ފުލުހުންގެ ތަމްރީނުތަކަށް ޚާއްސަ ކޮށްގެން އައްޑޫގައި، އިންޑިއާގެ ސަރުކާރުގެ ހިލޭ އެހީގައި އިމާރާތް ކުރަމުން އަންނަ ޕޮލިސް އެކަޑެމީގެ މަޝްރޫއާ ގުޅުވައިގެން ޚާރިޖީ ވަޒީރު އަބްދﷲ ޝާހިދު ދައްކަވާފައިވަނީ ހަގީގަތާއި ހިލާފް ވަހަކަތަކެއް ކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
އައްޑު އަތޮޅު ހިތަދޫގައި އިމާރާތް ކުރަމުން އަންނަ ޕޮލިސް އެކަޑެމީގެ މަޝްރޫއުގައި ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދާއި އުމަރު ނަސީރު އިސް ދައުރެއް އަދާކުރެއްވި ކަމަށް ޝާހިދު މިއަދު ވިދާޅުވި ވިދާޅުވުމަށް ރައްދު ދެއްވަމުން އުމަރު ވިދާޅުވި އައްޑޫއަކީ ރާއްޖޭގައި ދެވަނައަށް އެންމެ އާބާދީ ބޮޑު އަތޮޅު ކަމަށް ވެފައި، ވަޒީފާގެ ފުރުސަތުތައް މަދު ކަމުން، އެ އަތޮޅަށް އިތުރު ފުރުސަތު ހޯދާދިނުމުގެ ގޮތުން ފުލުހުންގެ ތަމްރީން މަރުކަޒު އައްޑޫގައި ގާއިމް ކުރަން ނިންމީ އޭނާކަމަށެވެ.
"މިހާރު އަޅަމުންދާ މަރުކަޒަކީ އަޅުގަޑު ނިންމި ފުލުހުންގެ މަރުކަޒު ކަމަށް ވެއްޖެ ނަމަ، އުފަލުގެ ކޮޅެއްވެސް ނެތް. ނަމަވެސް ޑިޒައިން ބަދަލުކޮށް، އިމާރާތްތަކުގައި ކުރެވޭ ބޭނުން ބަދަލުކުރެވޭ ގޮތަށް އެޅެމުންދާ މަރުކަޒެއް ނަމަ ހިތާމައިގެ ކޮޅެއްނެތް. އަޅުގަޑުސޮއިކުރީ ހިލޭއެހީގައި ތަމްރީން މަރުކަޒެއް އެޅުމަށް. މިސަރުކާރު އައިފަހުން އެ އެގްރީމަންޓަށް އިތުރު ކުރެވުނު ނުކުތާތައް އެގިލައްވާނީ މިނިސްޓަރ ޝާހިދަށް." އުަމަރު ވިދާޅުވިއެވެ.
އުމަރު ވިދާޅުވީ މިއަދު ފެނިގެންދަނީ އިންޑިޔާ ސިފައިން އެނބުރި ގޮސްއައިސް ހަދާތަން ކަމަށާއި، މިއީ ކޮންބޭނުމެއްގައި އައިސް ގޮސް ހަދާބައެއްކަން ރައްޔިތުންނަށް ހާމަކޮށްދޭން ޖެހޭކަމަށެވެ.
"ފެންނަނީ އިންޑިއާގެ ސިފައިންތައް އައިސް ގޮސްވާތަން. ހެލިކޮޕްޓަރެއް ހަދިޔާ ކުރަން އައި މީހުން 8 އަހަރުވީއިރު އަދިވެސް މިއުޅެނީ ހެލިކޮޕްޓަރު ހަވާލު ކޮށްފަ ނުފުރިގެން. ތިޔަ މަރުކަޒު ބަލާލަން މީޑިޔާތަކަށް ދަޢުވަތު ދެއްވާ، އެއްވެސް ސިފައެއްގައި އިންޑިޔާގެ ސިފައިން ނުވަތަ ތަމްރީން ހަދަން ގެންނަ އިންޑިއާ ސިފައިން ތި މަރުކަޒުގައި ނުތިބޭނެ ކަމުގެ ޔަގީން ކަމެއް ސަރުކާރުން ދެއްވުމަށް އަޅުގަޑު އިލްތިމާސް ކުރަން." އުަމަރު ވިދާޅުވިއެވެ.
