ރާއްޖޭގެ ވެރިކަމާ ހެދި އަވަށްޓެރި ގައުމަކާއި މެދު ރައްޔިތުންގެ ހިތުގައި ފިތުނަ އުފެއްދުމަކީ ވަރަށް ފެންވަރުދަށް ކަމެއް ކަމުގައި ބްރިގޭޑިއަރ ރިޓަޔަޑް އިބްރާހިމް ދީދީ ވިިދާޅުވެއްޖެއެވެ.
ރައްޔިތުންގެ މަޖިލީހުގެ ކުރީގެ ހިތަދޫ މެދު ދާއިރާގެ މެންބަރު އިބްރާހިމް ދީދީ މިހެން ވިދާޅުވީ ރައީސް ޑރ. މުހައްމަދު ވަހީދު ހަސަން މަނިކާއި ކުރީގެ ރައީސް އަބްދުﷲ ޔާމީންގެ ސަރުކާރުގައި އިސް މަޤާމުތަކެއް ފުރުއްވި އައްބާސް އާދިލް ރިޒާ އިންޑިއާ ސިފައިންނަށް މަރުގެ އިންޒާރުދީ ކުރެެއްވި ޓުވީޓަކަށް ރައްދު ދެއްވަމުންނެވެ. އައްބާސް އާދިލް ރިޒާ ކުރައްވާފައިވާ ޓުވީޓްގައި އިންޑިއާ އާއި ރާއްޖެއާ ދެމެދު އޮތް ގުޅުމަށް ބުރޫއަރާ ވާހަކަތަކެއް ވަނީ ދައްކަވާފައެވެ.
ރިޒާގެ އެ ޓްވީޓާއި ގުޅިގެން އިބްރާހިމް ދީދީ ވިދާޅުވީ ރާއްޖޭގެ ވެރިކަމާ ހެދި އަވައްޓެރި ގައުމަކާއި މެދު ރައްޔިތުންގެ ހިތުގައި ފިތުނަ އުފެއްދުމަކީ ވަރަށް ފެންވަރު ދަށް ކަމެއް ކަމަށެވެ. ރާއްޖޭގެ އެއްވެސް ސަރަހައްދެއް ބޭރު ބަޔަކަށް ވިއްކާލަން ނޫޅޭ ކަމަށް ދީދީ ވިދާޅުވިއެވެ.
"ރައީސް މިގައުމު އެއްވެސް ބަޔަކަށް ވިއްކާ ނުލައްވާ، އެކަން އެއީ ޔަގީން ކަމެއް. އެއީ ކުރެވޭނެ ކަމެއް ވެސް ނޫން." އިބްރާހީމް ދީދީ ވިދާޅުވިއެވެ.
އައްޑޫ ސިޓީގައި އިންޑިއާއިން ތަރައްޤީކުރާ ސަލާމަތީ ބާރުތަކުގެ ޓްރެއިނިން ސްކޫލަކީ "ހަނގުރާމައިގެ ކިއްލާއެއް" ގެ ގޮތުގައި އައްބާސް އާދިލް ރިޒާ ވަނީ ސިފަކުރައްވާފައެވެ. ޓްރެއިނިންގ ސްކޫލާއި އިންޑިއާ ސިފައިން ރާއްޖޭގައި ޤާއިމް ކުރާ ރާޑަރުތައް ވެސް ޖެހޭނީ ގެންދަން ކަމަށް އައްބާސް ވިދާޅުވިއެވެ.
"ކަނޑުގެ އަޑިން ދެމި ނަރުތައްވެސް ޖެހޭނީ ގެންދަން. ހަނގުރާމަވެރި ސިފައިން ވެސް ފުރާނަ ބޭނުމިއްޔާ ދާން." އައްބާސް އާދިލް ރިޒާ ވިދާޅުވިއެވެ.
އިދިކޮޅު ފަރާތްތަކުން ތަކުރާރުކޮށް އަންނަނީ ސަރުކާރުން ރާއްޖެ އިންޑިއާ އަށް ވިއްކާލަން އުޅޭ ކަމަށް ތުހުމަތުކޮށް ވާހަކަ ދައްކަމުންނެވެ. ރާއްޖެ ވިއްކާލަނީއޭ ބުނެ އިދިކޮޅު ފަރާތްތަކުން މުޅި ރާއްޖޭގައި ދާދިފަހުން ވަނީ މުޒާހަރާވެސް ކޮށްފައެވެ. އެހެން ނަމަވެސް ސަރުކާރުން އެކަން ދޮގުކުރެއެވެ.
ރިޒާގެ އެ ޓްވީޓާއި ގުޅިގެން އިބްރާހިމް ދީދީ ވިދާޅުވީ ރާއްޖޭގެ ވެރިކަމާ ހެދި އަވައްޓެރި ގައުމަކާއި މެދު ރައްޔިތުންގެ ހިތުގައި ފިތުނަ އުފެއްދުމަކީ ވަރަށް ފެންވަރު ދަށް ކަމެއް ކަމަށެވެ. ރާއްޖޭގެ އެއްވެސް ސަރަހައްދެއް ބޭރު ބަޔަކަށް ވިއްކާލަން ނޫޅޭ ކަމަށް ދީދީ ވިދާޅުވިއެވެ.
"ރައީސް މިގައުމު އެއްވެސް ބަޔަކަށް ވިއްކާ ނުލައްވާ، އެކަން އެއީ ޔަގީން ކަމެއް. އެއީ ކުރެވޭނެ ކަމެއް ވެސް ނޫން." އިބްރާހީމް ދީދީ ވިދާޅުވިއެވެ.
"ކަނޑުގެ އަޑިން ދެމި ނަރުތައްވެސް ޖެހޭނީ ގެންދަން. ހަނގުރާމަވެރި ސިފައިން ވެސް ފުރާނަ ބޭނުމިއްޔާ ދާން." އައްބާސް އާދިލް ރިޒާ ވިދާޅުވިއެވެ.
އިދިކޮޅު ފަރާތްތަކުން ތަކުރާރުކޮށް އަންނަނީ ސަރުކާރުން ރާއްޖެ އިންޑިއާ އަށް ވިއްކާލަން އުޅޭ ކަމަށް ތުހުމަތުކޮށް ވާހަކަ ދައްކަމުންނެވެ. ރާއްޖެ ވިއްކާލަނީއޭ ބުނެ އިދިކޮޅު ފަރާތްތަކުން މުޅި ރާއްޖޭގައި ދާދިފަހުން ވަނީ މުޒާހަރާވެސް ކޮށްފައެވެ. އެހެން ނަމަވެސް ސަރުކާރުން އެކަން ދޮގުކުރެއެވެ.
ކިޔުންތެރިންގެ ހިޔާލު