ރާއްޖޭގެ ސިއްހީ ހިދުމަތްދޭ ތަންތަނުގައި އެންމެ ފެންވަރު ރަނގަޅު ވަސީލަތްތައް ބެހެއްޓުމަށް ނިންމާފައިވާ ކަމަށް ރައީސް ޑރ. މުހައްމަދު މުއިއްޒު އިއުލާންކުރަށްވައިފިއެެވެ.
ރައީސް މިކަން ހާމަކުރެއްވީ މާޅޮސްމަޑުލު އުތުރުބުރީގެ ބައެއް ރަށްތަކަށް މިހާރު ކުރައްވަމުންގެންދަވާ ޒިޔާރަތުގެ ތެރެއިން، އަނގޮޅިތީމު ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ. އެ މަނިކުފާނުގެ ވާހަކަފުޅުގައި، ޞިއްޙީ ދާއިރާގެ ތަރައްޤީއަށް ސަރުކާރުން ގެންގުޅުއްވާ ބައެއް ވިސްނުންފުޅުތައް ހިއްސާކުރެއްވިއެވެ.
އެ ގޮތުން ޞިއްޙީ މަރުކަޒުތަކުގައި ހުންނަ އިކުއިޕްމަންޓްތަކަކީ ނުހުއްޓި ހިންގޭނެ ގޮތަށް އޭގެ ބޭނުން ހިފޭނެ ތަކެތިކަމަށް ހެއްދެވުމަށްޓަކައި އެތަކެއްޗަށް ބޭނުންވާ ރިއޭޖަންޓްސް ނުވަތަ އެހެން ވަސީލަތްތައްވެސް ހުސްނުވެ ބަރާބަރަށް ލިބޭނެ ގޮތަށް އިންތިޒާމުތައް ރާއްވަވާނެކަމުގައި ރައީސް މުޢިއްޒު ވިދާޅުވިއެވެ. އެންމެ ކޮލިޓީ ބޭސް ހެޔޮ އަގުގައި ބަލްކުކޮށް ގެނެސް، އަގުހެޔޮކޮށް، އެންމެ ރަނގަޅު ފެންވަރުގެ ބޭސް ރާއްޖޭގެ ރައްޔިތުންނަށް ލިބޭނެގޮތަށް ސަރުކާރުން މިހާރު މަސައްކަތް ކުރައްވާ ފަދައިން، ޞިއްޙީ މަރުކަޒުތަކާއި ހޮސްޕިޓަލްތަކުގެ ވަސީލަތްތަކާއި އިކުއިޕްމަންޓްތަކަކީވެސް ދުނިޔޭގެ އެންމެ ރަނގަޅު ބްރޭންޑްތަކުގެ ވަސީލަތްތަކަށް ހެދުމަށް މިހާރު ނިންމާފައިވާނެ ކަމަށް ރައީސް ވިދާޅުވިއެވެ.
އެ ގޮތުން އެ މަސައްކަތްވެސް ކުރައްވާނީ ބަލްކް ޕްރޮކިއުމަންޓް އުސޫލުން ކަމަށާއި އެފަދަ ބްރޭންޑްތަކުން ތަކެތި ހޯދުމުން އެ އިކުއިޕްމަންޓްތައް ހިންގުމަށް ބޭނުންވާނެ ރިއޭޖެންޓްސް ހޯދުމަށްވެސް ފަސޭހަވާނެކަން އެ މަނިކުފާނު ފާހަގަކުރެއްވިއެވެ.
