ހުޅުމާލެއަށް 21 އަހަރު ފުރުން ފާހަގަ ކުރުމަށް ބާއްވާ ބީޗް ފެސްޓުގެ ކުޅިވަރުތަކުގައި ޓީމުތަކުން ބައިވެރިވާން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުވާލައިފިއެވެ.

އެޗްޑީސީން ބުނީ މި ހަރަކާތް އޮންނާނީ މެއި 17 ގެ ހެނދުނު 09:00 އިން އިރުއޮއްސި 18:00 އާ ހަމައަށް ކަމަށެވެ. މި ހަރަކާތުގައި ޕާކް ވޮލީބޯލް، ހޭންޑް ބޯލް، ތްރީ އޮން ތްރީ ފުޓްބޯލް، ޓަގް އޮފް ވާ، ކެނޯ ރޭސް، އަދި ފަލިޖެހުމުގައި ޓީމުތަކުން ބައިވެރި ވުމުގެ ފުރުސަތު މިމަހުގެ 15 ވަނަ ދުވަހުގެ 15:30 އާ ހަމައަށް ހުޅުވާލާފައިވާ ކަމަށެވެ.

މި ފެސްޓްގައި ކުޅުމަށް ހަމަޖެހިފައިވާ ކުޅިވަރު ތަކާއި އިނާމުތައް:

* ހޭންޑްބޯލް - 5،000 ރުފިޔާ

* 3 އޮން 3 ބީޗް ފުޓްބޯލް - 5،000 ރުފިޔާ

* ޓަގް އޮފް ވާ - 5،000 ރުފިޔާ

* ކެނޯއީ ރޭސް - 5،000 ރުފިޔާ

* ފަލިޖެހުން - 5،000 ރުފިޔާ

* ބީޗްވޮލީ - 5،000 ރުފިޔާ

މިއީ ހުޅުމާލޭގެ އަހަރީ ދުވަސް ފާހަގަކުރުމަށް، އެޗްޑީސީން ކުރިއަށްގެންދާ ހަރަކާތްތަކުގެ ތެރެއިން އެއް ހަރަކާތެވެ. ހުޅުމާލޭގެ އާބާދީ 100،000 އަށް އަރާއިރު އެޗްޑީސީން ވަނީ އެންމެންނަށްވެސް ބައިވެރި ވެވޭނެ ގޮތަށް ހަފްތާއެއްހާ ދުވަހަށް ކުޅިވަރުގެ ގިނަ ހަރަކާތްތަކެއް ފަށާފައެވެ.