ކުރިޔަށް އޮތް ރަމަޟާންމަހަށް ތައްޔާރުވުމުގެ ގޮތުން އައްޑޫސިޓީ މަރަދޫގައި އާންމުންނަށް ހުޅުވާލައިގެން ބޮޑު ދަރުހެއް ބާއްވަން ތައްޔާރުވެއްޖެއެވެ.

މި ދަރުސް އިންތިޒާމު ކުރާ ފަރާތުން ބުނީ 21 ފެބުރުއަރީ 2025 ވާ ހުކުރު ދުވަހުގެ ރޭ 8:30 ގައި މޯލްޑިވްސް ކަސްޓަމްސް ސައުތު ރީޖަނަލް ހެޑްއޮފީހުގެ ހޯލްގައި މި ދަރުސް ބޭއްވުމަށް ހަމަޖެހިފައިވާ ކަމަށެވެ.

ރަމަޟާންމަހަށް ތައްޔާރުވުމުގެ ގޮތުން ބާއްވަމުން ގެންދާ ސިލްސިލާ ދަރުސް ގެ ތެރެއިން މި ދަރުސް ކުރިޔަށް ގެންދަން ނިންމާފައިވާއިރު މިފަހަރުގެ ދަރުސްގައި ޢުމްރާ ދަތުރަކާއި އެކު އިތުރު އިނާމުތަކެއް ލިބޭނެ ކަމަށް މިކަން އިންތިޒާމު ކުރާ ފަރާތުން ވަނީ ބުނެފައެވެ.