މީގެ އިތުރުން ރައީސް ވިދާޅުވީ އެ މަނިކުފާނުގެ ދަތުރުފުޅުތަކުގައި ރަށްރަށުގެ މަޝްރޫޢުތަކާއި އެންމެ ގުޅުންހުރި ދާއިރާތަކުގެ ވަޒީރުން ބައިވެރިކުރައްވަނީ ރަށްރަށުގައި ވަރަށް އަވަހަށް މަސައްކަތްތައް ހިނގައިގަންނަން ބޭނުންފުޅުވާތީ ކަމަށެވެ. އެ ގޮތުން ރަށްރަށުގެ ކައުންސިލާއި އެހެނިހެން މުއައްސަސާތަކާއި ވަޒީރުންނާއި ބައްދަލުވެ، ވާހަކަ ދެކެވިގެން، މައްސަލަތައް ހައްލުކުރެވި، އަވަހަށް ކުރިއަށް ދެވޭނެގޮތާއި ނަތީޖާއާ ހަމައަށް ދެވޭނެގޮތް ކުޑަ ވަގުތުކޮޅެއްގެ ތެރޭގައި ވުމަކީ އެ މަނިކުފާނު އެދިވަޑައިގަންނަވާގޮތްކަމަށް ރައީސް ވިދާޅުވިއެވެ. އަދި ސަރުކާރުގެ ނިޒާމުގެ ތެރޭގައި ވަރަށް ގިނަ ފަހަރަށް، ސިޓީބިޓީ ބަދަލުކުރުމާއި ބިއުރޯކްރަސީގެ ތެރެއިން ކަންކަން ތާށިވާކަމަށާއި، މިއީ ސަރުކާރުތަކުގައި ދިވެހިރާއްޖެ ނޫނަސް އެކަން ހިނގާ އާންމު އުސޫލުކަން އެ މަނިކުފާނުގެ ވާހަކަފުޅުގައި ފާހަގަކުރެއްވިއެވެ. އެހެން ނަމަވެސް އެ މަނިކުފާނު ބޭނުންފުޅުވަނީ ރަށްރަށަށް ރަށްރަށަށް ވަޒީރުންނާއެކު ވަޑައިގެން، މަސައްކަތްތައް ހަލުވިކުރުވަން ކަމަށް ރައީސް ވިދާޅުވިއެވެ.
މީގެ އިތުރުން ރައީސް ވިދާޅުވީ ފެނާ ނަރުދަމާގެ މަސައްކަތް ނުނިމި މަގު ނުހެދޭނެ ކަމަށާއި، ފެނާ ނަރުދަމާގެ މަސައްކަތް ނިމުނުހާ އަވަހަކަށް އަނގޮޅިތީމުގެ މަގުތައް ތަރައްޤީކުރަން ފައްޓަވާނެކަމަށެވެ. އަދި ދުޅަހެޔޮ ސިއްޙަތެއްގައި ހުރުމަށް ކުޅިވަރު ކުޅުމަކީ ޒުވާނުންނަށާއި އަންހެން ބޭފުޅުންނަށްވެސް ބޭނުންވާ ކަމެއް ކަމަށާއި އެ ގޮތުން މި އަހަރުގެ ބަޖެޓުގެ ތެރެއިން ޒުވާނުންނަށް ބޭނުންވާ ކުޅިވަރުގެ ވަޞީލަތްތައް ޤާއިމުކުރުމަށް ވަރަށް ބޮޑު އިސްކަމެއް ދެއްވާނެކަމަށް ރައީސް ވިދާޅުވިއެވެ. އެ ގޮތުން ހޭންޑްބޯލްއަކީ އަންހެން ބޭފުޅުން ވަރަށް ގިނައިން ކުޅުއްވާ ކުޅިވަރެއް ކަމުގައި ވިދާޅުވެ، ހޭންޑްބޯލް ކޯޓެއް އެރަށުގައި އަޅައިދެއްވުމަށް އެ މަނިކުފާނުގެ ވާހަކަފުޅުގައި ވަޢުދުވެވަޑައިގެންނެވިއެވެ. އަދި މި އަހަރަށް ކުރައްވަން ކަނޑައަޅުއްވާފައިވާ ކަންކަމަށްފަހުގައި އަނގޮޅިތީމުގައި ހުއްޓިފައިހުރި ވިޒިޓަރ ސެންޓަރުގެ މަޝްރޫއަށް ޙައްލެއް ހޯއްދެވުމަށް މަސައްކަތް ކުރައްވާނެކަން ރައީސް ވިދާޅުވިއެވެ.
މި ރަސްމިއްޔާތުގައި ވަނީ، ބޭންކް އޮފް މޯލްޑިވްސް އިން ރަށުގައި އޭޓީއެމް ބެހެއްޓުމުގެ މަސައްކަތް ރަސްމީ ގޮތުން ރަށު ކައުންސިލާ ހަވާލުކުރައްވާފައެވެ.
