ރާއްޖޭގެ އިޤްތިޞާދީ މައި ލޭނާރުކަމުގައިވާ ފަތުރުވެރިކަމުގެ ދާއިރާއަށް ބޮޑެތި އަސަރު ކުރާނޭ ގޮތަކަށް ސަރުކާރުން ކުރަމުންދާ ކަންތައްތަކުގެ ސަބަބުން ރާއްޖެ މިދަނީ މިލިޓަރީ ޒޯނަކަށް ބަދަލުވަމުން ކަމުގައި އިދިކޮޅު ޕީއެންސީގެ ނައިބް ރައީސް އާދަމް ޝަރީފް އުމަރު ވިދާޅު ވެއްޖެ އެވެ.
ރާއްޖޭގެ އިޤްޞާދު ވެއްޓިފައިވާ އަނދަވަޅުން އަރައި ގަތުމަށް މަސައްކަތް ކުރަމުންދާ މިދަނޑިވަޅުގައި ސަރުކާރުން އަމަލު ކުރަމުންދާ ގޮތަށް ވަރަށް ބޮޑަށް ފާޑުވިދާޅުވަމުން އާދަމް ޝަރީފް ވިދާޅުވީ ފެނިގެންދަނީ އިޤްތިޞާދު ހުޅުވައި ފަތުރުވެރިކަން ރާއްޖެއަށް ފުޅާ ކުރުމުގެ ބަދަލުގައި މިލިޓަރީ ބާރާއި ނުފޫޒު ރާއްޖެއަށް ވައްދައި ފަތުރުވެރިކަން ނެތެމުންދާ މަންޒަރުކަމަށެވެ.
ރާއްޖެއަކީ މީގެ ކުރިން ދުނިޔޭގެ ބޮޑެތި ޤައުމުތަކުން އިންވެސްޓަރުންނާއި، ދުނިޔޭގެ އެންމެ ނަން ހިނގާ ބްރޭޑްތަކުން އިންވެސްޓް ކުރަމުންދިޔަ ރައްކާތެރި އަމާން މަންޒިލަކަށްވާއިރު، ސަރުކާރުގެ ސިޔާސަތުތައް ހުރި ގޮތުން މިއަދު މިކަންކަން ބަދަލުވެ ރާއްޖޭގައި އިންވެސްޓް ކުރާ މީހުންގެ އަދަދުވެސް މަދުވަމުންދާކަމަށް އާދަމް ޝަރީފު ވިދާޅުވިއެވެ. މީގެ ސަބަބުން ހުރިހާ ގެއްލުމެއް ދިވެހި ރައްޔިތުންނަށް ވަމުންދާއިރު، މިކަމުގެ ފުރިހަމަ ޒިންމާ ސަރުކާރުން ނަގަން ޖެހޭނެކަމަށް އާދަމް ޝަރީފް ވިދާޅުވިއެވެ.
"ރާއްޖެ މިދަނީ މިލިޓަރީ ޒޯނަކަށް ބަދަލުވަމުން. މިކަމުގެ ސަބަބުން ފަތުވެރިކަމުގެ ސިނާއަތަށް އިންވެސްޓް ކުރުން މަދުވެ، ރިސޯޓް ވަޒީފާތައް މަދުވާނެ."ރިހޭ ފައިމައްޗަށް ފޮއި" ހުރިހާ ގެއްލުމެއް ދިވެހިންނަށް." އާދަމް ޝަރީފް ވިދާޅުވި އެވެ.
ރާއްޖޭގެ ބޯޑަރު ހުޅުވާލި ފަހުން މިހާތަނަށް ސަރުކާރުން އުންމީދު ކުރި ވަރާއި ގާތަށްވެސް ފަތުރުވެރިން އައިސްފައެއް ނުވެއެވެ. ރާއްޖޭގެ ބޯޑަރު ހުޅުވާލިފަހުން މިހާތަނަށް ރާއްޖެއަށް ޒިޔާރަތްކޮށްފައިވަނީ 16405 ފަތުރުވެރިންނެވެ. ރާއްޖޭގެ ބޯޑަރު ހުޅުވާލިފަހުން މިހާތަނަށް އެންމެ ގިނައިން ފަތުރުވެރިން ޒިޔާރަތްކުރި 10 ޤައުމުގެ ތެރޭގައި ހިމެނެނީ ޔޫއޭއީ، ރަޝިއާ، ޔޫއެސް، ޔޫކޭ، އަދި ސްޕެއިން، ޖަރުމަނުވިލާތް، ފްރާންސް، ބްރެޒިލް، ޔޫކްރެއިން އަދި އިޖިޕްޓެވެ.
