ރައީސް ޑރ. މުހައްމަދު މުއިއްޒުގެ ހައުސިން މިނިސްޓަރުކަމުގައި ރ. މާކުރަތުގައި ފެއްޓެވި ބަނދަރު ހެދުމުގެ މަޝްރޫއު އެކި ސަބަބުތަކާ ހުރެ އަދިވެސް ވަނީ ނުނިމިކަމަށާއި، މި އަހަރުތެރޭ އެ މަސައްކަތް ނިންމަވައިދެއްވާނެ ކަމަށް އެ މަނިކުފާނު މިއަދު ވިދާޅުވެއްޖެއެވެ.
ރ. މާކުރަތުގެ ރައްޔިތުންނާއި ބައްދަލުކުރަށްވައި ރައީސް ޑރ.މުއިއްޒު ވަނީ ތަރައްޤީއަށް ޚާއްޞަކުރައްވައިގެން ކޮށްދެއްވާނެ ކަންކަން ރައްޔިތުންނާ ހިއްސާކުރަށްވާފައެވެ. ރަށުގެ ތަރައްޤީގައި ޙަޤީޤީ ކުލަޖެއްސުމަށްޓަކައި ކުރަންޖެހޭ ގިނަ ކަންތައްތަކެއް ހުރިކަން ފާހަގަކުރައްވަމުން ރައީސް މުޢިއްޒު ވިދާޅުވީ އެކި ސަބަބުތަކާ ހެދި މިކަންކަން ނުވެ ހުރި ކަމުގައި ވީ ނަމަވެސް، ރައްޔިތުން އެދޭފަދައިން ކަންކަން ކުރިއަށް ގެންދަވައި، ނަތީޖާ ނެރެދެއްވާނެ ކަމުގެ ޔަޤީންކަން ރައްޔިތުންނަށް ދެއްވާ ކަމަށެވެ. އެގޮތުން ބަނދަރުގެ މައްސަލައާއި، ރަށް ގިރުމުގެ މައްސަލަވެސް ހައްލުވާ ގޮތަށް އެ މަޝްރޫޢު ފުރިހަމަކޮށް ކުރިއަށްގެންގޮސްދެއްވައި، ޕަބްލިކް ވަރކްސް ސައިޓް ގާއިމުކުރުމަށް ފެށިފައި އޮތް މަސައްކަތް، ރައްޔިތުން އެދޭ ފެންވަރަށް މި އަހަރު ތެރޭގައި ކޮށްދެއްވާނެ ކަމުގެ ޔަޤީންކަން ވެސް ރައީސް ދެއްވިއެވެެ.
މާކުރަތުގެ ޞިއްޙީ ދާއިރާއަށް ދިމާވެފައިވާ އިންސާނީ ވަސީލަތުގެ ދަތިކަމާއި، އެ ނޫންވެސް ފަންނީ ވަސީލަތްތަކުގެ ދަތިކަން ޙައްލު ކުރުމުގެ މަސައްކަތް މިއަހަރުގެ ބަޖެޓުތެރެއިން ކުރެއްވުމަށް ނިންމަވާފައިވާ ކަމަށާއި، ތަޢުލީމީ ދާއިރާއަށް ބޭނުންވާ ތަރައްޤީގެ ކަންކަންވެސް މިއަހަރު ތެރޭގައި ކޮށްދެއްވާނެ ކަމަށް ރައީސް ވިދާޅުވިއެވެ. މީގެ އިތުރުން، ދުޅަހެޔޮ ޞިއްޙަތެއްގައި ތިބުމަށް ކުޅިވަރުކުޅެ އުޅެވޭނެ ތަރައްޤީ ގެނެސްދެއްވާނެ ކަމުގެ ޔަޤީންކަން ރައީސް ވަނީ ދެއްވާފައެވެ.
