ކޯވިޑް-19 ޖެހުނު އިތުރު ދިވެއްސަކު ނިޔާވެ، މިބަލީގައި ރާއްޖެއިން މަރުވި މީހުންގެ އަދަދު 37 އަށް އަރައިފިއެވެ.

ހެލްތު ޕްރޮޓެކްޝަން އެޖެންސީން، އެޗްޕީއޭއިން ބުނީ، ކޯވިޑް ޖެހިގެން ނިޔާވީ ހުޅުމާލޭ މެޑިކަލް ފެސިލިޓީގައި ފަރުވާދެމުންދިޔަ 80 އަހަރުގެ ދިވެހި ފިރިހެނެއްކަމަށެވެ. އޭނާ ނިޔާވީ މިއަދު މެންދުރުފަހު 3:50 ގައިކަމަށް އެޗްޕީއޭއިން މައުލޫމާތުދެއްވައެވެ. މިއީ ކޯވިޑް ޖެހިގެން މިމަހު މަރުވި 3 ވަނަ މީހާއެވެ. އެންމެފަހުން ކޯވިޑް ޖެހިގެން މީހަކު މަރުވީ މިމަހުގެ 17 ވަނަ ދުވަހުއެވެ.

މިހާތަނަށް ރާއްޖެއިން 11178 މިހުން ވަނީ ކޯވިޑަށް ޕޮޒިޓިވްވެފައެވެ. މިވަގުތުވެސް ބައްޔަށް ފަރުވާހޯދަމުންދާ 1038 މީހުން ތިބިއިރު، ހޮސްޕިޓަލްގައި އެޑްމިޓްކޮށްގެން 43 މީހުންނަށް ދަނީ ފަރުވާދެމުންނެވެ