ރާއްޖޭގައި ދުންފުތުގެ އިސްތިއުމާލު ކުރެވޭ އުމުރުފުރާ ކަނޑައެޅުމަށްޓަކައި އާންމުންގެ ހިޔާލު ހޯދުމަށް ރައީސް ޑރ. މުހައްމަދު މުއިއްޒު ޕޮލް އެއް ހުޅުވާލައްވައިފިއެވެ.

އެކްސްގައި ހިއްސާކުރެއްވި ޕޯސްޓެއްގައި ރައީސް ވިދާޅުވީ ދުންފަތުގެ އިސްތިއުމާލުކުރުން މަނާކުރުމުގެ ޖީލުތަކެއް ރާއްޖޭގައި ތަންފީޒުކުރާނަމަ، ދުންފަތުގެ އިސްތިއުމާލުކުރުމުގެ ގެއްލުންތަކުން ޒުވާނުންނާއި އަންނަން އޮތް ޖީލުތަކުގެ ސިއްހަތު ރައްކާތެރިކުރެވިގެން ދާނެ ކަމަށެވެ.

ރައީސް ވިދާޅުވީ ދުންފަތުގެ އިސްތިއުމާލު ކުރުން މަނާކުރުމަށް އެންމެ އެކަށީގެންވާ އުމުރުފުރާ ކަޑައެޅުމަކީ ވަރަށް މުހިންމު ކަމެއް ކަމަށެވެ. އަދި މިކަމަށް އާންމުންގެ ހިޔާލު ހޯދުމަށް ރައީސް ވަނީ ހުޅުވާލައްވާފައެވެ.

ރައީސްގެ ޕޮލްގައި ވަނީ 3 އުމުރުފުރާއެއް ކަނޑައަޅާފައެވެ. އެގޮތުން 2000 ވަނަ އަހަރުން ފެށިގެން ނަމަ އެއީ 25 އަހަރުން ދަށުގެ އުމުރު ފުރާއެވެ. 2004 ވަނަ އަހަރުން ފެށިގެން ނަމަ އެއީ 21 އަހަރުން ދަށުގެ އުމުރު ފުރާއެވެ. އަދި 2007ވަނަ އަހަރުން ފެށިގެން ނަމަ އެއީ 18 އަހަރުން ދަށުގެ އުމުރުފުރާގެ ކުދިންނަށެވެ.

If a generational ban on smoking were to be implemented in the Maldives, to protect the health of our youth and future generations from the harmful effects of smoking, which of the following would be the most appropriate starting point?

— Dr Mohamed Muizzu (@MMuizzu) April 3, 2025

ރާއްޖޭގަައި ދުންފަތުގެ އިސްތިއުމާލު ކުރުން ހުއްޓުވުމަށް ސަރުކާރުން ދަނީ ބޮޑު އިސްކަމެއް ދީގެން މަސައްކަތްތަކެއް ކުރަމުންނެވެ. އެގޮތުން "ޖެނެރޭޝަނަލް ބޭން" ގެ ނަމުގައި މަސައްކަތްތަކެއް ކުރެއްވުމަށް ސަރުކާރުން ވަނީ ނިންމާފައެވެ.