ވަކި ބައެއްގެ ފަހަތުން ސަރުކާރުގެ ކަމާއި ގުޅުހުރި މުއައްސަސާތައް ތާއަބަދު އުޅޭނަމަ ރަމްޒުކޮށްދެނީ ވެރިކަމުގެ ނިމުންކަމުގައި ކުރީގެ ނައިބް ރައީސް ޑރ.މުހައްމަދު ޖަމީލް އަހުމަދު ވިދާޅުވެއްޖެއެވެ.
ދެވަނަ ފަހަރަށް ރައީސް ޑރ. މުހަންމަދު ވަހީދު ހަސަން މިއަދު ފުލުހަށް ހާޒިރު ކުރުމަށް އަންގާފައިވާތީ އެކަމަށް ފާޑުވިދާޅުވެ ޑރ.ޖަމީލް ވިދާޅުވީ ރާއްޖޭގައި މިއަދު ވެރިކަން ކުރަމުންދަނީ ހުދުމުހުތާރުކޮށް ހިތުހުރިގޮތަކަށް ވެރިކަން ހިންގޭނެ ނިޒާމެއްގެ ތެރެއިން ނޫންކަމަށެވެ. މިއީ ރައްޔިތުންގެ ކިބައިން ބާރުތައް ފެށިގެން އަންނަ ވެރިކަމަކަށްވާއިރު، ވެރިކަމުގައި ތިބޭ ބޭފުޅުންގެ އަމުރަށް ވަކި ކަންތައްތަކެއްގެ ފަހަތުން ތާއަބަދު އުޅުމަކީ ތަންފީޒީ އިދާރާތަކުން ކުރާ ވަރަށް ދަށު ދަރަޖައިގެ ކަމެއްކަމަށް ޑރ.ޖަމީލް ވިދާޅުވިއެވެ.
މިއަދުފެނިގެން ދަނީ އެއްބާވަތެއްގެ ކުއްތަކެއް ނުވަތަ ކުއްތަކެއްގެ ގޮތުގައި ބެލެވޭ ކަންކަކަމަށް އަރައިގަންނަ ފަރާތްތަކާއިމެދު ވަކިގޮތަކަށް، ތަފާތު ކުރުންތަކާއިއެކު އަމަލުކުރަމުންދާ މަންޒަރުކަމަށެވެ. އަދި މިކަންކަން ތަންފީޒު ކުރުމުގައި ކަމާއިބެހޭ ފަރާތްތަކަށް އަމުރުކޮށް "ސިލެކްޓިވް ޖަސްޓިސް" ހިންގުމަށް މަސައްކަތް ކުރަމުންދާ މަންޒަރު ފެންނަމުންދާ ކަމަށް ޑރ. ޖަމީލު ތުހުމަތު ކުރެއްވިއެވެ. މިއީ ސަރުކާރުގެ ބަލިކަށިކަންހާމަވެ ސަރުކާރު ނިމިފައިވާކަމުގެ ދަލީލެއްކަމުގައި ޑރ. ޖަމީލް ވިދާޅުވިއެވެ.
"ޤާނޫނު ތަންފީޒްކުރުމުގައި ތަފާތު ނުކުރުމަކީ ރައްޔިތުން ގެނައި އެންމެ ބޮޑު އިޞްލާޙް. ރަސްކަމުގެ އުޞޫލް ކަމުނުދާތީ ޖުމްޙޫރިއްޔަތު ގެނައީ. މިފެންނަނީ ވަކި ބަޔަކު ފަހަތުން ސަރުކާރުގެ މެޝިނަރީ އުޅޭތަން. ކޮންމެ ކަމެއްގައި "ސިލެކްޓިވް ޖަސްޓިސް." ތިއީ ވެރިކަން ނިމިއްޖެ ކަމުގެ ދަލީލެއް." ޑރ.ޖަމީލް ވިދާޅުވިއެވެ.
ޑރ.ޖަމީލް މިފަދަ މޭރުމަކުން ވާހަކަ ދައްކާފައި މިވަނީ ރައީސް ޞާލިގެ ހަށިކޮޅުގައި ހުޅުޖަހަން ގޮވިމީހާ ހައްޔަރުކޮށްފައި، ރައީސް ޔާމީނާއި، ރައީސް ވަހީދު އަދި އެފަދަ އެހެން ބޭފުޅުންނަށް އެކި އިންޒާރުތައްދީފައިވާ ފަރާތްތައް ބަންދުނުކޮށް ވަކި ގޮތަކަށް ކަމާއި ބެހޭ ފަރާތްތަކުން އަމަލުކުރަމުންދާކަމަށް ތުހުމަތުކޮށެވެ. މީގެއިތުރުން މިއަދު އަނެއްކާވެސް އިދިކޮޅުން މާލޭގައި ބޭއްވި ސައިކަލު ބުރާއި ގުޅިގެން ރައީސް ވަހީދު ފުލުހަށް ހާޒިރުކުރުމަށް ނިންމުމާއި ގުޅިގެންނެވެ.
ރައީސް ޑރ. ވަހީދު މިއަދު ހަވީރު 16:00 އަށް ފުލުހުންގެ އިދާރާ އަށް ހާޒިރުވުމަށް މިހާރު އެމަނިކުފާނަށް ވަނީ އަންގާފައެވެ.
