ބޭންކް އޮފް މޯލްޑިވްސް (ބީއެމްއެލް) އިން ބޭންކިންގް ޚިދުމަތްތައް ފުޅާކޮށް، އަތޮޅުތަކުގެ އިގްތިސާދީ ކުރިއެރުމަށް މަގުފަހިކުރުމުގެ ގޮތުން ދ. ކުޑަހުވަދޫގައި ތަރައްގީކުރި އާ ބްރާންޗް ރަސްމީކޮށް ހުޅުވައިފިއެވެ.
ބޭންކުން ބުނީ، މިއަދު ކުޑަހުވަދޫގައި ބޭއްވުނު މި ޚާއްސަ ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ފައިނޭންސް އެންޑް ޕްލޭނިންގ މޫސާ ޒަމީރު ކަމަށެވެ. މި ރަސްމިއްޔާތުގައި ބޭންކުގެ ސީއީއޯ އެންޑް މެނޭޖިންގ ޑިރެކްޓަރ މުޙައްމަދު ޝަރީފްގެ އިތުރުން ބޭންކުގެ އިސް އޮފިޝަލުން ބައިވެރިވެވަޑައިގެންނެވިއެވެ.
އަލަށް ބިނާކުރި މި ބްރާންޗް ހުޅުވުމާއެކު، ކުޑަހުވަދޫގައި މީގެ ކުރިން ހިންގަމުން އައި ބްރާންޗުގެ ހުރިހާ މަސައްކަތްތަކެއް މިހާރު ވަނީ އާ ބްރާންޗަށް ބަދަލުކުރެވިފައެވެ. މި ބަދަލާއެކު ކުޑަހުވަދޫގެ އިތުރުން އެ ސަރަހައްދުގެ ކައިރި ރަށްތަކަށް ބޭންކިންގް ޚިދުމަތް ދިނުމުގެ ގާބިލުކަން އިތުރުވެ، ކަސްޓަމަރުންނަށް އަވަސް އަދި ފަސޭހަ ޚިދުމަތްތަކެއް ލިބިގެންދާނެއެވެ.
މި ރަސްމިއްޔާތުގައި ވާހަކަދައްކަވަމުން ބީއެމްއެލްގެ ސީއީއޯ މުޙައްމަދު ޝަރީފް ވިދާޅުވީ، ކުޑަހުވަދޫގައި ހުޅުވުނު އާ ބްރާންޗަކީ ރަށްތަކުގެ އިންފްރާސްޓްރަކްޗަރއަށް ބޭންކުން ކުރާ އިންވެސްޓްމަންޓާއި، ޒަމާނީ ބޭންކިންގް ޚިދުމަތްތައް ފޯރުކޮށްދިނުމަށް ކުރާ މަސައްކަތުގެ ނަމޫނާއެއް ކަމަށެވެ.
"މި ޕޭޕަރލެސް ބްރާންޗުން ޚިދުމަތްތައް ދޭނީ ޑިޖިޓަލްކޮށް. މީގެ ސަބަބުން ކަސްޓަމަރުންނަށް ބޭންކިންގް ޚިދުމަތްތައް ހޯދުމުގައި އިތުރު ފަސޭހަކަމާއި ހަލުވިކަން ލިބިގެންދާނެ. މި ބްރާންޗުގެ ސަބަބުން މި ސަރަހައްދުގެ އާންމު ފަރުދުންނާއި، އާއިލާތަކާއި ވިޔަފާރިތަކަށް ޚިދުމަތް ދިނުމުގެ ގާބިލުކަން އިތުރަށް ވަރުގަދަވެގެންދާނެ،" ޝަރީފް ވިދާޅުވިއެވެ.
މުޅި ރާއްޖެއަށް ބޭންކިންގ ޚިދުމަތްތައް ފުޅާކުރުމުގެ ސިޔާސަތުގެ ދަށުން، ބީއެމްއެލް އިން ވަނީ މި އަހަރު ތެރޭގައި ރާއްޖޭގެ އެކި ކަންކޮޅުތަކުގައި އިތުރު 12 ބްރާންޗެއް ހުޅުވުމަށް ނިންމާފައެވެ.
