ދޫނިދޫ ޖަލުގައި ހައްޔަރުކޮށްފައި ބެހެއްޓުމަށްފަހު، 10 ދުވަސް ފަހުން މިނިވަންވި ލޫކަސް ޖަލީލް ބުނީ، ދޫނިދޫ ޖަލުން ދިމާވި ވަރަށް ގިނަ ގައިދީން އޭނާގެ ކިބައިން އެދުނީ މިހާރު އޮތް ވެރިކަން ނިންމުމުގެ މަސައްކަތް ކޮށްދިނުމަށް ކަމަށް ލޫކަސް ވިދާޅުވެއްޖެއެވެ.

އަދި ގައިދީންގެ އެ އެދުމާ އެއްގޮތަށް، ވެރިކަން ނިންމުމުގެ އެ މަސައްކަތް އެމީހުން ކުރާނެ ކަމަށްވެސް އޭނާ ވިދާޅުވިއެވެ.

ލޫކަސް މިހެން ވިދާޅުވީ ރޭ ނޫސްވެރިން އިސްނަގައިގެން ބޭއްވި އިހުތިޖާޖެއްގެ ތެރެއިންނެވެ.

ލޫކަސް ޖަލީލް މިފަދަ މޭރުމަކުން ވާހަކަދައްކަވާފައި މިވަނީ، ދޫނިދޫ ޖަލުގައި ހައްޔަރުކޮށްފައި ތިބޭ ގައިދީންނަށް ބޮޑެތި އަނިޔާތަކެއް ކުރަމުންދާ ކަމުގެ ވާހަކަތަކެއް ފެންމަތިވެ، އެ މައްސަލަ މީޑިއާތަކުގެ ފަލަސުރުޚީތަކަށް އަރާފައިވާ ދަނޑިވަޅެއްގައެވެ.

ޖަލުން މިނިވަންވުމަށްފަހު އޭނާ ހިއްސާކުރި މި ވާހަކަތަކާ އެކު، ޖަލުތަކުގެ ހާލަތާއި ގައިދީންނަށް ކުރާ މުއާމަލާތްތަކާ މެދު އާންމުންގެ މެދުގައި ވަނީ ކަންބޮޑުވުން އިތުރުވެފައެވެ.