އޮގަސްޓް މަހުގެ 30 ވަނަ ދުވަހު ވެސް ރައީސް ވަހީދު ފުލުސް އޮފީހަށް ހާޒިރު ކުރިއެވެ. އެދުވަހު ރައީސް ވަހީދު ފުލުހަށް ހާޒިރުކުރުމުން ރައީސް ވަހީދު ވަނީ ޤާނޫނީ ވަކީލަކާއި އެކު ފުލުހުންގެ ސުވާލުތަކަށް ޖަވާބު ދެއްވުމުގެ ފުރުސަތަކަށް އެދިވަޑައިގެންފައެވެ. އެހެންކަމުން އެދުވަހު އެމަނިކުފާނަށް ވަނީ ޤާނޫނީ ވަކީލަކާއި އެކު އަލުން ފުލުހަށް ހާޒިރު ކުރާނެކަން އަންގާފައެވެ.
މިއަދުފެނިގެން ދަނީ އެއްބާވަތެއްގެ ކުއްތަކެއް ނުވަތަ ކުއްތަކެއްގެ ގޮތުގައި ބެލެވޭ ކަންކަކަމަށް އަރައިގަންނަ ފަރާތްތަކާއިމެދު ވަކިގޮތަކަށް، ތަފާތު ކުރުންތަކާއިއެކު އަމަލުކުރަމުންދާ މަންޒަރުކަމަށެވެ. އަދި މިކަންކަން ތަންފީޒު ކުރުމުގައި ކަމާއިބެހޭ ފަރާތްތަކަށް އަމުރުކޮށް "ސިލެކްޓިވް ޖަސްޓިސް" ހިންގުމަށް މަސައްކަތް ކުރަމުންދާ މަންޒަރު ފެންނަމުންދާ ކަމަށް ޑރ. ޖަމީލު ތުހުމަތު ކުރެއްވިއެވެ. މިއީ ސަރުކާރުގެ ބަލިކަށިކަންހާމަވެ ސަރުކާރު ނިމިފައިވާކަމުގެ ދަލީލެއްކަމުގައި ޑރ. ޖަމީލް ވިދާޅުވިއެވެ.
"ޤާނޫނު ތަންފީޒްކުރުމުގައި ތަފާތު ނުކުރުމަކީ ރައްޔިތުން ގެނައި އެންމެ ބޮޑު އިޞްލާޙް. ރަސްކަމުގެ އުޞޫލް ކަމުނުދާތީ ޖުމްޙޫރިއްޔަތު ގެނައީ. މިފެންނަނީ ވަކި ބަޔަކު ފަހަތުން ސަރުކާރުގެ މެޝިނަރީ އުޅޭތަން. ކޮންމެ ކަމެއްގައި "ސިލެކްޓިވް ޖަސްޓިސް." ތިއީ ވެރިކަން ނިމިއްޖެ ކަމުގެ ދަލީލެއް." ޑރ.ޖަމީލް ވިދާޅުވިއެވެ.
ޑރ.ޖަމީލް މިފަދަ މޭރުމަކުން ވާހަކަ ދައްކާފައި މިވަނީ ރައީސް ޞާލިގެ ހަށިކޮޅުގައި ހުޅުޖަހަން ގޮވިމީހާ ހައްޔަރުކޮށްފައި، ރައީސް ޔާމީނާއި، ރައީސް ވަހީދު އަދި އެފަދަ އެހެން ބޭފުޅުންނަށް އެކި އިންޒާރުތައްދީފައިވާ ފަރާތްތައް ބަންދުނުކޮށް ވަކި ގޮތަކަށް ކަމާއި ބެހޭ ފަރާތްތަކުން އަމަލުކުރަމުންދާކަމަށް ތުހުމަތުކޮށެވެ. މީގެއިތުރުން މިއަދު އަނެއްކާވެސް އިދިކޮޅުން މާލޭގައި ބޭއްވި ސައިކަލު ބުރާއި ގުޅިގެން ރައީސް ވަހީދު ފުލުހަށް ހާޒިރުކުރުމަށް ނިންމުމާއި ގުޅިގެންނެވެ.
އޮގަސްޓް މަހުގެ 30 ވަނަ ދުވަހު ވެސް ރައީސް ވަހީދު ފުލުސް އޮފީހަށް ހާޒިރު ކުރިއެވެ. އެދުވަހު ރައީސް ވަހީދު ފުލުހަށް ހާޒިރުކުރުމުން ރައީސް ވަހީދު ވަނީ ޤާނޫނީ ވަކީލަކާއި އެކު ފުލުހުންގެ ސުވާލުތަކަށް ޖަވާބު ދެއްވުމުގެ ފުރުސަތަކަށް އެދިވަޑައިގެންފައެވެ. އެހެންކަމުން އެދުވަހު އެމަނިކުފާނަށް ވަނީ ޤާނޫނީ ވަކީލަކާއި އެކު އަލުން ފުލުހަށް ހާޒިރު ކުރާނެކަން އަންގާފައެވެ.
ކިޔުންތެރިންގެ ހިޔާލު