ބޭންކް އޮފް މޯލްޑިވްސް އަކީ ރާއްޖޭގެ އެންމެ ބޮޑު ބޭންކިންގ ވިއުގަ އޮތް ބޭންކެވެ. އެގޮތުން 20 އަތޮޅުގައި 42 ބްރާންޗް، 267 އޭޓީއެމް އަދި އެންމެ ޒަމާނީ އޮންލައިން ބޭންކިންގ ހިދުމަތާއެކު، އާންމު ފަރުދުންނާއި ވިޔަފާރިތަކަށް އެހީތެރިކަން ފޯރުކޮށްދިނުމުގައި އެ ބޭންކުން ދަނީ މުހިންމު ދައުރެއް އަދާކުރަމުންނެވެ.
އަލަށް ބިނާކުރި މި ބްރާންޗް ހުޅުވުމާއެކު، ކުޑަހުވަދޫގައި މީގެ ކުރިން ހިންގަމުން އައި ބްރާންޗުގެ ހުރިހާ މަސައްކަތްތަކެއް މިހާރު ވަނީ އާ ބްރާންޗަށް ބަދަލުކުރެވިފައެވެ. މި ބަދަލާއެކު ކުޑަހުވަދޫގެ އިތުރުން އެ ސަރަހައްދުގެ ކައިރި ރަށްތަކަށް ބޭންކިންގް ޚިދުމަތް ދިނުމުގެ ގާބިލުކަން އިތުރުވެ، ކަސްޓަމަރުންނަށް އަވަސް އަދި ފަސޭހަ ޚިދުމަތްތަކެއް ލިބިގެންދާނެއެވެ.
މި ރަސްމިއްޔާތުގައި ވާހަކަދައްކަވަމުން ބީއެމްއެލްގެ ސީއީއޯ މުޙައްމަދު ޝަރީފް ވިދާޅުވީ، ކުޑަހުވަދޫގައި ހުޅުވުނު އާ ބްރާންޗަކީ ރަށްތަކުގެ އިންފްރާސްޓްރަކްޗަރއަށް ބޭންކުން ކުރާ އިންވެސްޓްމަންޓާއި، ޒަމާނީ ބޭންކިންގް ޚިދުމަތްތައް ފޯރުކޮށްދިނުމަށް ކުރާ މަސައްކަތުގެ ނަމޫނާއެއް ކަމަށެވެ.
"މި ޕޭޕަރލެސް ބްރާންޗުން ޚިދުމަތްތައް ދޭނީ ޑިޖިޓަލްކޮށް. މީގެ ސަބަބުން ކަސްޓަމަރުންނަށް ބޭންކިންގް ޚިދުމަތްތައް ހޯދުމުގައި އިތުރު ފަސޭހަކަމާއި ހަލުވިކަން ލިބިގެންދާނެ. މި ބްރާންޗުގެ ސަބަބުން މި ސަރަހައްދުގެ އާންމު ފަރުދުންނާއި، އާއިލާތަކާއި ވިޔަފާރިތަކަށް ޚިދުމަތް ދިނުމުގެ ގާބިލުކަން އިތުރަށް ވަރުގަދަވެގެންދާނެ،" ޝަރީފް ވިދާޅުވިއެވެ.
ބޭންކް އޮފް މޯލްޑިވްސް އަކީ ރާއްޖޭގެ އެންމެ ބޮޑު ބޭންކިންގ ވިއުގަ އޮތް ބޭންކެވެ. އެގޮތުން 20 އަތޮޅުގައި 42 ބްރާންޗް، 267 އޭޓީއެމް އަދި އެންމެ ޒަމާނީ އޮންލައިން ބޭންކިންގ ހިދުމަތާއެކު، އާންމު ފަރުދުންނާއި ވިޔަފާރިތަކަށް އެހީތެރިކަން ފޯރުކޮށްދިނުމުގައި އެ ބޭންކުން ދަނީ މުހިންމު ދައުރެއް އަދާކުރަމުންނެވެ.
ކިޔުންތެރިންގެ ހިޔާލު