ރާއްޖޭގެ އެއްވެސް ސިޔާސީ ޕާޓީއެއްގައި މިވަގުތު އަމަލީ ގޮތުން މަސައްކަތް ކުރައްވަން ބޭނުންފުޅު ނުވާކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ފޭސްބުކް ޕޭޖުގައި މިއަދު މިފަދައިން ވިދާޅުވެފައި މިވަނީ ރައީސް ނަޝީދު އިސްވެ ހުންނަވައިގެން އުފެއްދެވި ދަ ޑިމޮކްރެޓްސް ޕާޓީގެ އިސް ބޭފުޅުން ތަކެއް އަލުން އެމްޑީޕީއާ ގުޅިވަޑައިގެންނެވުމުން އެބޭފުޅުންގެ ފަހަތްޕުޅުން ރައީސް ނަޝީދު ވެސް އެމްޑީޕީއާ އަލުން ގުޅިވަޑައިގަންނަވާނެ ކަމުގެ އަޑުތަކެއް ފެތުރެން ފެށުމުންނެވެ.
ރައީސް ނަޝީދު ވިދާޅުވީ އެމަނިކުފާނުގެ ހަޔާތުގެ ބޮޑުބައެއް ހޭދަކުރެއްވީ ދިވެހިރާއްޖޭގައި ގިނަ ޕާޓީ އެކުލެވޭ ވެރިކަމުގެ ނިޒާމެއް ގާއިމުކުރުމުގެ މަސައްކަތުގައި ކަމަށެވެ.
"ޤައުމުގެ ތަރައްގީއަށް، ރައްޔިތުންގެ ތަނަވަސްކަމަށް އެންމެ ބޭނުން އެއް ވަސީލަތަކީ ވާދަވެރި ސިޔާސީ ހަރަކާތް ކަމުން، 2008 ގެ އިންތިޚާބަށް ފަހުގައި ސަރުކާރުގެ އާމްދަނީ އިތުރުވެ ދިޔަ މިންވަރުން އަދި އެ އާމްދަނީން ކުރެވުނު އުމްރާނީ މަސައްކަތާއި ރައްޔިތުންނަށް ހޯދައިދެވުނު އިޖުތިމާޢީ ރައްކާތެރިކަން ބުނެދެނީ ގިނަ ޕާޓީ އެކުލެވޭ ނިޒާމުގެ ފައިދާ." ރައީސް ނަޝީދު ވިދާޅުވި އެވެ.
ނަޝީދު ވިދާޅުވީ އެމަނިކުފާނަކީ އެއްވެސް ސިޔާސީ ޕާޓީއަކާއި އިދިކޮޅުވާނެ ބޭފުޅެއް ނޫންކަމަށެވެ. އަދި އެމްޑީޕީއަކީ އެމަނިކުފާނުގެ ދަރިއެއް ފަދަ ޕާޓީއެއް ކަމުގައި ނަޝީދު ވިދާޅުވެފައި ވެއެވެ.
"އެޕާޓީ (އެމްޑީޕީ) ވަރުގަދަވެ އޮތުން އެއީ އަޅުގަނޑު އަބަދުވެސް އެދޭ ކަމެއް. އަދި ފަހުން އަޅުގަނޑު ބައިވެރިވި ޑިމޮކްރެެޓިކްސް އަކީ ޚާއްސަ ގޮތެއްގައި ޒުވާނުންނަށް ސިޔާސީ މަސައްކަތުގައި ބައިވެރިވުމަށް ލިބުނު ފުރުސަތެއް." ރައީސް ނަޝީދު ވިދާޅުވެފައި ވެއެވެ.
ރައީސް ނަޝީދު ވިދާޅުވީ އެއިން އެއްވެސް ޕާޓީއެއްގައި އަމަލީ ގޮތުން މަސައްކަތް ކުރައްވައި ހަރަކާތްތެރިވެވަޑައިގެން އުޅުއްވާން މިވަގުތު ބޭނުންފުޅު ނުވާކަމަށެވެ. ނަމަވެސް ރާއްޖޭގެ ސިޔާސީ ހަރަކާތްތަކުން މުޅިން ދުރަށް ވަޑައިގަތުމަކީވެސް އަދި ކުރައްވަން ބޭނުންފުޅުވާ ކަމެއް ނޫންކަމުގައި ރައީސް ނަޝީދު ވިދާޅުވިއެވެ.
