ހުޅުމާލެ ހޮސްޕިޓަލުގައި ޕީސީއާރު ޓެސްޓް ހަދަން ފަށައިފިއެވެ.

ހުޅުމާލޭ ހޮސްޕިޓަލުން ކުރި ޓުވީޓެއްގައި ބުނެފައިވަނީ ޕީސީއާރު ޓެސްޓް ހަދަން ފެށުމަކީ އެ ހޮސްޕިޓަލަށް ލިބުނު ވަރަށް ބޮޑު ކާމިޔާބެއް ކަމަށެވެ. އަދި ކޯވިޑްގެ މި ބަލިމަޑުކަމުގައި މި ހިދުމަތަކީ ގައުމަށް ވަރަށް ބޭނުންތެރި ހިދުމަތެއް ކަމަށް އެ ހޮސްޕިޓަލުން ބުނެ އެވެ.

PCR testing started at HMH today. A huge milestone for HMH and a very much required service for the country in the current COVID pandemic.
Appreciate the assistance of IGMH & HEOC in settingup the lab.@igmhmv @HPA_MV @MoHmv pic.twitter.com/CvMUhAC2WW

— HMH_mv (@HMH_mv) September 10, 2020

މި ހިދުމަތް ގާއިމު ކުރުމުގައި އައިޖީއެމް ހޮސްޕިޓަލާއި ހެލްތު އިމަޖެންސީ އޮޕަރޭޝަންސް ސެންޓަރުގެ އެހީތެރިކަން ލިބުނުކަން ފާހަގަކޮށް އެފަރާތްތަކަށް ޝުކުރު އަދާކުރާ ކަމަށް ހުޅުމާލޭ ހޮސްޕިޓަލުން ވަނީ ބުނެފައެވެ.

ކޯވިޑް-19 އާއި ދެކޮޅަށް ކުރެވޭ މަސައްކަތް ތަކުގެ ތެރޭގައި ބައްޔަށް ޓެސްޓް ކުރެވޭ މިންވަރު އިތުރުކޮށް ގިނަ ސަރަހައްދު ތަކުގައި ޓެސްޓް ކުރެވޭނެ ނިޒާމު ގާއިމު ކުރުމަށް ސަރުކާރުން އަންނަނީ މަސައްކަތް ކުރަމުންނެވެ. އެގޮތުން މާލޭގެ އިތުރުން ރާއްޖޭގެ ފަސް ސަރަހައްދެއްގައިވެސް ކޮވިޑަށް ޓެސްޓް ކުރެވޭނެ ނިޒާމު މިހާރު ވަނީ ގާއިމުކޮށްފައެވެ.