ރާއްޖޭގެ ސިޔާސީ މަސްރަހު ދިރާސާ ކުރަށްވާ އަދި މަތީ ތަޢުލީމީ ދާއިރާގެ ތަޖުރިބާކާރު ޝަރީފް މިހެން ވިދާޅުވެފައި މިވަނީ، ރައީސް ކަމުގައި ހުންނަވަނިކޮށް ބޭރު ގައުމެއްގެ ވަޒީރު ފެންވަރުގެ ބޭފުޅަކު މަގާމުން އިސްތުއުފާ ދެއްވުމަށް ހުށަހެޅުއްވި ކަމަށް ޑރ ވަހީދު ވިދާޅުވެފައިވަނިކޮށެވެ. ވަހީދު ވިދާޅުވީ ބޭރުގެ ޑިޕްލޮމޭޓްގެ ބަސް އައްސަވައިގެން އެ ދުވަހު އިސްތިއުފާ ދެއްވި ނަމަ ރާއްޖޭގެ މިނިވަންކަން ގެއްލޭނެކަމަށެވެ.
މިކަމާބެހޭ އިތުރު ތަފުސީލު ހިއްސާކުރައްވަމުން ޝަރީފް ވިދާޅުވީ މަޤާމުން އިސްތިއުފާދެއްވުމަށް ޑރ. ވަހީދަށް ދެންނެވީ އިންޑިއާގެ އޭރުގެ ފޮރިން ސެކްރެޓަރީ ރަންޖަން މަތާއީކަމަށެވެ. އަދި އެދުވަސްވަރު ޑރ ވަހީދު އެވާހަކަ ޝަރީފާ ހިއްސާކުރެއްވިކަމަށް ވެސް ޝަރީފް ވިދާޅުވިއެވެ.
DrWaheed evidhaalhuvi isthiufaa dheyn edunee India ge Foreign Secretary Mr Ranjan Mathai. evaahaka @DrWaheedH alhugandu kaareegai hama eduvasvaru vidhaalhuvi. Adhi India in ithuru pressure dhinumah SBI in dheefaivaa $50m vaguthun dhahkan engi. https://t.co/3sxekFgxMc
— Ahmed Shareef (@shar_f) October 19, 2020
ޝަރީފް ވިދާޅުވީ ޑރ ވަހީދު އިސްތިއުފާދެއްވުމަށް އިންކާރު ކުރެއްވުމުން އިންޑިއާއަށް ދައްކަންހުރި ހުރިހާ ފައިސާއެއް ވަގުތުން ދައްކަން އިންޑިއާއިން އެންގިކަމަށެވެ. އެގޮތުން އިންޑިއާގެ އެސްބީއައި ބެންކުން ނަގާފައިވާ 50 މިލިއަން ޑޮލަރުގެ ޕޭމަންޓެއް ވަގުތުން ދައްކަން ސަރުކާރަށް އެންގިކަމަށްވެސް ޝަރީފް ވިދާޅުވިއެވެ.
Mi meeting ah fahu edunee TV ah arai Rayyithun ge kurimatheegai isthifaa dhinumah. Ekan nukureemaa India ah dhahkan huri hurihai faisaa eh dhahkan vaguthun angai pressure kureema, sarkar in vaguthun vaguthah dhahkan huri faisaa dhehki. Efaisaa dhehkumugai iskoh huree Min Adeeb. pic.twitter.com/4W3PN8qp3a
— Ahmed Shareef (@shar_f) October 19, 2020
އަދި މި އެންގުމާއި އެއްގޮތަށް ސަރުކާރުން ވަގުތުން ވަގުތަށް ހުރިހާ ފައިސާއެއް ދެއްކިކަމަށްވެސް ޝަރީފް ވިދާޅުވިއެވެ. އެފައިސާ ދެއްކުމުގައި އިސްކޮށް އުޅުއްވީ ކުރީގެ ޑިފެންސް މިނިސްޓަރ މުހައްމަދު ނާޒިމާއި އޭރުގެ ޓޫރިޒަމް މިނިސްޓަރ އަހުމަދު އަދީބުކަމަށްވެސް ޝަރީފް ވިދާޅުވިއެވެ. ޝަރީފް ވިދާޅުވީ އެފައިސާ ދެއްކީ އެމްއެމްއޭގެ ރިޒާވުން ނަަގައިގެންކަމަށާއި، އެކަމުގައި އުނދަގުލަކަށްވީ ކުއްލި ގޮތަކަށް ޑޮލަރުން ފައިސާ ދައްކަންޖެހުންކަމަށެވެ.
