ސިޔާސީ ޕާޓީތަކުގެ ޤާނޫނަށް އިސްލާހު ހުށަހަޅާފައިވަނީ ވަކި ސިޔާސީ ޕާޓީއަކަށް ނުވަތަ ވަކި ސިޔާސީ ބޭފުޅުން ތަކަކަށް ފިޔަވަޅު އެޅުމުގެ ނިޔަތުގައި ނޫންކަމަށް އިލެކްޝަން ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެ އެވެ.
އިލެކްޝަން ކޮމިޝަނުން ސިޔާސީ ޕާޓީތަކުގެ ޤާނޫނަށް ގެންނަން ހުށަހަޅާފައިވާ އިސްލާހުތަކާއި ގުޅިގެން ސިޔާސީ ޕާޓީތަކާއިއެކު މިހާރު ކުރިއަށްދާ ބައްދަލުވުން ފައްޓަވަމުން ޝަރީފް ވިދާޅުވީ ޤާނޫނަށް އިސްލާހު ގެނައުމުގެ އެންމެބޮޑު ބޭނުމަކީ މިހާރު ހުރި މައްސަލަތަކަށް ހައްލު ގެނައުންކަމަށެވެ. އަދި މިކަމުގެ ބޭނުމަކީ ހަމައެކަނި ޕާޓީތަކަށް ފިޔަވަޅު އެޅުން ނޫންކަމަށްވެސް ޝަރީފް ވިދާޅުވިއެވެ.
ޤާނޫނަށް މިގެންނަ އިސްލާހުތަކާއިއެކު ޕާޓީތައް ހިންގުމުގައާއި އިދާރީ ގޮތުން ހުރި މައްސަލަތައް ހައްލުވެ ޕާޓީތައް ޤާނޫނާއި އެއްގޮތަށް ހިންގުމަށް ވަރަށްބޮޑުތަނުން ފަސޭހަ ވެގެންދާނެ ކަމަށް ޝަރީފް ވިދާޅުވި އެވެ. ސިޔާސީ ޕާޓީތަކުގެ ޤާނޫނަށް ގެންނަ އިސްލާހުތަކުގެ ސަބަބުން ޤާނޫނީ ގޮތުން ޕާޓީއަކުން ހިންގާ އެއްވެސް ހަރަކާތަކަށް އިލެކްޝަން ކޮމިޝަނުން ފިޔަވަޅު ނާޅާނެކަމަށް ޝަރީފް ވިދާޅުވިއެވެ.
ސިޔާސީ ޕާޓީގެ ޤާނޫނާއި، އެއްވެ އުޅުމުގެ މިނިވަންކަމުގެ ޤާނޫނާއި، އާންމު ސިއްހަތު ރައްކާތެރިކުރުމުގެ ޤާނޫނާއި ތަކުރާރުކޮށް ޚިލާފްވެފައިވާތީ ކަމަށްބުނެ އިދިކޮޅު ޕީޕީއެމް، ޕީއެންސީ ކޯލިޝަންވަނީ ދާދިފަހުން 150،000 ރުފިޔާއިން ޖޫރިމަނާކޮށްފައެވެ. އަދި ބައެއް އެހެން ޕާޓީތަކާއިމެދުވެސް ޤާނޫނީ ގޮތުން އަޅަންޖެހޭ ފިޔަވަޅު އަޅައި ޖޫރިމަނާ ކޮށްފައިވާކަން ފާހަގަކޮށްލެވެ އެވެ.
އީސީން ގާނޫނަށް ހުށަހަޅާ އިސްލާހުތަކުގެ ތެރޭގައި ޕާޓީތައް ސަސްޕެންޑު ކުރެވޭ ގޮތް ހެދުން ހިމެނެއެވެ. މިހާރު ސިޔާސީ ޕާޓީތަކުގެ ގާނޫނު ބުނާ ގޮތުން ސިޔާސީ ޕާޓީތައް ސަސްޕެންޑެއް ނުކުރެވެ އެވެ. ގާނޫނަށް އަމަލު ނުކުރުމުން އެޅޭ ފިޔަވަޅެއްގެ ގޮތުގައި އޮންނަނީ، ޖޫރިމަނާ ކުރުމާއި ޕާޓީ އުވާލުމެވެ.
