ރައްޔިތުންގެ މަޖިލީހުގެ މަހިބަދޫ ދާއިރާގެ މެންބަރު އަހުމަދު ތޯރިގު (ޓޮމް) ގެ ސިޔާސީ ނުފޫޒު ގަދަ މަހިބަދޫ ކައުންސިލްގެ އަޣުލަބިއްޔަތު، މިފަހަރުގެ އިންތިހާބުގައި ސަރުކާރު ހިންގާ ޕީއެންސީއަށް ނުލިބި ނާކާމިޔާބީއާ ކުރިމަތިލާން ޖެހިއްޖެއެވެ.
މީގެ ކުރީގެ އިންތިހާބުތަކުގައި އެ ރަށުން ޕީޕީއެމް/ޕީއެންސީން ބޮޑު ކާމިޔާބީއެއް ހޯދަމުން އައި ނަމަވެސް، މިފަހަރުގެ ވަގުތީ ނަތީޖާ ދައްކާ ގޮތުން ފަސް މެންބަރުންގެ މައްޗަށް އެކުލެވޭ ކައުންސިލްގެ ކޮންޓްރޯލް ވަނީ ބެހިފައެވެ.
އިންތިހާބުގެ އެންމެ މުހިންމު ގޮނޑި ކަމަށްވާ ކައުންސިލްގެ ރައީސް ކަމުގެ މަގާމު ކާމިޔާބު ކުރީ އިދިކޮޅު އެމްޑީޕީގެ ކެންޑިޑޭޓް މޫސާ މުހައްމަދެވެ.
އޭނާ އެ ގޮނޑި ކާމިޔާބު ކުރީ ވޯޓުގެ %57 ހޯދައިގެންނެވެ. މީގެ އިތުރުން އެމްޑީޕީން ވަނީ ކައުންސިލްގެ އާންމު މެންބަރުކަމުގެ ގޮނޑިއެއް ވެސް ކާމިޔާބުކޮށްފައެވެ. ޕީއެންސީއަށް ލިބުނީ އަންހެނުންނަށް ހާއްސަ ގޮނޑިއަކާއި އާންމު މެންބަރުކަމުގެ ގޮނޑިއަކާއެކު ޖުމްލަ ދެ ގޮނޑިއެވެ.
ކައުންސިލްގެ ފަސްވަނަ ގޮނޑި ކާމިޔާބު ކުރީ އަމިއްލަ ގޮތުން ވާދަކުރި ކެންޑިޑޭޓެކެވެ.
މި ނަތީޖާއާއެކު، ޕީއެންސީގެ މެޖޯރިޓީ އޮތްކަމަށް ފާހަގަކުރެވޭ މަހިބަދޫގައި އެ ޕާޓީއަށް ވަނީ ހީނަރުކަމެއް އައިސްފައެވެ.
ސަރުކާރު ކޯލިޝަނުން ގިނަ ގޮނޑިތަކެއް ކާމިޔާބު ކުރާނެ ކަމަށް ބެލެވުނު ނަމަވެސް، އެމްޑީޕީން ވަނީ ވާދަވެރިކަން ބޮޑުވި ގޮނޑިތައް ހޯދައި، ކައުންސިލްގެ ރައީސްކަން އަތުލާފައެވެ. މިއީ ކުރިއަށް އޮތް ސިޔާސީ މަޝްރަހަށް ބަލާއިރު އެ ދާއިރާގެ މަސްލަހަތަށް ބޮޑު ބަދަލެއް އަންނާނެ ކަމެއްގެ ގޮތުގައި ބެލެވެއެވެ.
އިންތިހާބުގެ އެންމެ މުހިންމު ގޮނޑި ކަމަށްވާ ކައުންސިލްގެ ރައީސް ކަމުގެ މަގާމު ކާމިޔާބު ކުރީ އިދިކޮޅު އެމްޑީޕީގެ ކެންޑިޑޭޓް މޫސާ މުހައްމަދެވެ.
އޭނާ އެ ގޮނޑި ކާމިޔާބު ކުރީ ވޯޓުގެ %57 ހޯދައިގެންނެވެ. މީގެ އިތުރުން އެމްޑީޕީން ވަނީ ކައުންސިލްގެ އާންމު މެންބަރުކަމުގެ ގޮނޑިއެއް ވެސް ކާމިޔާބުކޮށްފައެވެ. ޕީއެންސީއަށް ލިބުނީ އަންހެނުންނަށް ހާއްސަ ގޮނޑިއަކާއި އާންމު މެންބަރުކަމުގެ ގޮނޑިއަކާއެކު ޖުމްލަ ދެ ގޮނޑިއެވެ.
ކައުންސިލްގެ ފަސްވަނަ ގޮނޑި ކާމިޔާބު ކުރީ އަމިއްލަ ގޮތުން ވާދަކުރި ކެންޑިޑޭޓެކެވެ.
ސަރުކާރު ކޯލިޝަނުން ގިނަ ގޮނޑިތަކެއް ކާމިޔާބު ކުރާނެ ކަމަށް ބެލެވުނު ނަމަވެސް، އެމްޑީޕީން ވަނީ ވާދަވެރިކަން ބޮޑުވި ގޮނޑިތައް ހޯދައި، ކައުންސިލްގެ ރައީސްކަން އަތުލާފައެވެ. މިއީ ކުރިއަށް އޮތް ސިޔާސީ މަޝްރަހަށް ބަލާއިރު އެ ދާއިރާގެ މަސްލަހަތަށް ބޮޑު ބަދަލެއް އަންނާނެ ކަމެއްގެ ގޮތުގައި ބެލެވެއެވެ.
ކިޔުންތެރިންގެ ހިޔާލު