ދައުލަތުގެ ހުރިހާ ހިދުމަތްތަކެއް ޑިޖިޓަލައިޒް ކުރެވުމުން ކޮރަޕްޝަން ހުއްޓުވޭނެ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ރ. އުނގޫފާރު ރައްޔިތުންނާއެކު ބޭއްވެވި ބައްދަލުވުމުގައި ވާހަކަފުޅުދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ ސަރުކާރުގެ ނިޒާމުގެ ތެރޭގައި ކޮރަޕްޝަންގެ ނުބައި އަމަލު އަބަދުވެސް ހިނގަމުން އަންނަ ކަމަށާއި ނަމަވެސް އެއީ އެހެން އޮންނަންޖެހޭނެ ކަމެއް ނޫން ކަމަށެވެ. އެގޮތުން ހެޔޮ ނިޔަތުގައި ކަންކަން ކުރާނަމަ ކޮރަޕްޝަނުގެ އަމަލުތައް ނައްތާލެވޭނެ ކަމަށް ރައީސް މުޢިއްޒު ވިދާޅުވި އެވެ.
ރައީސް ވިދާޅުވީ އެގޮތުން ބަލާއިރުގައި އެންމެ ރަނގަޅަށް ކުރެވޭނެ އެއް ކަމަކީ މުޅި ދައުލަތުގެ ހުރިހާ ހިދުމަތްތަކެއް، ހުރިހާ މަސައްކަތްތަކެއް އެއީ ޑިޖިޓަލައިޒް ކުރެވިގެން ދެވޭ ހިދުމަތްތަކެއްގެ ގޮތުގައި ގާއިމް ކުރުން ކަމަށެވެ.
"ހިޔުމަން އިންޓަވެންޝަނުން އަމަލީ މަސައްކަތްތަކެއް ކޮށްގެން ކުރާ މަސައްކަތް މަދުކުރެވުނު ވަރަކަށް ޑިޖިޓަލް ނިޒާމެއް ގާއިމް ކުރެވި ކުރެވޭ ކޮންމެ ކަމެއްގެ ރެކޯޑިން ބެލެހެއްޓޭ ފުރިހަމަ ނިޒާމެއް ގާއިމް ކުރެވިގެން ދިޔައީމާ ވަރަށް ބޮޑަށް އެކަން ހުއްޓުވޭނެ." ރައީސް ވިދާޅުވި އެވެ.
ރައީސް ވިދާޅުވީ ދިވެހިރާއްޖެއަކީ ކޮރަޕްޝަނާއި ރިސްވަތުގެ ފަސާދައިން މުޅިން ނުވަތަ ވީހާވެސް ބޮޑަކަށް ސަލާމަތްވެފައި އޮތް ޤައުމަކަށް ހައްދަވަން ބޭނުންފުޅުވާ ކަމަށެވެ. ދާދި ފަހުން އެސްޓޯނިއާއަށް ކުރެއްވި ދަތުރުފުޅަށް އިޝާރާތްކުރައްވާ ވާހަކަފުޅު ކުރިއަށް ގެންދަވަމުން ރައީސް ވަނީ، އެސްޓޯނިއާ ފަދައިން، ދިވެހިރާއްޖެއަކީވެސް އާންމު ޚިދުމަތްތަކާ ގުޅޭ ހުރިހާ ކަމެއް އެއް ވިއުގައެއްގެ ތެރެއިން ޑިޖިޓަލައިޒްކޮށްގެން ޚިދުމަތް ދެވޭ ޤައުމަކަށް ހެއްދެވުމަށް މަސައްކަތްތަކެއް ކުރެވެމުންދާކަން ފާހަގަކުރައްވާފައެވެ. ޚިދުމަތް ދިނުމުގައި އިންސާނީ ބައިވެރިވުން މަދުކޮށް، ޑިޖިޓަލައިޒް ކުރެވޭ ހިސާބުން ކޮރަޕްޝަންގެ ފަސާދަ ކުޑަވެގެންދާނެކަން ރައީސް ފާހަގަކުރެއްވިއެވެ. އަދި މިކަންކަން ކުރައްވާނީ އެކަމަށް ބޭނުންވާ ޤާނޫނުތައްވެސް ހައްދަވައިގެން ކަމަށް ރައީސް ވިދާޅުވިއެވެ.
އެ ދަތުރުފުޅުން ވަރަށް ގިނަ ކަންކަން މަގުފަހިވެގެން ގޮސްފައިވާކަން ފާހަގަކުރައްވަމުން ރައީސް ވިދާޅުވީ އެންމެ ފުރަތަމަ ކުރާނެ ކަމެއްގެ ގޮތުގައި އޮތީ ޑިޖިޓަލް އައިޑީ ކާޑު ނިޒާމެއް ތައާރަފް ކުރުން ކަމަށެވެ.
