ޢުމްރާގެ މަތިވެރި އަޅުކަމަށްފަހު އަންނަ ފަރާތްތަކުން ސަމާލުވާންޖެހޭ ބައެއް ކަންކަން ހެލްތު ޕްރޮޓެކްޝަން އޮތޯރިޓީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން ވަނީ ޢުމްރާއިން އަންނަ ފަރާތްތަކުން ރޯގާޖެހި ބޮޑުވަރުވާނަމަ ލަސްނުކޮށް ޑޮކްޓަރަށް ދެއްކުމަށް އިލްތިމާސްކޮށްފައެވެ.
ޙައްޖު ކޯޕަރޭޝަންގެ ހަވާލުގައި ޖުމްލަ 577 މީހުން ޢުމްރާއަށް ދިޔައެވެ. މީގެ އިތުރުން އަމިއްލަ ކުންފުނިތަކުގެ ހަވާލުގައިވެސް ގިނަ ބަޔަކު ރަމަޟާންމަހު ޢުމްރާގެ އަޅުކަމަށް ދިޔައެވެ. މިހާރު ވަނީ ޢުމްރާގެ މަތިވެރި އަޅުކަން ފުރިހަމަކޮށް ޢުމްރާވެރިން ރާއްޖެ އަންނަން ފަށާފައެވެ.
އެޗްޕީއޭއިން ނެރުނު ނޫސްބަޔާނެއްގައި ބުނީ ޢާއްމުގޮތެއްގައި ޙައްޖާއި ޢުމްރާގެ އަޅުކަމަށްފަހު އަންނަ މީހުންނަށް ރޯގާ ޖެހުމަކީ އެކަށީގެންވާ ކަމެއް ކަމަށެވެ. އެހެންކަމުން، ޢުމްރާއިން އަންނަ ފަރާތްތަކުން ސަމާލުކަންދޭންވީ ކަންކަން އެޗްޕީއޭއިން ހަނދާންކޮށްދީފައިވެއެވެ.
ޢުމްރާއަށްފަހު އަންނަ މީހުން އަރިދަފުސް ރޯގާޖެހި ކެއްސާ، ކިނބިހި އަޅާއިރު އަނގައާއި ނޭފަތް ނިވާކުރުމަށް އެޗްޕީއޭއިން އިލްތިމާސްކޮށްފައިވެއެވެ. އަދި ޓިޝޫފަދަ ތަކެތި ބޭނުންކުރުމަށްފަހު ރައްކާތެރި ގޮތުގައި އެތަކެތި ނައްތާލުމަށާއި ސައިބޯނި ލައިގެން ގިނައިން އަތް ދޮވުމަށް ވެސް އެ އިދާރާއިން އިލްތިމާސްކޮށްފައިވެއެވެ.
އެޗްޕީއޭއިން މި އިލްތިމާސްތައް ކޮށްފައިވަނީ ޢުމްރާއިން އަންނަ ފަރާތްތަކުގެ ޞިއްޙަތު ރައްކާތެރިކުރުމަށާއި، އެފަރާތްތަކުގެ ސަބަބުން އެހެން ފަރާތްތަކަށް ބަލި ފެތުރުން ހުއްޓުވުމަށެވެ.
ޙައްޖު ކޯޕަރޭޝަންގެ ހަވާލުގައި ޖުމްލަ 577 މީހުން ޢުމްރާއަށް ދިޔައެވެ. މީގެ އިތުރުން އަމިއްލަ ކުންފުނިތަކުގެ ހަވާލުގައިވެސް ގިނަ ބަޔަކު ރަމަޟާންމަހު ޢުމްރާގެ އަޅުކަމަށް ދިޔައެވެ. މިހާރު ވަނީ ޢުމްރާގެ މަތިވެރި އަޅުކަން ފުރިހަމަކޮށް ޢުމްރާވެރިން ރާއްޖެ އަންނަން ފަށާފައެވެ.
އެޗްޕީއޭއިން ނެރުނު ނޫސްބަޔާނެއްގައި ބުނީ ޢާއްމުގޮތެއްގައި ޙައްޖާއި ޢުމްރާގެ އަޅުކަމަށްފަހު އަންނަ މީހުންނަށް ރޯގާ ޖެހުމަކީ އެކަށީގެންވާ ކަމެއް ކަމަށެވެ. އެހެންކަމުން، ޢުމްރާއިން އަންނަ ފަރާތްތަކުން ސަމާލުކަންދޭންވީ ކަންކަން އެޗްޕީއޭއިން ހަނދާންކޮށްދީފައިވެއެވެ.
އެޗްޕީއޭއިން މި އިލްތިމާސްތައް ކޮށްފައިވަނީ ޢުމްރާއިން އަންނަ ފަރާތްތަކުގެ ޞިއްޙަތު ރައްކާތެރިކުރުމަށާއި، އެފަރާތްތަކުގެ ސަބަބުން އެހެން ފަރާތްތަކަށް ބަލި ފެތުރުން ހުއްޓުވުމަށެވެ.
ކިޔުންތެރިންގެ ހިޔާލު