ބައިނަލްއަޤުވާމީ ތިމާވެށްޓާބެހޭ ޖަމިއްޔާއެއްގެ އިސްވެރިއެއްގެ މަގާމު މިވަގުތު އަދާކުރައްވާތީ ރައީސް ނަޝީދު މިހާރު ދިރިއުޅުއްވަނީ ގައުމުން ބޭރުގައި، ރާއްޖޭގެ ސިޔާސީ މަޝްރަޙާ ތަންކޮޅެއް ދުރުގައެވެ. ނަމަވެސް ދޭތެރެއަކުން ރާއްޖޭގެ ސިޔާސީ މަޝްރަހުގައި ހިނގާ އެމަނިކުފާނު ގަޔަމާވާ ނޫނީ ޝަޤުވެރިވާ ބައެއް ކަންކަމުގައި ބަސް ވިދާޅުވަމުން ވެސް ގެންދަވައެވެ.
ރައީސް ނަޝީދު ވިދާޅުވީ އެމަނިކުފާނުގެ ހަޔާތުގެ ބޮޑުބައެއް ހޭދަކުރެއްވީ ދިވެހިރާއްޖޭގައި ގިނަ ޕާޓީ އެކުލެވޭ ވެރިކަމުގެ ނިޒާމެއް ގާއިމުކުރުމުގެ މަސައްކަތުގައި ކަމަށެވެ.
"ޤައުމުގެ ތަރައްގީއަށް، ރައްޔިތުންގެ ތަނަވަސްކަމަށް އެންމެ ބޭނުން އެއް ވަސީލަތަކީ ވާދަވެރި ސިޔާސީ ހަރަކާތް ކަމުން، 2008 ގެ އިންތިޚާބަށް ފަހުގައި ސަރުކާރުގެ އާމްދަނީ އިތުރުވެ ދިޔަ މިންވަރުން އަދި އެ އާމްދަނީން ކުރެވުނު އުމްރާނީ މަސައްކަތާއި ރައްޔިތުންނަށް ހޯދައިދެވުނު އިޖުތިމާޢީ ރައްކާތެރިކަން ބުނެދެނީ ގިނަ ޕާޓީ އެކުލެވޭ ނިޒާމުގެ ފައިދާ." ރައީސް ނަޝީދު ވިދާޅުވި އެވެ.
ނަޝީދު ވިދާޅުވީ އެމަނިކުފާނަކީ އެއްވެސް ސިޔާސީ ޕާޓީއަކާއި އިދިކޮޅުވާނެ ބޭފުޅެއް ނޫންކަމަށެވެ. އަދި އެމްޑީޕީއަކީ އެމަނިކުފާނުގެ ދަރިއެއް ފަދަ ޕާޓީއެއް ކަމުގައި ނަޝީދު ވިދާޅުވެފައި ވެއެވެ.
"އެޕާޓީ (އެމްޑީޕީ) ވަރުގަދަވެ އޮތުން އެއީ އަޅުގަނޑު އަބަދުވެސް އެދޭ ކަމެއް. އަދި ފަހުން އަޅުގަނޑު ބައިވެރިވި ޑިމޮކްރެެޓިކްސް އަކީ ޚާއްސަ ގޮތެއްގައި ޒުވާނުންނަށް ސިޔާސީ މަސައްކަތުގައި ބައިވެރިވުމަށް ލިބުނު ފުރުސަތެއް." ރައީސް ނަޝީދު ވިދާޅުވެފައި ވެއެވެ.
ބައިނަލްއަޤުވާމީ ތިމާވެށްޓާބެހޭ ޖަމިއްޔާއެއްގެ އިސްވެރިއެއްގެ މަގާމު މިވަގުތު އަދާކުރައްވާތީ ރައީސް ނަޝީދު މިހާރު ދިރިއުޅުއްވަނީ ގައުމުން ބޭރުގައި، ރާއްޖޭގެ ސިޔާސީ މަޝްރަޙާ ތަންކޮޅެއް ދުރުގައެވެ. ނަމަވެސް ދޭތެރެއަކުން ރާއްޖޭގެ ސިޔާސީ މަޝްރަހުގައި ހިނގާ އެމަނިކުފާނު ގަޔަމާވާ ނޫނީ ޝަޤުވެރިވާ ބައެއް ކަންކަމުގައި ބަސް ވިދާޅުވަމުން ވެސް ގެންދަވައެވެ.
ކިޔުންތެރިންގެ ހިޔާލު