ރައީސް އިބްރާހިމް މުހަންމަދު ސޯލިހްގެ ހަށިކޮޅުގައި އަލިފާން ޖެހުމަށް ލައިވް ޓީވީގައި މީހަކު ގޮވާލައިފިއެވެ.
ރައީސް ސޯލިހް ގައިކޮޅުގައި އަލިފާންޖެހުމަށް މީހަކު ގޮވާލީ ޗެނަލް 13އިން ލައިވްކޮށް އިއްޔެ މެންދުރު ވަގުތުން ގެނެސްދިން "ރައްޔިތުންގެ އަޑު" ނަމަކަށްކިޔާ ޕްރޮގުރާމަށް ފޯނުން މީހަކު ދިން އިންޓަވިއު އެއްގައެވެ.
"މިހާރުން މިހާރަށް ވެސް ހަމަ އިބްރާހިމް މުހަންމަދު ސޯލިހުގެ ގައިގައި އަލިފާން ޖަހަންވީ." ފޯނުން އިންޓަވިއުދިން މީހާ ބުނެ އެވެ.
ރައީސް ސޯލިހުގެ ހަށިކޮޅުގައި އަލިފާން ޖަހަން ޗެނަލް13 ގެ ޕްރޮގްރާމެއްގައި މީހަކު ގޮވާލާފައިވާއިރު މީހުން މެރުން، މާރަމާރީ، ޓެރަރިޒަމް ލޭއޮހޮރުވުން ފަދަ ޖަރީމާތައް މޮޅު ނުވަތަ ރަނގަޅު ކަންކަން ކަމަށް ދޭހަވާ ގޮތަށް ބްރޯޑްކާސްޓް ކޮށްގެން ނުވާނެ ކަމަށް ބްރޯޑްކާސްޓް ކުރުމުގެ ކޯޑް އޮފް ކޮންޑަކްޓް ގައި ބުނެފައިވެއެވެ.
ޗެނަލް13 ގެ ބައެއް ޕްރޮގްރާމްތަކުގައި އާންމު އިޖްތިމާއީ މިންގަނޑަށް ނުފެތޭ ބަސްމަގު ބޭނުންކުރަމުންދާތީ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން އެ ސްޓޭޝަނަށް އެތައް ފަހަރެއްގެ މަތިން ވަނީ ނަސޭހަތްތެރިވެފައެވެ. އެގޮތުން ބްރޯޑްކޮމްއިން ވަނީ އެސްޓޭޝަންގެ އިސް ބޭފުޅުންނާ ބައްދަލުކޮށް، ބްރޯޑްކާސްޓްކުރުމުގެ ގާނޫނާއި، ގަވާއިދާ އެއްގޮތަށް ކޮންޓެންޓް ގެނެސްދިނުމަށް އެ ސްޓޭޝަނަށް މީގެ ކުރިން އަންގާފައެވެ.
މީހުންގައިގައި އަލިފާން ޖެހުމާއި އެކަމަށް ގޮވާލާ ހިތްވަރު ދިނުމަކީ ޓެރަރިޒަމްގެ ގާނޫނަށް ވެސް ފެތޭ ޖިނާއީ ބޮޑު ކުށެކެވެ.
މިކަމާއި ގުޅިގެން ޗެނަލް 13 އިން ބުނީ އިއްޔެ މެންދުރު 13:00 ގައި ޗެނަލް13 އިން ބްރޯޑްކާސްޓު ކުރި ރައްޔިތުންގެ އަޑު ޕްރޮގްރާމަށް ގުޅި ބައިވެރިޔަކު ރައީސް އިބްރާހީމް މުހައްމަދު ސޯލިހަށް ނިސްބަތް ކޮށް އޭނާ އަށް ފެންނަނީ އެމަނިކުފާނުގެ ހަށިކޮޅުގައި އަލިފާންޖަހަން ކަމަށް ބުނި ބުނުމަކީ، އޭނާގެ އަމިއްލަ ހިޔާލުގެ މައްޗަށް ދެއްކި ވާހަކައެެއް ކަމަށެވެ. ޗެނަލް 13 އިން ވަނީ އެވާހަކަ ބްރޯޑްކާސްޓް ކުރެވިފައިވާތީ ރައްޔިތުންގެ ކިބައިން މައާފަށް އެދިފައެވެ.
