ވިމެން އެންޑް ޑިމޮކްރަސީގެ ޔޫތު އެމްބެސެޑާގެ މަގާމަށް ޑިމޮކްރެޓްސް ޕާޓީގެ އަންހެނުންގެ ލީޑަރު ހަމްދާ މުހައްމަދު ހަމަޖައްސައިފި އެވެ.

ވިމެން އެންޑް ޑިމޮކްރަސީއިން ބުނީ ހަމްދާއަކީ އެ ޖަމިއްޔާއިން ފެށި ޔޫތު އެމްބެސެޑާ ޕްރޮގްރާމްގެ ދަށުން ހަމަޖެއްސި ފުރަތަމަ އެމްބެސެޑާ ކަމަށެވެ.

އެ ޕްރޮގްރާމްގެ މަގުސަދަކީ ޒުވާން އެކްޓިވިސްޓުންނާއި ރާއްޖޭގެ ލީޑަރުންނާއި ގުޅުން ބަދަހިކޮށްދިނުން ކަމަށް ވެސް އެ ޖަމިއްޔާއިން ބުނެފައި ވެއެވެ.

އެމްބެސެޑާގެ މަގާމާ ހަވާލުވެ އަންހެނުންގެ ޕިއާ ގްރޫޕް ނެޓްވޯކް އުފެއްދުމުގައި ހަމްދާ މުހިންމު ދައުރެއް އަދާކުރާނެ ކަމަށް ވެސް އެ ޖަމިއްޔާއިން ބުނެފައި ވެއެވެ.

ހަމްދާ ސިޔާސީ ކަންކަމުގެ ތެރެއިން ގިނަ ބަޔަކަށް އެނގުނީ ޑިމޮކްރެޓްސްގެ ޕޯޑިއަމްތަކުގައި ދެއްކެވި ވާހަކަތަކުން ނެވެ.