ރާއްޖޭގެ ތަރައްޤީއަށްޓަކައި އިންޑިއާއިން ރާއްޖޭގައި ހިންގަމުން ގެންދާ ތަރައްޤީގެ ބިޔަ މަޝްރޫޢުތަކަށް ހުރަސް އެޅުމަކީ ޤައުމަށް ޣައްދާރުވުންކަމުގައި ކުޅުދުއްފުށި އުތުރު ދާއިރާ މެމްބަރު ޔާސިރު ޢަބްދުއްލަޠީފް ވިދާޅުވެއްޖެއެވެ.
ހދ. ކުޅުދުއްފުއްޓާއި ކޮޗިންއާ ދެމެދު ފަށަން ނިންމާފައިވާ ފެރީ ދަތުރުތަކާއި ގުޅިގެން އިދިކޮޅު ފަރާތްތަކުން ކިޔަމުންދާ ފާޑުކިޔުންތަކާއި ގުޅިގެން ކުޅުދުއްފުށި އުތުރު ދާއިރާ މެމްބަރު ޔާސިރު ޢަބްދުއްލަޠީފް ވިދާޅުވީ ނިމިދިޔަ ވެރިކަމުގައި އުތުރަށް އެއްވެސް ތަރައްޤީއެއް ނުގެނެސް މިސަރުކާރުން އުތުރަށް ގެންނަން މަސައްކަތް ކުރާ ތަރައްޤީއަށްވެސް އިދިކޮޅު ފަރާތްތަކުން ހުރަސް އެޅުމަށް މަސައްކަތް ކުރަމުންދާކަމަށެވެ.
އެތައް ޒަމާނެއް ވަންދެއް އުތުރުގެ ރައްޔިތުން ތަރައްޤީއާއި ކުރިއެރުމަށް އެދިއެދި ތިއްބައި މިސަރުކާރުން ގެނެސްދޭ ތަރައްޤީގެ މަޝްރޫޢުތަކަށް ހުރަސް އެޅުމަކީ ބަލައި ގަނެވޭނެ ކަމެއްނޫންކަމަށް ޔާސިރު ވިދާޅުވިއެވެ. އަދި މިވަގުތު ރާއްޖޭގެ ތަރައްޤީއާއި ކުރިއެރުމަށް އަވަށްޓެރި އިންޑިޔާއިން ފޯރުކޮށްދޭ އެހީތަކަށް ހުރަސް އެޅުމަކީ ޤައުމާއި ރައްޔިތުންނަށް ވެވޭ ވަރަށްބޮޑު ޣައްދާރުވުމެއްގެ ގޮތުގައި ޔާސިރުވަނީ ސިފަކުރައްވާފައެވެ.
"ވެރިކަމުގެ ދައުރެއް ނިމިދިޔައިރު އެއްވެސް ޤައުމެއްގެ އެހީއާއި އެކު ނަމަވެސް އުތުރުރަށް ކޮށްދެވުނީ ކޮންކަމެއްތޯ؟ މިދަތި ވަގުތުގައިވެސް އަވަށްޓެރި އިންޑިޔާއާއިން ބިޔަ މަސްރޫޢުތައް ހިންގުމަށް އެހީތެރިވެދޭތީ އެކަމަށް ހުރަސް އެޅުމީ ދިވެހިރައްޔިތުންނަށް ޣައްދާރުވުން." ޔާސިރު ވިދާޅުވިއެވެ.
ހދ. ކުޅުދުއްފުށްޓާއި ކޮޗިންއާ ދެމެދު ފަށަން ނިންމާފައިވާ ފެރީ ދަތުރުތަކާއި ގުޅިގެން އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވީ މި ފެރީގެ ބޭނުމަކީ ރާއްޖޭގެ އިޤްތިސާދުގެ މައްޗަށް އަތްގަދަ ކުރަން ރޭވިގެން ހިންނޭ ކަމެއްކަމަށެވެ. އަދި ރާއްޖޭގެ ވިޔަފާރިތަކުގެ ތެރެއަށް ވަދެ ވޯރާވިޔަފާރިވެރިން ފަދައިން ރާއްޖޭގެ ވިޔަފާރިތައް ބަގުރޫޓް ކޮށްލުމަށް ކުރެވޭ ކަމެއްކަމަށް އަބްދުއްރަހީމް ވަނީ ސިފަކުރައްވާފައެވެ.
"ރާއްޖެ-އިންޑިއާ ކާގޯ ފެރީގެ ބޭނުމަކީ ދިވެހި އިގްތިޞާދުގެ މައްޗަށް އިންޑިއާ އިން އަތްގަދަ ކުރުން. ދިވެހި ވިޔަފާރި ވެރިން ފުނޑާލުން. ވޯރާ ވިޔަފާރި ވެރިންގެ ޒަމާން އަލުން އިޢާދަ ކުރުން. ގައުމު އަޅުވެތި ކުރުން." އަބްދުއްރަހީމް ވިދާޅުވިއެވެ.
