ކުރިށް އޮތް ފަސްއަހަރަށް ކަނޑައަޅާފައިވާ ރާއްޖޭގެ މަދަނީ ވައިގެ ދަތުރުފަތުރުގެ ސިޔާސަތު ޓްރާސްޕޯޓް މިނިސްޓްރީން އެކުލަވާލައި މިއަދު އާންމުކޮށްފިއެވެ.

"ފްލައިޓް ޕްލޭން 2020-2025" ގެ ނަމުގައި މިއަދު މިނިސްޓާ އޮފް ޓްރާންސްޕޯޓް އައިޝަތު ނަހުލާ ސޮއި ކުރެއްވި މި އެއްބަސްވުމަކީ ދިވެހިރާއްޖޭގެ މަދަނީ ވައިގެ ދަތުރުފަތުރު ދެމެހެއްޓެނިވި ގޮތެއްގައި ކުރިއެރުވުމަށް ދުރުރާސްތާ ސިޔާސަތުތަކެއް އެކުލާވާލެވި ކަރުދާހަށް ތިރިކުރެވުނު ފުރަތަމަ އެއްބަސްވުމެވެ.

Minister @aishath_nahula sets Civil #Aviation policy for the next five years. Safety forms the cornerstone of #FlightPlan 2020-2025 which establishes responsive strategies for safe and sustainable aviation in the #Maldives. 1/2 pic.twitter.com/3vcniv0o9j

— Ministry of Transport and Civil Aviation (@MoTCAmv) October 14, 2020

ފަސް ތަނބެއްގެ މައްޗަށް ބިނާވެގެން ވާ "ފްލައިޓް ޕްލޭން 2020-2025" ގެ މަގްސަދަކީ ސަލާމަތްތެރިކަމާއެކު ތިމާވެއްޓަށް ރައްކާތެރިގޮތެއްގައި އަދި އިގްތިސާދީގޮތުން ދެމެހެއްޓެނެވި ގޮތެއްގައި ދިވެހިން އެކަކު އަނެކަކާ އަދި ދުނިޔެއާ ގުޅުވައިދިނުމެވެ.

މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ބުނެފައިވަނީ މިއީ ރާއްޖޭގެ އޭވިއޭޝަން ސިނާއަތަށް ލިބުނު ތާރީޚީ ކުރިއެރުމެއް ކަމަށެވެ. އަދި މިއީ މަދަނީ ވައިގެ ދަތުރުފަތުރުގެ ސިނާއަތު ކުރިއެރުވުމަށް ސަރުކާރުންނާއި ސިވިލް އޭވިއޭޝަން އޮތޯރިޓީން އިސްކަންދީގެން ކުރާނެ މުހިންމު މަސައްކަތްތަކުގެ މަގު ޗާޓެއް އެކުލަވާލެވި، ސަރުކާރާއި ވައިގެ ދަތުރުފަތުރުގެ ސިނާއަތުގެ ބައިވެރިންނަށް އެއް މިސްރާބަކަށް ދަތުރުކުރެވޭނެ މަގު ފަހިކޮށްދެވޭނެ އެއްބަސްވުމެއް ކަމަށް ސަރުކާރުން ވަނީ ބުނެފައެވެ.