އައްޑޫ ސިޓީގެ ލިންކް ރޯޑު ޒަމާނީ ފެންވަރަށް ތަރައްގީ ކުރުމަށް ސަރުކާރުން ރޯޑް ޑިވެލޮޕްމެންޓު ކޯޕަރޭޝަން (އާރްޑީސީ) އާ ހަވާލު ކޮށްފިއެވެ.

ކޮންސްޓަރްކްޝަން މިނިސްޓްރީން މި މަސައްކަތް އާރްޑީސީއާ ހަވާލު ކޮށްފައިވަނީ އެޕްރިލް 8 ވަނަ ދުވަހުއެވެ.

މި މަޝްރޫއުގެ އެއްބަސްވުމުގައި ކޮންސްޓްރަކްޝަން މިނިސްޓްރީގެ ފަރާތުން ސޮއިކުރެއްވީ މިނިސްޓަރ ޑރ. އަބްދުﷲ މުއްޠަލިބްއެވެ. އަދި އާރްޑީސީގެ ފަރާތުން ސޮއި ކުރެއްވީ މެނޭޖިންގ ޑިރެކްޓަރ ބްރިގޭޑިޔަރ ޖެނެރަލް (ރިޓަޔަރޑް) އަލީ ޒުހައިރުއެވެ.

އައްޑޫ ސިޓީ ލިންކް ރޯޑް މަގުތަކާއި ސ. ފޭދޫ ފެން ހިންދާ ނިޒާމު ޒަމާނީ ފެންވަރަށް ތަރައްޤީ ކުރުމަށް އަދި 67.58 ކިލޯމީޓަރުގެ ސީ.ޓީ.ބީ އަޅާފައިވާ މަގުތަކުގައި ތާރު ނުވަތަ ގާ އަޅާ ތަރައްޤީ ކުރުމަށް، އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއާއި މި ކޯޕަރޭޝަނާއި އެކު މިއަދު… pic.twitter.com/voWWtPCsRr

— Road Development Corporation Ltd (@rdcmaldives) April 8, 2025

މި މަޝްރޫއުގެ ދަށުން 67.58 ކިލޯމީޓަރުގެ ސީޓީބީ އަޅާފައިވާ މަގުތަކުގައި ތާރު އަޅައި، ދުވާރުތައް ހަދައި، މަގުމަތީގެ ނިޝާންތައް ޖަހައި ބޯޑު ހަރުކޮށް، ފޭދޫގައި ފެން ހިންގާ ނިޒާމު ގާއިމްކުރާނެ އެވެ.

މި މަޝްރޫއު އާރްޑީސީއާ ހަވާލުކުރެވިފައިވަނީ 4 އަހަަރު ދުވަސްތެރޭ މަސައްކަތް ނިންމާ ގޮތަށެވެ. މި މަޝްރޫއަށް 828 މިލިއަން ރުފިޔާ ހޭދަވާނެ ކަމަށް ކޮންސްޓްރަކްޝަން މިނިސްޓްރީން ހާމަކޮށްފައި ވެއެވެ.