އޭނާ ވިދާޅުވީ ކުރިން ކުރި އެގްރީމެންޓަށް ބައެއް އިތުރު ކުރެވިފައިވާނަމަ އެބައި ހާމަކޮށް ދެއްވަން ޖެހޭނެކަމަށެވެ. އަދި 2023 ވަނަ އަހަރުގެ އިންތިޚާބަށް ފަހު އިންޑިއާގެ ހުރިހާ ސިފައިން އިރާދަކުރެއްވިއްޔާ މި ޤައުމުން ބާލާނެކަމަށާއި، އިންޑިއާގެ އަދި ޗައިނާގެ އުގަކަށް މި ޤައުމު ނުވެއްޓޭނެކަމަށް އުމަރު ވަނީ ވިދާޅުވެފައެވެ.
އުމަރު އެވިދާޅުވަނީ 2023 ގައި އޮންނަ ރިޔާސީ އިންތިޚާބުގައި އޭނާއަށް ކާމިޔާބު ލިބިވަޑައިގެން ރާއްޖޭގެ ރައީސުލްޖުމްހޫރިއްޔާ ކަމުގެ މަގާމު ލިބިވަޑައިގެންފި ނަމަ އުމަރުގެ ވެރިކަމެއްގައި ކަންތައް ކުރައްވާނެ ގޮތް ކަމަށް އޭނާ މީގެ ކުރިންވެސް ތަކުރާރުކޮށް ވަނީ ވިދާޅުވެފައެވެ.
"މިހާރު އަޅަމުންދާ މަރުކަޒަކީ އަޅުގަޑު ނިންމި ފުލުހުންގެ މަރުކަޒު ކަމަށް ވެއްޖެ ނަމަ، އުފަލުގެ ކޮޅެއްވެސް ނެތް. ނަމަވެސް ޑިޒައިން ބަދަލުކޮށް، އިމާރާތްތަކުގައި ކުރެވޭ ބޭނުން ބަދަލުކުރެވޭ ގޮތަށް އެޅެމުންދާ މަރުކަޒެއް ނަމަ ހިތާމައިގެ ކޮޅެއްނެތް. އަޅުގަޑުސޮއިކުރީ ހިލޭއެހީގައި ތަމްރީން މަރުކަޒެއް އެޅުމަށް. މިސަރުކާރު އައިފަހުން އެ އެގްރީމަންޓަށް އިތުރު ކުރެވުނު ނުކުތާތައް އެގިލައްވާނީ މިނިސްޓަރ ޝާހިދަށް." އުަމަރު ވިދާޅުވިއެވެ.
އުމަރު ވިދާޅުވީ މިއަދު ފެނިގެންދަނީ އިންޑިޔާ ސިފައިން އެނބުރި ގޮސްއައިސް ހަދާތަން ކަމަށާއި، މިއީ ކޮންބޭނުމެއްގައި އައިސް ގޮސް ހަދާބައެއްކަން ރައްޔިތުންނަށް ހާމަކޮށްދޭން ޖެހޭކަމަށެވެ.
"ފެންނަނީ އިންޑިއާގެ ސިފައިންތައް އައިސް ގޮސްވާތަން. ހެލިކޮޕްޓަރެއް ހަދިޔާ ކުރަން އައި މީހުން 8 އަހަރުވީއިރު އަދިވެސް މިއުޅެނީ ހެލިކޮޕްޓަރު ހަވާލު ކޮށްފަ ނުފުރިގެން. ތިޔަ މަރުކަޒު ބަލާލަން މީޑިޔާތަކަށް ދަޢުވަތު ދެއްވާ، އެއްވެސް ސިފައެއްގައި އިންޑިޔާގެ ސިފައިން ނުވަތަ ތަމްރީން ހަދަން ގެންނަ އިންޑިއާ ސިފައިން ތި މަރުކަޒުގައި ނުތިބޭނެ ކަމުގެ ޔަގީން ކަމެއް ސަރުކާރުން ދެއްވުމަށް އަޅުގަޑު އިލްތިމާސް ކުރަން." އުަމަރު ވިދާޅުވިއެވެ.
އުމަރު އެވިދާޅުވަނީ 2023 ގައި އޮންނަ ރިޔާސީ އިންތިޚާބުގައި އޭނާއަށް ކާމިޔާބު ލިބިވަޑައިގެން ރާއްޖޭގެ ރައީސުލްޖުމްހޫރިއްޔާ ކަމުގެ މަގާމު ލިބިވަޑައިގެންފި ނަމަ އުމަރުގެ ވެރިކަމެއްގައި ކަންތައް ކުރައްވާނެ ގޮތް ކަމަށް އޭނާ މީގެ ކުރިންވެސް ތަކުރާރުކޮށް ވަނީ ވިދާޅުވެފައެވެ.
ކިޔުންތެރިންގެ ހިޔާލު