"އެމީހާ އެހެން ބުނުމާއެކު ޗެނަލް13 އިން ވާނީ ވަގުތުން އެ ފޯނު ކޯލް މެދުކަނޑާލާފައެވެ. އެހެން ނަމަވެސް އޭނާ އެހެން ބުނާ އަޑު ބްރޯޑްކާސްޓް ކުރެވިފައިވާތީ އެކަމަކަށްޓަކައި ބެލުންތެރިންގެ ކިބައިން މައާފަށް އެދެމެވެ. ޗެނަލް13 އަކީ އަނިޔާވެރިކަމާއި، އާންމުންގެ މެދުގައި އެކަކު އަނެކަކަށް ނަފްރަތު އުފެއްދުމަށް ހިތްވަރު ދޭނެ ބައެއް ނޫނެވެ." ޗެނަލް 13ގެ ރަސްމީ ފޭސްބުކް ޕޭޖްގައި ބުނެފައިވެއެވެ.
"މިހާރުން މިހާރަށް ވެސް ހަމަ އިބްރާހިމް މުހަންމަދު ސޯލިހުގެ ގައިގައި އަލިފާން ޖަހަންވީ." ފޯނުން އިންޓަވިއުދިން މީހާ ބުނެ އެވެ.
ރައީސް ސޯލިހުގެ ހަށިކޮޅުގައި އަލިފާން ޖަހަން ޗެނަލް13 ގެ ޕްރޮގްރާމެއްގައި މީހަކު ގޮވާލާފައިވާއިރު މީހުން މެރުން، މާރަމާރީ، ޓެރަރިޒަމް ލޭއޮހޮރުވުން ފަދަ ޖަރީމާތައް މޮޅު ނުވަތަ ރަނގަޅު ކަންކަން ކަމަށް ދޭހަވާ ގޮތަށް ބްރޯޑްކާސްޓް ކޮށްގެން ނުވާނެ ކަމަށް ބްރޯޑްކާސްޓް ކުރުމުގެ ކޯޑް އޮފް ކޮންޑަކްޓް ގައި ބުނެފައިވެއެވެ.
ޗެނަލް13 ގެ ބައެއް ޕްރޮގްރާމްތަކުގައި އާންމު އިޖްތިމާއީ މިންގަނޑަށް ނުފެތޭ ބަސްމަގު ބޭނުންކުރަމުންދާތީ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން އެ ސްޓޭޝަނަށް އެތައް ފަހަރެއްގެ މަތިން ވަނީ ނަސޭހަތްތެރިވެފައެވެ. އެގޮތުން ބްރޯޑްކޮމްއިން ވަނީ އެސްޓޭޝަންގެ އިސް ބޭފުޅުންނާ ބައްދަލުކޮށް، ބްރޯޑްކާސްޓްކުރުމުގެ ގާނޫނާއި، ގަވާއިދާ އެއްގޮތަށް ކޮންޓެންޓް ގެނެސްދިނުމަށް އެ ސްޓޭޝަނަށް މީގެ ކުރިން އަންގާފައެވެ.
މީހުންގައިގައި އަލިފާން ޖެހުމާއި އެކަމަށް ގޮވާލާ ހިތްވަރު ދިނުމަކީ ޓެރަރިޒަމްގެ ގާނޫނަށް ވެސް ފެތޭ ޖިނާއީ ބޮޑު ކުށެކެވެ.
"އެމީހާ އެހެން ބުނުމާއެކު ޗެނަލް13 އިން ވާނީ ވަގުތުން އެ ފޯނު ކޯލް މެދުކަނޑާލާފައެވެ. އެހެން ނަމަވެސް އޭނާ އެހެން ބުނާ އަޑު ބްރޯޑްކާސްޓް ކުރެވިފައިވާތީ އެކަމަކަށްޓަކައި ބެލުންތެރިންގެ ކިބައިން މައާފަށް އެދެމެވެ. ޗެނަލް13 އަކީ އަނިޔާވެރިކަމާއި، އާންމުންގެ މެދުގައި އެކަކު އަނެކަކަށް ނަފްރަތު އުފެއްދުމަށް ހިތްވަރު ދޭނެ ބައެއް ނޫނެވެ." ޗެނަލް 13ގެ ރަސްމީ ފޭސްބުކް ޕޭޖްގައި ބުނެފައިވެއެވެ.
ކިޔުންތެރިންގެ ހިޔާލު