ރާއްޖޭގެ ހުރިހާ ރަށަކަށް ބޭނުންވާވަރަށް ބަލްކުކޮށް ބޮޑު ހިލަ ގެންނަން ނިންމާފައިވާ ކަމަށް ރައީސް ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ ހުވަދުއަތޮޅަށް ކުރައްވަމުން ގެންދަވާ ދަތުރުފުޅުގައި ހުވަދުއަތޮޅު ދެކުނުބުރި ރަތަފަންދޫއަށް މިއަދު ހެނދުނު ވަޑައިގެން އެ ރަށުގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުންނެވެ.
ރައީސް ޑރ. މުޙައްމަދު މުއިއްޒު ވިދާޅުވީ ގިނަ ރަށްތަކުގައި ތަރައްގީގެ މަޝްރޫއުތައް ހުއްޓިފައި ވަނީ ބޮޑު ހިލަ ނުލިބުމުގެ ސަބަބުން ކަމަށެވެ. ރައީސް ވިދާޅުވީ މިދިޔަ ހަފުތާގައި މަޝްރޫއުތައް ކުރިއަށް ގެންދާ ކުންފުނިތަކާއި ބައްދަލުކޮށް މަޝްރޫއުތަކަށް ބޭނުންވާ ތަކެތި ހޯދުމަށް ގޮތްތަކެއް ރާވާފައިވާ ކަމަށެވެ. އެގޮތުން އެންމެ ބޮޑަށް ނުލިބިގެން އުޅޭ ބޮޑު ހިލަ ސަރުކާރުން ގަނޑުކޮށް ގަތުމަށް ވެސް ނިންމާފައިވާ ކަމަށް ރައީސް މުޢިއްޒު ވިދާޅުވި އެވެ. އަދި މިކަން ކުރުމަށް ރާވާފައިވާ ގޮތާއި އެކަމަށް ބޭނުންވާ ފައިސާ ވެސް މިދިޔަ ހަފުތާގެ ތެރޭގައި ހަމަޖައްސައިދީފައިވާނެ ކަމަށް ރައީސް މުޢިއްޒު ވިދާޅުވިއެވެ.
"މިދިޔަ ހަފްތާ ތެރޭގައި އަޅުގަނޑު ހަމަ މިކަމާ ބެހޭ ހުރިހާ ކުންފުނިތަކުގެ ވެރިންނާއި ފިނޭންސް މިނިސްޓަރާއި އަދި ކޮންސްޓްރަކްޝަން މިނިސްޓަރާއި އެކީގައި ބައްދަލުވުމެއް ބާއްވާފައި. ގޮތްތަކެއް ރާވަފައިފިން. ހުރިހާ ރަށަކަށް ބޭނުންވާ ބޮޑު ހިލަ ބަލްކުކޮށް ރާއްޖެ ގެންނަން،" ރައީސް ވިދާޅުވި އެވެ.
މި ބައްދަލުކުރެއްވުމުގައި ރަތަފަންދޫގެ ތަރައްޤީއަށް ސަރުކާރުން ރާވައި ކުރިއަށްގެންދާ މަޝްރޫޢުތަކުގެ މަޢުލޫމާތު ހާމަކުރައްވަމުން، ރައީސް ވިދާޅުވީ ރަތަފަންދޫގެ ފެނާ ނަރުދަމާގެ މަޝްރޫޢު އަލުން ފަށްޓަވައި، އެކްސްޓެންޑް ކުރަންޖެހޭ ސަރަޙައްދާއެކު އެ މަސައްކަތް ކޮށްދެއްވާނެކަމަށެވެ. އަދި އެރަށުގެ ގިރާ ސަރަޙައްދު ހިމާޔަތް ކުރުމުގެ މަޝްރޫޢުގެ މަސައްކަތް ކުރާއިރު ރަށު ރައްޔިތުން މޫދަށް އެރިލާނެ ސަރަޙައްދަކާއެކުގައި ތަރައްޤީ ކުރައްވާނެ ކަމުގައި ރައީސް ވިދާޅުވިއެވެ. މިއަހަރު ތެރޭގައި ރާއްޖޭގެ ހުރިހާ ރަށެއްގައި އޭ.ޓީ.އެމް.ގެ ޚިދުމަތް ޤާއިމުކުރުމުގެ މަޝްރޫޢު ފަށްޓަވައިގެން ކުރިއަށްގެންދަވާކަން ހާމަކުރައްވަމުން ރައީސް ވަނީ އެ މަޝްރޫޢުގެ ތެރެއިން ރަތަފަންދޫގައިވެސް އޭ.ޓީ.އެމް.ގެ ޚިދުމަތް ފަށްޓަވާނެކަން ހާމަކުރައްވާފައެވެ.