އެގޮތުން ރ. މާކުރަތުގައި މި އަހަރު ތެރޭގައި އައު ފުޓްސަލް ދަނޑެއް އަޅައިދެއްވާނެ ކަމުގެ ޔަޤީންކަން ވެސް ރައީސުލްޖުންހޫރިއްޔާ ދެއްވިއެވެ. އަދި ކުރިއަށް އޮތް އަހަރުތަކުގެ ތެރޭގައި އިތުރު މަޝްރޫޢުތައް ހިންގަވައިދެއްވާނެ ކަމުގައި އެމަނިކުފާނު ވިދާޅުވިއެވެ.
މުޅި ރާއްޖެއަށް ދިމާވެފައި އޮތް ގެދޮރުގެ ދަތިކަމުގެ މަޝްރޫޢަށް އިޝާރާތްކުރައްވައި ވާހަކަފުޅުދައްކަވަމުން ރައީސުލްޖުމްހޫރިއްޔާ ވަނީ، ރ. މާކުރަތުގައި ހައުސިންގ ޔުނިޓް އެޅުމުގެ މަސައްކަތް، 2026 ވަނަ އަހަރަށް ބަޖެޓްކުރައްވައިގެން ކުރިއަށް ގެންގޮސްދެއްވާނެ ކަމުގެ ޔަޤީންކަން ދެއްވާފައެވެ.
މާޅޮސްމަޑުލު އުތުރުބުރިއަށް ރައީސް ކުރެއް ދަތުރުފުޅު، ރޭ އިރާކޮޅު ނިންމަވާލައްވާފައިވާއިރު އެ އަތޮޅުގެ 11 ރަށަކަށް އެމަނިކުފާނު މިޒިޔާރަތުގައި ވަޑައިގެންނެވިއެވެ.
މާކުރަތުގެ ޞިއްޙީ ދާއިރާއަށް ދިމާވެފައިވާ އިންސާނީ ވަސީލަތުގެ ދަތިކަމާއި، އެ ނޫންވެސް ފަންނީ ވަސީލަތްތަކުގެ ދަތިކަން ޙައްލު ކުރުމުގެ މަސައްކަތް މިއަހަރުގެ ބަޖެޓުތެރެއިން ކުރެއްވުމަށް ނިންމަވާފައިވާ ކަމަށާއި، ތަޢުލީމީ ދާއިރާއަށް ބޭނުންވާ ތަރައްޤީގެ ކަންކަންވެސް މިއަހަރު ތެރޭގައި ކޮށްދެއްވާނެ ކަމަށް ރައީސް ވިދާޅުވިއެވެ. މީގެ އިތުރުން، ދުޅަހެޔޮ ޞިއްޙަތެއްގައި ތިބުމަށް ކުޅިވަރުކުޅެ އުޅެވޭނެ ތަރައްޤީ ގެނެސްދެއްވާނެ ކަމުގެ ޔަޤީންކަން ރައީސް ވަނީ ދެއްވާފައެވެ.
އެގޮތުން ރ. މާކުރަތުގައި މި އަހަރު ތެރޭގައި އައު ފުޓްސަލް ދަނޑެއް އަޅައިދެއްވާނެ ކަމުގެ ޔަޤީންކަން ވެސް ރައީސުލްޖުންހޫރިއްޔާ ދެއްވިއެވެ. އަދި ކުރިއަށް އޮތް އަހަރުތަކުގެ ތެރޭގައި އިތުރު މަޝްރޫޢުތައް ހިންގަވައިދެއްވާނެ ކަމުގައި އެމަނިކުފާނު ވިދާޅުވިއެވެ.
މާޅޮސްމަޑުލު އުތުރުބުރިއަށް ރައީސް ކުރެއް ދަތުރުފުޅު، ރޭ އިރާކޮޅު ނިންމަވާލައްވާފައިވާއިރު އެ އަތޮޅުގެ 11 ރަށަކަށް އެމަނިކުފާނު މިޒިޔާރަތުގައި ވަޑައިގެންނެވިއެވެ.
ކިޔުންތެރިންގެ ހިޔާލު