ރާއްޖެއަށް ފަތުރުވެރިން އައިސް ރާއްޖޭގައި އިންވެސްޓް ކުރުމަށް ބޭރުގެ ފަރާތްތަކަށް މިއަދު އޮތް ގޮންޖެހުމެއްކަމަށް އިދިކޮޅު ފަރާތްތަކުން ވިދާޅުވަމުންދަނީ ރާއްޖޭގެ ސަރުކާރުން ބޭރުގެ ވަކި ޤައުމެއްގެ ހިމާޔަތާއި ރައްކާތެރިކަން ހޯދަން އުޅުމެވެ. އަދި ވަކި ޤައުމެއްގެ ބާރާއި ނުފޫޒު ރާއްޖޭގައި އޮތްކަން ހާމަވާ ގޮތަށް ކުރެވޭ ކަންތައްތަކަކީ ރާއްޖެއަށް އެކަމުން ނޭދެވޭ އަސަރު ކުރާނެކަމެއްކަމަށްވެސް އިދިކޮޅުން ދަނީ ބުނަމުންނެވެ.
ރާއްޖެއަކީ މީގެ ކުރިން ދުނިޔޭގެ ބޮޑެތި ޤައުމުތަކުން އިންވެސްޓަރުންނާއި، ދުނިޔޭގެ އެންމެ ނަން ހިނގާ ބްރޭޑްތަކުން އިންވެސްޓް ކުރަމުންދިޔަ ރައްކާތެރި އަމާން މަންޒިލަކަށްވާއިރު، ސަރުކާރުގެ ސިޔާސަތުތައް ހުރި ގޮތުން މިއަދު މިކަންކަން ބަދަލުވެ ރާއްޖޭގައި އިންވެސްޓް ކުރާ މީހުންގެ އަދަދުވެސް މަދުވަމުންދާކަމަށް އާދަމް ޝަރީފު ވިދާޅުވިއެވެ. މީގެ ސަބަބުން ހުރިހާ ގެއްލުމެއް ދިވެހި ރައްޔިތުންނަށް ވަމުންދާއިރު، މިކަމުގެ ފުރިހަމަ ޒިންމާ ސަރުކާރުން ނަގަން ޖެހޭނެކަމަށް އާދަމް ޝަރީފް ވިދާޅުވިއެވެ.
"ރާއްޖެ މިދަނީ މިލިޓަރީ ޒޯނަކަށް ބަދަލުވަމުން. މިކަމުގެ ސަބަބުން ފަތުވެރިކަމުގެ ސިނާއަތަށް އިންވެސްޓް ކުރުން މަދުވެ، ރިސޯޓް ވަޒީފާތައް މަދުވާނެ."ރިހޭ ފައިމައްޗަށް ފޮއި" ހުރިހާ ގެއްލުމެއް ދިވެހިންނަށް." އާދަމް ޝަރީފް ވިދާޅުވި އެވެ.
ރާއްޖެއަށް ފަތުރުވެރިން އައިސް ރާއްޖޭގައި އިންވެސްޓް ކުރުމަށް ބޭރުގެ ފަރާތްތަކަށް މިއަދު އޮތް ގޮންޖެހުމެއްކަމަށް އިދިކޮޅު ފަރާތްތަކުން ވިދާޅުވަމުންދަނީ ރާއްޖޭގެ ސަރުކާރުން ބޭރުގެ ވަކި ޤައުމެއްގެ ހިމާޔަތާއި ރައްކާތެރިކަން ހޯދަން އުޅުމެވެ. އަދި ވަކި ޤައުމެއްގެ ބާރާއި ނުފޫޒު ރާއްޖޭގައި އޮތްކަން ހާމަވާ ގޮތަށް ކުރެވޭ ކަންތައްތަކަކީ ރާއްޖެއަށް އެކަމުން ނޭދެވޭ އަސަރު ކުރާނެކަމެއްކަމަށްވެސް އިދިކޮޅުން ދަނީ ބުނަމުންނެވެ.
ކިޔުންތެރިންގެ ހިޔާލު