ބޯހިޔާވަހިކަމުގެ މަޝްރޫއުތަކަށް ކޮންޓްރެކްޓަރުން ހޯދާނީ ރީޖަނަލް ވައިސްކޮށް ނުވަތަ އެކި ސަރަހައްދު ތަކަށް ބަހާލައިގެން ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
ހުވަދުއަތޮޅަށް ކުރެއްވި ދަތުރުފުޅު ނިންމަވާލެއްވުމަށްފަހު ދައުލަތުގެ މީޑިޔާއަށް ދެއްވި ބަސްދީގަތުމެއްގައި ރައީސް ޑރ. މުޙައްމަދު މުޢިއްޒު ވިދާޅުވީ، ސަރުކާރުގެ ބޯހިޔާވަހިކަމުގެ ހުރިހާ މަޝްރޫޢުތައް ހިންގުމަށް ކޮންޓްރެކްޓަރުން ހޯދަން މިމަހުގެ ތެރޭގައި އިއުލާންކުރާނެ ކަމަށެވެ. އެގޮތުން ރާއްޖޭގެ ބައެއް ސަރަހައްދުތަކަށް ކޮންޓެކްޓަރުން ހޯދަން ނިންމާފައިވަނީ އެސަރަހައްދެެއްގެ ރަށްތައް އެއްކޮށްލުމަށްފަހު އެއް ކޮންޓްރެކްޓަރަކަށް ދޭގޮތަށް ކަމަށް ރައީސް ވިދާޅުވިއެވެ. އެމަނިކުފާނު ވިދާޅުވީ ރީޖަނަލް ވައިސްކޮށް ކޮންޓްރެކްޓަރުން ހޯދިއްޖެނަމަ އެކަމަށް ކުރަންޖެހޭ ޚަރަދު ކުޑަވެގެންދާނެ ކަމަށެވެ.
"ބައެެއް ޕޮރެޖެކްޓަށް އަޅުގަނޑުމެން ބަންޑަލް ކުރާނީ ރީޖަނަލް ވައިސްކޮށް، މިސާލަކަށް އުތުރުގެ ބައެއް އަތޮޅުތަށް އެއްކޮށްލާފައި އެވައުދުތައް އެއްކޮށް އެއް ކޮންޓްރެކްޓަރަކު ހޯދަން، އެއީ ހަމަ މޮބަލައިޒޭޝަން ކޮސްޓާއި އެ ހިނގާ ޚަރަދުތަށް ހަމަ ކޮންމެ ގޮތަކަށް ވެސް ކުޑަވާނެ ރީޖަނަލް ވައިސް ކޮށްލެވުނީމަ،" ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ، ބައެއް ހައުސިން މަޝްރޫޢުތައް ކޮންޓެކްޓަރ ފައިނޭންސްގެ އުސޫލުން ކޮށްދޭނެ ފަރާތްތައް ހޯދަން އިއުލާންކުރާނެ ކަމަށެވެ. އަދި ބޯހިޔާވަހިކަމުގެ މަޝްރޫޢުތަކަށް ކޮންޓްރެކްޓަރުން ލިބުމާއެކު އެމަސައްކަތްތައް ފެށިގެންދާނެ ކަމަށް ރައީސް މުޢިއްޒު ވިދާޅުވިއެވެ.
"ކޮންޓެކްޓަރ ފައިނޭންސްގެ އުސޫލުން ބައެއް މަޝްރޫޢުތައް އަޅުގަނޑުމެން އިއުލާންކުރާނަން ސީދާ ޑައިރެކްޓް ކޮންޓްރެކްޓް ހަވާލުކޮށް އިއުލާންކުރާނަން، އެހެންވީމާ މިމަހު ބާކީ މި އޮތް ދުވަސްކޮޅުގެ ތެރޭގައި ދާނީ އިއުލާންކުރަމުން، އެކި ފަރާތްތަށް ހަމަޖެހިގެންދާވަރަކަށް މަސައްކަތްތައް ފަށާނަން،" ރައީސް މުޢިއްޒު ވިދާޅުވިއެވެ.
"ބައެެއް ޕޮރެޖެކްޓަށް އަޅުގަނޑުމެން ބަންޑަލް ކުރާނީ ރީޖަނަލް ވައިސްކޮށް، މިސާލަކަށް އުތުރުގެ ބައެއް އަތޮޅުތަށް އެއްކޮށްލާފައި އެވައުދުތައް އެއްކޮށް އެއް ކޮންޓްރެކްޓަރަކު ހޯދަން، އެއީ ހަމަ މޮބަލައިޒޭޝަން ކޮސްޓާއި އެ ހިނގާ ޚަރަދުތަށް ހަމަ ކޮންމެ ގޮތަކަށް ވެސް ކުޑަވާނެ ރީޖަނަލް ވައިސް ކޮށްލެވުނީމަ،" ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ، ބައެއް ހައުސިން މަޝްރޫޢުތައް ކޮންޓެކްޓަރ ފައިނޭންސްގެ އުސޫލުން ކޮށްދޭނެ ފަރާތްތައް ހޯދަން އިއުލާންކުރާނެ ކަމަށެވެ. އަދި ބޯހިޔާވަހިކަމުގެ މަޝްރޫޢުތަކަށް ކޮންޓްރެކްޓަރުން ލިބުމާއެކު އެމަސައްކަތްތައް ފެށިގެންދާނެ ކަމަށް ރައީސް މުޢިއްޒު ވިދާޅުވިއެވެ.
"ކޮންޓެކްޓަރ ފައިނޭންސްގެ އުސޫލުން ބައެއް މަޝްރޫޢުތައް އަޅުގަނޑުމެން އިއުލާންކުރާނަން ސީދާ ޑައިރެކްޓް ކޮންޓްރެކްޓް ހަވާލުކޮށް އިއުލާންކުރާނަން، އެހެންވީމާ މިމަހު ބާކީ މި އޮތް ދުވަސްކޮޅުގެ ތެރޭގައި ދާނީ އިއުލާންކުރަމުން، އެކި ފަރާތްތަށް ހަމަޖެހިގެންދާވަރަކަށް މަސައްކަތްތައް ފަށާނަން،" ރައީސް މުޢިއްޒު ވިދާޅުވިއެވެ.
ކިޔުންތެރިންގެ ހިޔާލު