ހަމައެއާއެކު ސިޔާސީ ޕާޓީތަކުގެ ލީޑާޝިޕްގައި 33 ޕަސެންޓް އަންހެނުންނަށް ހާއްސަކުުރުމަށްވެސް އީސީގެ އިސްލާހުގެ ޑްރާފްޓްގައި ހިމަނާފައިވެއެވެ. އޭގެ އިތުރުން ސިޔާސީ ޕާޓީތަކަށް ފައިސާ ދިނުމުގައި ޕާޓީތަކަށް އިންތިހާބުތަކުގައި ލިބޭ ވޯޓުގެ އަދަދަށް ބަލައި، ޕާޓީތަކަށް ފައިސާ ދިނުމަށްވެސް ޑްރާފްޓްގައި ހިމަނާފައިވެއެވެ.
އޭގެ އިތުރުން ޕާޓީތަކުން އެ ފައިސާ ހަރަދުކުރާ ގޮތް ބެލުމުގެ ގާނޫނީ ބާރުވެރިކަން ދިނުމަށްވެސް ޑްރާފްޓްގައި ހިމަނާފައިވެއެވެ. މީގެ އިތުރުންވެސް ބޮޑެތި ގިނަ އިސްލާހުތަކެއް ޤާނޫނަށް ހުށަހަޅާފައިވެ އެވެ.
ޤާނޫނަށް މިގެންނަ އިސްލާހުތަކާއިއެކު ޕާޓީތައް ހިންގުމުގައާއި އިދާރީ ގޮތުން ހުރި މައްސަލަތައް ހައްލުވެ ޕާޓީތައް ޤާނޫނާއި އެއްގޮތަށް ހިންގުމަށް ވަރަށްބޮޑުތަނުން ފަސޭހަ ވެގެންދާނެ ކަމަށް ޝަރީފް ވިދާޅުވި އެވެ. ސިޔާސީ ޕާޓީތަކުގެ ޤާނޫނަށް ގެންނަ އިސްލާހުތަކުގެ ސަބަބުން ޤާނޫނީ ގޮތުން ޕާޓީއަކުން ހިންގާ އެއްވެސް ހަރަކާތަކަށް އިލެކްޝަން ކޮމިޝަނުން ފިޔަވަޅު ނާޅާނެކަމަށް ޝަރީފް ވިދާޅުވިއެވެ.
ސިޔާސީ ޕާޓީގެ ޤާނޫނާއި، އެއްވެ އުޅުމުގެ މިނިވަންކަމުގެ ޤާނޫނާއި، އާންމު ސިއްހަތު ރައްކާތެރިކުރުމުގެ ޤާނޫނާއި ތަކުރާރުކޮށް ޚިލާފްވެފައިވާތީ ކަމަށްބުނެ އިދިކޮޅު ޕީޕީއެމް، ޕީއެންސީ ކޯލިޝަންވަނީ ދާދިފަހުން 150،000 ރުފިޔާއިން ޖޫރިމަނާކޮށްފައެވެ. އަދި ބައެއް އެހެން ޕާޓީތަކާއިމެދުވެސް ޤާނޫނީ ގޮތުން އަޅަންޖެހޭ ފިޔަވަޅު އަޅައި ޖޫރިމަނާ ކޮށްފައިވާކަން ފާހަގަކޮށްލެވެ އެވެ.
ހަމައެއާއެކު ސިޔާސީ ޕާޓީތަކުގެ ލީޑާޝިޕްގައި 33 ޕަސެންޓް އަންހެނުންނަށް ހާއްސަކުުރުމަށްވެސް އީސީގެ އިސްލާހުގެ ޑްރާފްޓްގައި ހިމަނާފައިވެއެވެ. އޭގެ އިތުރުން ސިޔާސީ ޕާޓީތަކަށް ފައިސާ ދިނުމުގައި ޕާޓީތަކަށް އިންތިހާބުތަކުގައި ލިބޭ ވޯޓުގެ އަދަދަށް ބަލައި، ޕާޓީތަކަށް ފައިސާ ދިނުމަށްވެސް ޑްރާފްޓްގައި ހިމަނާފައިވެއެވެ.
އޭގެ އިތުރުން ޕާޓީތަކުން އެ ފައިސާ ހަރަދުކުރާ ގޮތް ބެލުމުގެ ގާނޫނީ ބާރުވެރިކަން ދިނުމަށްވެސް ޑްރާފްޓްގައި ހިމަނާފައިވެއެވެ. މީގެ އިތުރުންވެސް ބޮޑެތި ގިނަ އިސްލާހުތަކެއް ޤާނޫނަށް ހުށަހަޅާފައިވެ އެވެ.
ކިޔުންތެރިންގެ ހިޔާލު