ހދ. ކުޅުދުއްފުއްޓާއި ކޮޗިންއާ ދެމެދު ފަށަން ނިންމާފައިވާ ކާގޯ ފެރީގެ ހިދުމަތާއެކު ރާއްޖެ އާއި އިންޑިއާއާ ދެމެދު އޮތް ޒަމާންވީ ވިޔަފާރީގެ ގުޅުން އިތުރަށް ހަރުދަނާވާނެކަމަށް ސަރުކާރުން ބުނެއެވެ. ކުޅުދުއްފުއްޓަކީ ފެރީގެ އެއް މަންޒިލް ކަމަށް ވުމުން، މިއީ އުތުރުގެ ރަށްތަކަށް ވިޔަފާރީގެ ގޮތުން ކުރި އެރުން ލިބި، ރާއްޖޭގެ އުފެއްދުންތައް އިންޑިއާގެ މާކެޓަށް އަދި އެ ގައުމު މެދުވެރިކޮށް، ބައިނަލްއަގްވާމީ މާކެޓަށް ނެރުމަށް ފަސޭހަ ވާނެ ކަމެއް ކަމަށް ވެސް ސަރުކާރުން ބުނެއެވެ.
ރާއްޖެ-ކޮޗިން ފެރީ ދަތުރުތައް ފެށުމުގެ އެމްއޯޔޫގައި ދެ ގައުމުން ސޮއިކުރީ ޖޫން، 2019 ގައި އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެ އަށް ކުރެއްވި ދަތުރުފުޅުގަ އެވެ. އެކަމަށް އިންޑިއާގެ ކެބިނެޓުން ވެސް ވަނީ ރުހުން ދީފަ އެވެ.
އެތައް ޒަމާނެއް ވަންދެއް އުތުރުގެ ރައްޔިތުން ތަރައްޤީއާއި ކުރިއެރުމަށް އެދިއެދި ތިއްބައި މިސަރުކާރުން ގެނެސްދޭ ތަރައްޤީގެ މަޝްރޫޢުތަކަށް ހުރަސް އެޅުމަކީ ބަލައި ގަނެވޭނެ ކަމެއްނޫންކަމަށް ޔާސިރު ވިދާޅުވިއެވެ. އަދި މިވަގުތު ރާއްޖޭގެ ތަރައްޤީއާއި ކުރިއެރުމަށް އަވަށްޓެރި އިންޑިޔާއިން ފޯރުކޮށްދޭ އެހީތަކަށް ހުރަސް އެޅުމަކީ ޤައުމާއި ރައްޔިތުންނަށް ވެވޭ ވަރަށްބޮޑު ޣައްދާރުވުމެއްގެ ގޮތުގައި ޔާސިރުވަނީ ސިފަކުރައްވާފައެވެ.
"ވެރިކަމުގެ ދައުރެއް ނިމިދިޔައިރު އެއްވެސް ޤައުމެއްގެ އެހީއާއި އެކު ނަމަވެސް އުތުރުރަށް ކޮށްދެވުނީ ކޮންކަމެއްތޯ؟ މިދަތި ވަގުތުގައިވެސް އަވަށްޓެރި އިންޑިޔާއާއިން ބިޔަ މަސްރޫޢުތައް ހިންގުމަށް އެހީތެރިވެދޭތީ އެކަމަށް ހުރަސް އެޅުމީ ދިވެހިރައްޔިތުންނަށް ޣައްދާރުވުން." ޔާސިރު ވިދާޅުވިއެވެ.
"ރާއްޖެ-އިންޑިއާ ކާގޯ ފެރީގެ ބޭނުމަކީ ދިވެހި އިގްތިޞާދުގެ މައްޗަށް އިންޑިއާ އިން އަތްގަދަ ކުރުން. ދިވެހި ވިޔަފާރި ވެރިން ފުނޑާލުން. ވޯރާ ވިޔަފާރި ވެރިންގެ ޒަމާން އަލުން އިޢާދަ ކުރުން. ގައުމު އަޅުވެތި ކުރުން." އަބްދުއްރަހީމް ވިދާޅުވިއެވެ.
ހދ. ކުޅުދުއްފުއްޓާއި ކޮޗިންއާ ދެމެދު ފަށަން ނިންމާފައިވާ ކާގޯ ފެރީގެ ހިދުމަތާއެކު ރާއްޖެ އާއި އިންޑިއާއާ ދެމެދު އޮތް ޒަމާންވީ ވިޔަފާރީގެ ގުޅުން އިތުރަށް ހަރުދަނާވާނެކަމަށް ސަރުކާރުން ބުނެއެވެ. ކުޅުދުއްފުއްޓަކީ ފެރީގެ އެއް މަންޒިލް ކަމަށް ވުމުން، މިއީ އުތުރުގެ ރަށްތަކަށް ވިޔަފާރީގެ ގޮތުން ކުރި އެރުން ލިބި، ރާއްޖޭގެ އުފެއްދުންތައް އިންޑިއާގެ މާކެޓަށް އަދި އެ ގައުމު މެދުވެރިކޮށް، ބައިނަލްއަގްވާމީ މާކެޓަށް ނެރުމަށް ފަސޭހަ ވާނެ ކަމެއް ކަމަށް ވެސް ސަރުކާރުން ބުނެއެވެ.
ރާއްޖެ-ކޮޗިން ފެރީ ދަތުރުތައް ފެށުމުގެ އެމްއޯޔޫގައި ދެ ގައުމުން ސޮއިކުރީ ޖޫން، 2019 ގައި އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެ އަށް ކުރެއްވި ދަތުރުފުޅުގަ އެވެ. އެކަމަށް އިންޑިއާގެ ކެބިނެޓުން ވެސް ވަނީ ރުހުން ދީފަ އެވެ.
ކިޔުންތެރިންގެ ހިޔާލު