އެ ގޮތުން ޞިއްޙީ މަރުކަޒުތަކުގައި ހުންނަ އިކުއިޕްމަންޓްތަކަކީ ނުހުއްޓި ހިންގޭނެ ގޮތަށް އޭގެ ބޭނުން ހިފޭނެ ތަކެތިކަމަށް ހެއްދެވުމަށްޓަކައި އެތަކެއްޗަށް ބޭނުންވާ ރިއޭޖަންޓްސް ނުވަތަ އެހެން ވަސީލަތްތައްވެސް ހުސްނުވެ ބަރާބަރަށް ލިބޭނެ ގޮތަށް އިންތިޒާމުތައް ރާއްވަވާނެކަމުގައި ރައީސް މުޢިއްޒު ވިދާޅުވިއެވެ. އެންމެ ކޮލިޓީ ބޭސް ހެޔޮ އަގުގައި ބަލްކުކޮށް ގެނެސް، އަގުހެޔޮކޮށް، އެންމެ ރަނގަޅު ފެންވަރުގެ ބޭސް ރާއްޖޭގެ ރައްޔިތުންނަށް ލިބޭނެގޮތަށް ސަރުކާރުން މިހާރު މަސައްކަތް ކުރައްވާ ފަދައިން، ޞިއްޙީ މަރުކަޒުތަކާއި ހޮސްޕިޓަލްތަކުގެ ވަސީލަތްތަކާއި އިކުއިޕްމަންޓްތަކަކީވެސް ދުނިޔޭގެ އެންމެ ރަނގަޅު ބްރޭންޑްތަކުގެ ވަސީލަތްތަކަށް ހެދުމަށް މިހާރު ނިންމާފައިވާނެ ކަމަށް ރައީސް ވިދާޅުވިއެވެ.
އެ ގޮތުން އެ މަސައްކަތްވެސް ކުރައްވާނީ ބަލްކް ޕްރޮކިއުމަންޓް އުސޫލުން ކަމަށާއި އެފަދަ ބްރޭންޑްތަކުން ތަކެތި ހޯދުމުން އެ އިކުއިޕްމަންޓްތައް ހިންގުމަށް ބޭނުންވާނެ ރިއޭޖެންޓްސް ހޯދުމަށްވެސް ފަސޭހަވާނެކަން އެ މަނިކުފާނު ފާހަގަކުރެއްވިއެވެ.
މީގެ އިތުރުން ރައީސް ވިދާޅުވީ އެ މަނިކުފާނުގެ ދަތުރުފުޅުތަކުގައި ރަށްރަށުގެ މަޝްރޫޢުތަކާއި އެންމެ ގުޅުންހުރި ދާއިރާތަކުގެ ވަޒީރުން ބައިވެރިކުރައްވަނީ ރަށްރަށުގައި ވަރަށް އަވަހަށް މަސައްކަތްތައް ހިނގައިގަންނަން ބޭނުންފުޅުވާތީ ކަމަށެވެ. އެ ގޮތުން ރަށްރަށުގެ ކައުންސިލާއި އެހެނިހެން މުއައްސަސާތަކާއި ވަޒީރުންނާއި ބައްދަލުވެ، ވާހަކަ ދެކެވިގެން، މައްސަލަތައް ހައްލުކުރެވި، އަވަހަށް ކުރިއަށް ދެވޭނެގޮތާއި ނަތީޖާއާ ހަމައަށް ދެވޭނެގޮތް ކުޑަ ވަގުތުކޮޅެއްގެ ތެރޭގައި ވުމަކީ އެ މަނިކުފާނު އެދިވަޑައިގަންނަވާގޮތްކަމަށް ރައީސް ވިދާޅުވިއެވެ. އަދި ސަރުކާރުގެ ނިޒާމުގެ ތެރޭގައި ވަރަށް ގިނަ ފަހަރަށް، ސިޓީބިޓީ ބަދަލުކުރުމާއި ބިއުރޯކްރަސީގެ ތެރެއިން ކަންކަން ތާށިވާކަމަށާއި، މިއީ ސަރުކާރުތަކުގައި ދިވެހިރާއްޖެ ނޫނަސް އެކަން ހިނގާ އާންމު އުސޫލުކަން އެ މަނިކުފާނުގެ ވާހަކަފުޅުގައި ފާހަގަކުރެއްވިއެވެ. އެހެން ނަމަވެސް އެ މަނިކުފާނު ބޭނުންފުޅުވަނީ ރަށްރަށަށް ރަށްރަށަށް ވަޒީރުންނާއެކު ވަޑައިގެން، މަސައްކަތްތައް ހަލުވިކުރުވަން ކަމަށް ރައީސް ވިދާޅުވިއެވެ.
މި ރަސްމިއްޔާތުގައި ވަނީ، ބޭންކް އޮފް މޯލްޑިވްސް އިން ރަށުގައި އޭޓީއެމް ބެހެއްޓުމުގެ މަސައްކަތް ރަސްމީ ގޮތުން ރަށު ކައުންސިލާ ހަވާލުކުރައްވާފައެވެ.
ކިޔުންތެރިންގެ ހިޔާލު