އެމެރިކާގެ ސެން ޑިއޭގޯގައި ހުންނަ އިސްލާމީ މަރުކަޒަށް ހޯމަ ދުވަހު ދިން ބަޑީގެ ހަމަލާއެއްގައި ތިން ފިރިހެނަކު މަރުވެފައިވާ ކަމަށް ކަމާބެހޭ ފަރާތްތަކުން ހާމަކޮށްފިއެވެ. މަރުވި މީހުންގެ ތެރޭގައި އެ މަރުކަޒުގެ ސެކިއުރިޓީ ގާޑުވެސް ހިމެނެއެވެ.
މިކަމާ ގުޅިގެން ފުލުހުން ބޭއްވި ނޫސްވެރިންގެ ބައްދަލުވުމެއްގައި ބުނި ގޮތުގައި، މި ހަމަލާ މިއަށްވުރެ ނުރައްކާތެރިވިޔަ ނުދީ ހިފެހެއްޓުމުގައި ސެކިއުރިޓީ ގާޑު ވަނީ ވަރަށް މުހިންމު ދައުރެއް އަދާކޮށްފައެވެ. އޭނާގެ ހިތްވަރުގަދަ މަސައްކަތުން އެތައް ބައެއްގެ ފުރާނަ ސަލާމަތްވި ކަމަށް ފުލުހުން ފާހަގަކުރިއެވެ. ހަމަލާގެ ޝިކާރައަކަށްވި މީހުން ފެނިފައިވަނީ މަރުކަޒުގެ ކުރިމަތިންނެވެ.
މި ހަމަލާ ދިން ކަމަށް ތުހުމަތު ކުރެވޭ އުމުރުން 17 އަހަރާއި 19 އަހަރުގެ ދެ ޒުވާނުން ވެސް ފެނިފައިވަނީ މަރުވެފައި އޮއްވައެވެ. ފުލުހުން ބުނާ ގޮތުގައި އެ ދެމީހުން މަރުވީ އަމިއްލައަށް ބަޑިޖަހައިގެންނެވެ. މި ހަމަލާ ދޭން މެދުވެރިވި ސަބަބު ފުލުހުން ތަހުޤީގު ކުރަމުންދާއިރު، މިކަން ބަލަމުންދަނީ ނަފްރަތުގެ ކުށެއްގެ ގޮތުގައެވެ.
ސެން ޑިއޭގޯގެ އިސްލާމީ މަރުކަޒަކީ އެ ސަރަހައްދުގައި ހުރި އެންމެ ބޮޑު މިސްކިތެވެ. އެ ތަނުގެ އިމާމް އަދި ޑައިރެކްޓަރު ތާހާ ޙަސަން ވިދާޅުވި ގޮތުގައި، މިއީ އެ މަރުކަޒުގެ ތާރީޚުގައި ވެސް ކުރިމަތިވި މިފަދަ އެންމެ ހިތާމަވެރި ހާދިސާއެވެ. އިމާމް ވަނީ ހާދިސާގައި އަސަރުކުރި އާއިލާތަކަށް ހަމްދަރުދީ ފޮނުއްވައި، އެންމެން އެކަތިގަނޑަކަށް ވުމަށް ގޮވާލައްވާފައެވެ.
މި ހަމަލާއާ ގުޅިގެން ސެން ޑިއޭގޯގެ މޭޔަރު ޓޮޑް ގްލޯރިއާ ވިދާޅުވީ، މަރުވި ސެކިއުރިޓީ ގާޑަކީ އެތައް ކުޑަކުދިންނެއްގެ ފުރާނަ ހިމެނޭހެން އެތައް ބަޔަކު ސަލާމަތްކޮށްދިން ހަޤީގީ ބަތަލެއް ކަމަށެވެ. އަދި މި ހާދިސާއާ ގުޅިގެން ސިޓީގެ ހުރިހާ ދީނީ ބިނާތަކެއްގެ ސަލާމަތީ ކަންކަން ވަރުގަދަކޮށްފައިވާ ކަމަށްވެސް އޭނާ ވިދާޅުވިއެވެ.
މީގެ އިތުރުން، ނިއުޔޯކް ސިޓީގެ ފުލުހުން ވެސް ވަނީ ރައްކާތެރިކަމުގެ ފިޔަވަޅެއްގެ ގޮތުން އެ ސިޓީގެ މިސްކިތްތަކުގެ ސަލާމަތީ ކަންކަން އިތުރަށް ވަރުގަދަކޮށްފައިވާ ކަމަށް ބުނެފައެވެ.
މި ހަމަލާ ދިން ކަމަށް ތުހުމަތު ކުރެވޭ އުމުރުން 17 އަހަރާއި 19 އަހަރުގެ ދެ ޒުވާނުން ވެސް ފެނިފައިވަނީ މަރުވެފައި އޮއްވައެވެ. ފުލުހުން ބުނާ ގޮތުގައި އެ ދެމީހުން މަރުވީ އަމިއްލައަށް ބަޑިޖަހައިގެންނެވެ. މި ހަމަލާ ދޭން މެދުވެރިވި ސަބަބު ފުލުހުން ތަހުޤީގު ކުރަމުންދާއިރު، މިކަން ބަލަމުންދަނީ ނަފްރަތުގެ ކުށެއްގެ ގޮތުގައެވެ.
ސެން ޑިއޭގޯގެ އިސްލާމީ މަރުކަޒަކީ އެ ސަރަހައްދުގައި ހުރި އެންމެ ބޮޑު މިސްކިތެވެ. އެ ތަނުގެ އިމާމް އަދި ޑައިރެކްޓަރު ތާހާ ޙަސަން ވިދާޅުވި ގޮތުގައި، މިއީ އެ މަރުކަޒުގެ ތާރީޚުގައި ވެސް ކުރިމަތިވި މިފަދަ އެންމެ ހިތާމަވެރި ހާދިސާއެވެ. އިމާމް ވަނީ ހާދިސާގައި އަސަރުކުރި އާއިލާތަކަށް ހަމްދަރުދީ ފޮނުއްވައި، އެންމެން އެކަތިގަނޑަކަށް ވުމަށް ގޮވާލައްވާފައެވެ.
މީގެ އިތުރުން، ނިއުޔޯކް ސިޓީގެ ފުލުހުން ވެސް ވަނީ ރައްކާތެރިކަމުގެ ފިޔަވަޅެއްގެ ގޮތުން އެ ސިޓީގެ މިސްކިތްތަކުގެ ސަލާމަތީ ކަންކަން އިތުރަށް ވަރުގަދަކޮށްފައިވާ ކަމަށް ބުނެފައެވެ.
ކިޔުންތެރިންގެ ހިޔާލު