އަދި ކުނި މެނޭޖްކުރުމަކީވެސް ހަމަ މިފަދަ އެހެން މަޝްރޫޢެއް ކަމަށާއި މިއަހަރު ތެރޭގައި ރާއްޖޭގެ ހުރިހާ ރަށެއްގައި، އެރަށެއްގެ އާބާދީއާއި އެރަށެއްގެ ނީޑަށް ބަލާފައި އެރަށަކަށް ބޭނުންވާ ކެޕޭސިޓީގައި، އެ ރަށަކަށް ބޭނުންވާ ފެންވަރުގައި، ހުރިހާ ކަމެއް ހަމަކުރެވިފައިވާ، ތަކެތީގެ ގޮތުންނާއި އެކިކަހަލަ ވަޞީލަތްތަކުގެ ގޮތުން ކަންތައް ފުރިހަމަ ކުރެވިފައިވާ، ކުނި މެނޭޖްކުރުމުގެ މަރުކަޒެއް ރަތަފަންދޫގައި ޤާއިމުކޮށްދެއްވާނެ ކަމަށް ރައީސް ވިދާޅުވިއެވެ.
މީގެ އިތުރުން ރަށުގެ އައިސް ޕްލާންޓުގެ މަސައްކަތަކީ ސަޢުދީ ފަންޑުގެ އެހީގައި ކުރައްވަމުންދާ މަސައްކަތެއް ކަމަށާއި މާލީ ވަޒީރު ވަރަށް އަވަހަށް އެ ފަންޑުގެ ބޭފުޅުންނާ ބައްދަލުކުރައްވާނެ ކަމަށާއި އެ މަޝްރޫޢުގެ ތެރެއިން ހަމަޖެހެންޖެހޭ ބައެއް ކަންކަން ހަމަޖެހިގެންދިއުމާއެކުގައި އެ މަޝްރޫޢުގެ ދަށުން އެޅުމަށް ހަމަޖެހިފައިވާ އައިސްޕްލާންޓްތަކުގެ މަސައްކަތް ކުރިއަށްދާނެ ކަމުގައި ރައީސް ވިދާޅުވިއެވެ.
ރައީސް ވިދާޅުވީ މިއަހަރު ތެރޭގައި ރަތަފަންދޫއަށް ބޭނުންވާ ގިނަ ކަންކަން ފެށޭނެ ކަމަށާއި އެކަންކަމަށް ސަރުކާރުން ވަރަށް އިސްކަންދެއްވާނެ ކަމަށެވެ. ރައީސް ވިދާޅުވީ އެ ރަށުގެ ތަޢުލީމަށް، ރަށުގެ ދުޅަހެޔޮކަމަށް، ރަށުގެ އިޖުތިމާޢީ ހަމަޖެހުމަށް، ކުރިއެރުމަށް ދޭންޖެހޭ ސަމާލުކަން ސަރުކާރުން ދެއްވާނެކަމަށެވެ. އަދި ރަށުގެ ތަރައްޤީއަށް ބޭނުންވާ ކަންކަމުގައި ކުލަޖައްސައިދީ އެކަމުގައި ނަތީޖާ ނެރެދެއްވުމަށް އެ މަނިކުފާނުވަނީ ވަޢުދުވެވަޑައިގެންފައެވެ.
ރައީސް ޑރ. މުޙައްމަދު މުއިއްޒު ވިދާޅުވީ ގިނަ ރަށްތަކުގައި ތަރައްގީގެ މަޝްރޫއުތައް ހުއްޓިފައި ވަނީ ބޮޑު ހިލަ ނުލިބުމުގެ ސަބަބުން ކަމަށެވެ. ރައީސް ވިދާޅުވީ މިދިޔަ ހަފުތާގައި މަޝްރޫއުތައް ކުރިއަށް ގެންދާ ކުންފުނިތަކާއި ބައްދަލުކޮށް މަޝްރޫއުތަކަށް ބޭނުންވާ ތަކެތި ހޯދުމަށް ގޮތްތަކެއް ރާވާފައިވާ ކަމަށެވެ. އެގޮތުން އެންމެ ބޮޑަށް ނުލިބިގެން އުޅޭ ބޮޑު ހިލަ ސަރުކާރުން ގަނޑުކޮށް ގަތުމަށް ވެސް ނިންމާފައިވާ ކަމަށް ރައީސް މުޢިއްޒު ވިދާޅުވި އެވެ. އަދި މިކަން ކުރުމަށް ރާވާފައިވާ ގޮތާއި އެކަމަށް ބޭނުންވާ ފައިސާ ވެސް މިދިޔަ ހަފުތާގެ ތެރޭގައި ހަމަޖައްސައިދީފައިވާނެ ކަމަށް ރައީސް މުޢިއްޒު ވިދާޅުވިއެވެ.
