އައްޑޫސިޓީގެ ގަމުގައި ހިންގަމުން އަންނަ މޯލްޑިވިއަން އޭވިއޭޝަން އެކަޑެމީގެ ކޯސްތަކަށް ކުރިމަތިލާން ހުޅުވާލައިފިއެވެ.

ރާއްޖޭގެ ގައުމީ އެއާލައިން، މޯލްޑިވިއަނުން ހިންގަމުން އަންނަ އައިލެންޑް އޭވިއޭޝަން ސަރވިސަސްގެ ފްލައިން ސްކޫލްގައި ދަނީ ކޮމާރޝަލް ޕައިލެޓް ލައިސަންސް (ސީޕީއެލް) އާއި ޕްރައިވެޓް ޕައިލެޓް ލައިސަންސް (ޕީޕީއެލް) ކޯސްވެސް ހިންގަމުންނެވެ.

އޭވިއޭޝަން އެކެޑަމީގައި ޕައިލެޓް ކޯސް ހަދަން ބޭނުންވާ ޒުވާނުންނަށް ކޯސްތަކާ ބެހޭ މައުލޫމާތު 7914242، މި ނަންބަރަށް ގުޅައިގެން ހޯދޭނެއެވެ.

މޯލްޑިވިއަން އޭވިއޭޝަން އެކަޑެމީ އަކީ ގައުމީ ޔުނިވަސިޓީއާ ގުޅިގެން އުފެއްދި ތަނެކެވެ. އެ ފްލައިން ސްކޫލް ހިންގަނީ ޗެކް ރިޕަބްލިކްގެ ފްލައި ސްކޫލާ ގުޅިގެންނެވެ. މޯލްޑިވިއަން އޭވިއޭޝަން އެކަޑެމީގައި ޕައިލެޓުން ތަމްރީނު ކުރުމުގެ މަސައްކަތް ފެށީ 2022 ގެ ޖެނުއަރީ މަހުގެ ތެރޭގައެވެ.