"ޑިޖިޓަލް އައިޑީ ކާޑު އެއީ ކޮންމެ މީހެއްގެ ވެސް، އެސްޓޯނިއާގައި އެކަން ކޮށްފައިވާ ފެންވަރުގައި، އަޅުގަނޑުމެން ކުރާނެ ކަމެއް. ކުރެވުނީމާ އޭގެ ޒަރިއްޔާއިން ދެން ހުރި ހުރިހާ ކަމަކަށް އެކްސެސް ވެވޭ ވަރަށް ފުރިހަމައަށް އިންޓެގްރޭޓް ކުރެވިފައިވާ، ވިއުގައަކުން ގުޅާލެވިފައިވާ ނިޒާމެއްގެ ތެރެއިން އެކަން ކުރާނީ،" ރައީސް ވިދާޅުވި އެވެ.
މިކަން ކުރިއަށް ގެންދާނީ ކުރިއަށް އޮތް ހަތަރު އަހަރަށް ބަހާލައިގެން ވަރަށް ތަފްސީލީ ޕްލޭނަކާއެކު ކަމަށާއި މިކަމުގައި ރައްޔިތުންނާއި މުއައްސަސާތަކުގެ އެއްބާރުލުން ބޭނުންވާ ކަމަށް ރައީސް މުޢިއްޒު ވިދާޅުވި އެވެ.
ރައީސް ވިދާޅުވީ އެގޮތުން ބަލާއިރުގައި އެންމެ ރަނގަޅަށް ކުރެވޭނެ އެއް ކަމަކީ މުޅި ދައުލަތުގެ ހުރިހާ ހިދުމަތްތަކެއް، ހުރިހާ މަސައްކަތްތަކެއް އެއީ ޑިޖިޓަލައިޒް ކުރެވިގެން ދެވޭ ހިދުމަތްތަކެއްގެ ގޮތުގައި ގާއިމް ކުރުން ކަމަށެވެ.
"ހިޔުމަން އިންޓަވެންޝަނުން އަމަލީ މަސައްކަތްތަކެއް ކޮށްގެން ކުރާ މަސައްކަތް މަދުކުރެވުނު ވަރަކަށް ޑިޖިޓަލް ނިޒާމެއް ގާއިމް ކުރެވި ކުރެވޭ ކޮންމެ ކަމެއްގެ ރެކޯޑިން ބެލެހެއްޓޭ ފުރިހަމަ ނިޒާމެއް ގާއިމް ކުރެވިގެން ދިޔައީމާ ވަރަށް ބޮޑަށް އެކަން ހުއްޓުވޭނެ." ރައީސް ވިދާޅުވި އެވެ.
ރައީސް ވިދާޅުވީ ދިވެހިރާއްޖެއަކީ ކޮރަޕްޝަނާއި ރިސްވަތުގެ ފަސާދައިން މުޅިން ނުވަތަ ވީހާވެސް ބޮޑަކަށް ސަލާމަތްވެފައި އޮތް ޤައުމަކަށް ހައްދަވަން ބޭނުންފުޅުވާ ކަމަށެވެ. ދާދި ފަހުން އެސްޓޯނިއާއަށް ކުރެއްވި ދަތުރުފުޅަށް އިޝާރާތްކުރައްވާ ވާހަކަފުޅު ކުރިއަށް ގެންދަވަމުން ރައީސް ވަނީ، އެސްޓޯނިއާ ފަދައިން، ދިވެހިރާއްޖެއަކީވެސް އާންމު ޚިދުމަތްތަކާ ގުޅޭ ހުރިހާ ކަމެއް އެއް ވިއުގައެއްގެ ތެރެއިން ޑިޖިޓަލައިޒްކޮށްގެން ޚިދުމަތް ދެވޭ ޤައުމަކަށް ހެއްދެވުމަށް މަސައްކަތްތަކެއް ކުރެވެމުންދާކަން ފާހަގަކުރައްވާފައެވެ. ޚިދުމަތް ދިނުމުގައި އިންސާނީ ބައިވެރިވުން މަދުކޮށް، ޑިޖިޓަލައިޒް ކުރެވޭ ހިސާބުން ކޮރަޕްޝަންގެ ފަސާދަ ކުޑަވެގެންދާނެކަން ރައީސް ފާހަގަކުރެއްވިއެވެ. އަދި މިކަންކަން ކުރައްވާނީ އެކަމަށް ބޭނުންވާ ޤާނޫނުތައްވެސް ހައްދަވައިގެން ކަމަށް ރައީސް ވިދާޅުވިއެވެ.
އެ ދަތުރުފުޅުން ވަރަށް ގިނަ ކަންކަން މަގުފަހިވެގެން ގޮސްފައިވާކަން ފާހަގަކުރައްވަމުން ރައީސް ވިދާޅުވީ އެންމެ ފުރަތަމަ ކުރާނެ ކަމެއްގެ ގޮތުގައި އޮތީ ޑިޖިޓަލް އައިޑީ ކާޑު ނިޒާމެއް ތައާރަފް ކުރުން ކަމަށެވެ.
މިކަން ކުރިއަށް ގެންދާނީ ކުރިއަށް އޮތް ހަތަރު އަހަރަށް ބަހާލައިގެން ވަރަށް ތަފްސީލީ ޕްލޭނަކާއެކު ކަމަށާއި މިކަމުގައި ރައްޔިތުންނާއި މުއައްސަސާތަކުގެ އެއްބާރުލުން ބޭނުންވާ ކަމަށް ރައީސް މުޢިއްޒު ވިދާޅުވި އެވެ.
ކިޔުންތެރިންގެ ހިޔާލު