"މިދިޔަ ހަފްތާ ތެރޭގައި އަޅުގަނޑު ހަމަ މިކަމާ ބެހޭ ހުރިހާ ކުންފުނިތަކުގެ ވެރިންނާއި ފިނޭންސް މިނިސްޓަރާއި އަދި ކޮންސްޓްރަކްޝަން މިނިސްޓަރާއި އެކީގައި ބައްދަލުވުމެއް ބާއްވާފައި. ގޮތްތަކެއް ރާވަފައިފިން. ހުރިހާ ރަށަކަށް ބޭނުންވާ ބޮޑު ހިލަ ބަލްކުކޮށް ރާއްޖެ ގެންނަން،" ރައީސް ވިދާޅުވި އެވެ.
މި ބައްދަލުކުރެއްވުމުގައި ރަތަފަންދޫގެ ތަރައްޤީއަށް ސަރުކާރުން ރާވައި ކުރިއަށްގެންދާ މަޝްރޫޢުތަކުގެ މަޢުލޫމާތު ހާމަކުރައްވަމުން، ރައީސް ވިދާޅުވީ ރަތަފަންދޫގެ ފެނާ ނަރުދަމާގެ މަޝްރޫޢު އަލުން ފަށްޓަވައި، އެކްސްޓެންޑް ކުރަންޖެހޭ ސަރަޙައްދާއެކު އެ މަސައްކަތް ކޮށްދެއްވާނެކަމަށެވެ. އަދި އެރަށުގެ ގިރާ ސަރަޙައްދު ހިމާޔަތް ކުރުމުގެ މަޝްރޫޢުގެ މަސައްކަތް ކުރާއިރު ރަށު ރައްޔިތުން މޫދަށް އެރިލާނެ ސަރަޙައްދަކާއެކުގައި ތަރައްޤީ ކުރައްވާނެ ކަމުގައި ރައީސް ވިދާޅުވިއެވެ. މިއަހަރު ތެރޭގައި ރާއްޖޭގެ ހުރިހާ ރަށެއްގައި އޭ.ޓީ.އެމް.ގެ ޚިދުމަތް ޤާއިމުކުރުމުގެ މަޝްރޫޢު ފަށްޓަވައިގެން ކުރިއަށްގެންދަވާކަން ހާމަކުރައްވަމުން ރައީސް ވަނީ އެ މަޝްރޫޢުގެ ތެރެއިން ރަތަފަންދޫގައިވެސް އޭ.ޓީ.އެމް.ގެ ޚިދުމަތް ފަށްޓަވާނެކަން ހާމަކުރައްވާފައެވެ.
އަދި ކުނި މެނޭޖްކުރުމަކީވެސް ހަމަ މިފަދަ އެހެން މަޝްރޫޢެއް ކަމަށާއި މިއަހަރު ތެރޭގައި ރާއްޖޭގެ ހުރިހާ ރަށެއްގައި، އެރަށެއްގެ އާބާދީއާއި އެރަށެއްގެ ނީޑަށް ބަލާފައި އެރަށަކަށް ބޭނުންވާ ކެޕޭސިޓީގައި، އެ ރަށަކަށް ބޭނުންވާ ފެންވަރުގައި، ހުރިހާ ކަމެއް ހަމަކުރެވިފައިވާ، ތަކެތީގެ ގޮތުންނާއި އެކިކަހަލަ ވަޞީލަތްތަކުގެ ގޮތުން ކަންތައް ފުރިހަމަ ކުރެވިފައިވާ، ކުނި މެނޭޖްކުރުމުގެ މަރުކަޒެއް ރަތަފަންދޫގައި ޤާއިމުކޮށްދެއްވާނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ މިއަހަރު ތެރޭގައި ރަތަފަންދޫއަށް ބޭނުންވާ ގިނަ ކަންކަން ފެށޭނެ ކަމަށާއި އެކަންކަމަށް ސަރުކާރުން ވަރަށް އިސްކަންދެއްވާނެ ކަމަށެވެ. ރައީސް ވިދާޅުވީ އެ ރަށުގެ ތަޢުލީމަށް، ރަށުގެ ދުޅަހެޔޮކަމަށް، ރަށުގެ އިޖުތިމާޢީ ހަމަޖެހުމަށް، ކުރިއެރުމަށް ދޭންޖެހޭ ސަމާލުކަން ސަރުކާރުން ދެއްވާނެކަމަށެވެ. އަދި ރަށުގެ ތަރައްޤީއަށް ބޭނުންވާ ކަންކަމުގައި ކުލަޖައްސައިދީ އެކަމުގައި ނަތީޖާ ނެރެދެއްވުމަށް އެ މަނިކުފާނުވަނީ ވަޢުދުވެވަޑައިގެންފައެވެ.
ކިޔުންތެރިންގެ ހިޔާލު