Faisa dhahkan engee dollar in, lafaa kurevey gothugai $50m ge dhe payment dhahkan jehunu. @nazim7878 aai @Ahmed_Adeeb sarkar ge faraathun efaisaa avahah dhehkumah masahkah kurehvi. Faisaa dhinee MMA ge reserve in nagaigen. Challenge akah vee kuhli gothakah $ in dhahkan engumun.
— Ahmed Shareef (@shar_f) October 19, 2020
އިދިކޮޅު ކޯލިޝަނުން ގައުމީ ދުވަސް ފާހަގަކުރުމަށް ބޭއްވި ޖަލްސާގައި ވާހަކަފުޅު ދައްކަވަމުން ޑރ. ވަހީދު ވިދާޅުވީ، ކުޑަ ދުވަސްކޮޅަކަށް ރާއްޖޭގެ ވެރިކަން ކުރެއްވުމަށް އެމަނިކުފާނަށް ލިބިވަޑައިގަތް ކަމަށާއި އެ ދުވަސްވަރަކީ ބޭރުންނާއި އެތެރެއިން އެކި ކަހަލަ ފިއްތުންތައް ކުރިމަތިވެވަޑައިގަތް ދަތި ދުވަސްވަރެއް ކަމަށެވެ.
"ބޭރު ގައުމެއްގެ ވަޒީރުން ފެންވަރުގެ ބޭފުޅަކު ވަޑައިގެން އަޅުގަނޑު ކައިރީގައި ވިދާޅުވަނީ އެއް ދުވަހަކު، މިއަދު އެކެއް ޖަހާއިރު ހިނގާށޭ ޓީވީއަށް އަރަން ރައީސް އިސްތިއުފާ އިއުލާނު ކުރަން. ތިމަންނައާ އެކީގައޭ އަރާނީ. މިއީ ދުވަހަކު ވެސް އެއްވެސް ގައުމެއްގައި ހިނގާފައި އޮތް ކަމެއް ނޫން. މި ވަރުގެ ދަށު ދަރަޖައިގެ އަމަލެއް އެއްވެސް ގައުމަކުން އަނެއް ގައުމާ ދޭތެރޭގައި ނުކުރޭ. އެ ދުވަހު އޭނާއާ އެކު އަޅުގަނޑު ޓީވީއަށް އެރި ނަމަ އެ ދުވަހު ދިވެހިރާއްޖޭގެ މިނިވަންކަން ގެއްލުނީސް." އދ ގައި ގިނަ ދުވަސްތަކެއް ވަންދެން ވަޒީފާ އަދާކުރަށްވާފައިވާޑރ. ވަހީދު ވިދާޅުވިއެވެ.
ދިވެހިންގެ ތެރޭގައި އިންޑިއާއަށް ފާޑުކިޔުން ވަރަށް ބޮޑަށް އިތުރުވެފައިވާއިރު، މިފާޑުކިއުންތައް އެންމެ ބޮޑަށް އަމާޒުވެފައިވަނީ ރާއްޖޭގައި އިންޑިއާގެ ގިނަ އަދަދެއްގެ އަސްކަރީ ސިފައިން ތިބޭ މައްސަލައިގައެވެ. އިންޑިއާއިން ހަދިޔާކުރި ދެ ހެލިކޮޕްޓަރާއި ފަހުން ގެނައި އަސްކަރީ ކުޑަ ޑޯނިޔާ މަތިންދާބޯޓު ދުއްވުމާއި ބެލެހެއްޓުމުގެ ނަމުގައި އިންޑިއާގެ 200 އަށްވުރެ ގިނަ ސިފައިން ރާއްޖޭގެ އެކި ސަރަހައްދު ތަކުގައި ގާއިމުވެ އެބަތިބި ކަމަށް ސިޔާސީ ފަރާތްތަކުން އަންނަނީ ބުނަމުންނެވެ. ނަމަވެސް ރާއްޖޭގައި ތިބި އިންޑިއާ ސިފައިންގެ އަދަދު ހާމަކުރުމަށް ސަރުކާރުން ވަނީ ދެކޮޅު ހަދާފައެވެ.
ކިޔުންތެރިންގެ ހިޔާލު