންމެ މީހެއްގެ ކިބައިގައިވެސް ހުންނަންޖެހޭނެ ކަމަށެވެ.
އެމަނިކުފާނު ވިދާޅުވީ ސަރުކާރުން އެ ނިންމުންތައް ނިންމީ ގައުމުގެ މުސްތަގުބަލަށްޓަކައި ޖީލުތައް ސަލާމަތްކޮށް ވަށާޖެހޭގޮތަށް ހަޤީޤީ މާނައިގައި ތަރައްޤީ ހާސިލްކުރުމަށް ކަމަށެވެ.
"އެކިއެކި ވަބާތަކުން ގައުމު ސަލާމަތްކޮށް އަޅުގަނޑުމެންގެ ތެރޭގައި ހުރި ހަމަ އަށަގަނެފައި މޫލާފައި ހުރި ދެވި ހިފާފައި ހުރި ބައެއް އާދަތައް އަޅުގަނޑުމެން ހިތްވަރު ލާފައި ސަލާމަތްވާން މަސައްކަތް ކުރުމުގެ ނިޔަތުގައި ކުރާކަންކަން މިއީ، އެއްގޮތަކަށް ވެސް އެއީކީ ރައްޔިތުންނަށް ދަތިކުރުމަށްް އުނދަގޫކުރުމަށް ކުރާކަންކަމެއް ނޫން، އަޅުގަނޑުމެން ނިޔަތް ވަރަށް ސާފު." ރައީސް މުޢިއްޒު ވިދާޅުވިއެވެ.
ރައީސް މިހެން ވިދާޅުވެފައިވާއިރު ދުންފަތުގެ ވަބާއިން ގައުމު ސަލާމަތް ކުރުމަށް ސަރުކާރުން ކުރަމުންދާ މަސައްކަތުގެ ތެރެއިން، ރާއްޖޭގައި ވޭޕް މަނާކޮށް މިފަހުން ވަނީ ދުންފަތް އޮޅަން ބޭނުންކުރާ ކަރުދާސް އަދި ފިލްޓަރު ވެސް ރާއްޖެ އެތެރެކުރުން މަނާކޮށް ސިނގިރޭޓްްގެ އަގު އެތައް ގުނައަކުން ބޮޑުކޮށް ދުންފަތުގެ އިސްތިޢުމާލު ކުރުމާ ދެކޮޅަށް ހަރުކަށި ފިޔަވަޅުތަކެއް ތަންފީޒުކުރަން ފަށާފައެވެ. މީގެ ސަބަބުން ގިނަ ބަޔެއްގެ ފާޑުކިޔުންތައް ސަރުކާރަށާއި ރައީސުލްޖުމްހޫރިއްޔާއަށް ދަނީ އަމާޒުވަމުންނެވެ.
ރައީސް ވިދާޅުވީ އެނިއންމުންތަކަކީ މުޖުތަމައުގައި ފެތުރިފައިވާ ވަބާތަކުން ގައުމު ސަލާމަތްކޮށް ފެތުރި މޫލާފައިވާ ނުރަނގަޅު އާދަތަކުން ދުރުކުރުމަށް ނިންމެވި ނިންމުންތަކެއް ކަމަށެވެ. ރައީސް ވިދާޅުވީ މުޖުތަމައުގެ ތެރޭގައި ހުރި ނުރަނގަޅު އާދަތަކަށް ނޫނެކޭ ބުނުމުގެ ހިތްވަރު ކޮންމެ މީހެއްގެ ކިބައިގައިވެސް ހުންނަންޖެހޭނެ ކަމަށެވެ.
އެމަނިކުފާނު ވިދާޅުވީ ސަރުކާރުން އެ ނިންމުންތައް ނިންމީ ގައުމުގެ މުސްތަގުބަލަށްޓަކައި ޖީލުތައް ސަލާމަތްކޮށް ވަށާޖެހޭގޮތަށް ހަޤީޤީ މާނައިގައި ތަރައްޤީ ހާސިލްކުރުމަށް ކަމަށެވެ.
ރައީސް މިހެން ވިދާޅުވެފައިވާއިރު ދުންފަތުގެ ވަބާއިން ގައުމު ސަލާމަތް ކުރުމަށް ސަރުކާރުން ކުރަމުންދާ މަސައްކަތުގެ ތެރެއިން، ރާއްޖޭގައި ވޭޕް މަނާކޮށް މިފަހުން ވަނީ ދުންފަތް އޮޅަން ބޭނުންކުރާ ކަރުދާސް އަދި ފިލްޓަރު ވެސް ރާއްޖެ އެތެރެކުރުން މަނާކޮށް ސިނގިރޭޓްްގެ އަގު އެތައް ގުނައަކުން ބޮޑުކޮށް ދުންފަތުގެ އިސްތިޢުމާލު ކުރުމާ ދެކޮޅަށް ހަރުކަށި ފިޔަވަޅުތަކެއް ތަންފީޒުކުރަން ފަށާފައެވެ. މީގެ ސަބަބުން ގިނަ ބަޔެއްގެ ފާޑުކިޔުންތައް ސަރުކާރަށާއި ރައީސުލްޖުމްހޫރިއްޔާއަށް ދަނީ އަމާޒުވަމުންނެވެ.
ކިޔުންތެރިންގެ ހިޔާލު