ދައުލަތުގެ ދަރަނީގެ ހާލަތާ ގުޅިގެން ފިނޭންސް މިނިސްޓްރީއާއި އޮޑިޓާ ޖެނެރަލްގެ އޮފީހާއި އެމްއެމްއޭއިން ހިއްސާ ކުރި މައުލުމާތަށް ރިއާޔަތްކޮށް ރައްޔިތުންގެ މަޖިލީހުން އެކުލަވާލި ރިޕޯޓާއިގުޅިގެން މިއަދު ކުރިއަށދިޔަ މުޅި މަޖިލީހުގެ ކޮމިޓީގައި މަރަދޫ ދާއިރާގެ މެންބަރު އިބްރާހިމް ޝަރީފާއި އެމްޑީޕީގެ އެހެން ބައެއް މެންބަރުންނާ ދެމެދު ހޫނު ޒުވާބެއް ހިނގައިފިއެވެ.
މުޅި މަޖިލިސް ހިމެނޭ ގޮތަށް މިއަދު ކުރިއަށްދިޔަ ކޮމިޓީގެ ބައްދަލުވުމުގައި މަޖިލީހުގެ ރައީސް، ރައީސް މުހައްމަދު ނަޝީދު، ދައުލަތުގެ ދަރަނި ރިޕޯޓްގެ ފުރަތަމަ ދެލިކޮޕީ އިއްވަވަން ފެށްޓެވުމާއެކު ނިޒާމީ ނުކުތާ ނަންގަވައި ޝަރީފު ވަނީ އަޑުގަދަ ކުރައްވާފައެވެ.
ޝަރީފް ވިދާޅުވީ، މަޖިލީހުން މަސައްކަތް ކުރަނީ ކަމުގެ ހަގީގަތް އޮޅުވާލައި ސަރުކާރު ބަދަނާމު ކުރުމަށް ކަމަށެވެ. ކޮވިޑް-19 ގެ ސަބަބުން ދިވެހި ރާއްޖޭގެ އިގްތިސާދު ދަށްވެ ދައުލަތުގެ މާލިއްޔަތު ވެސް ދަށްވެފައިވާ ކަމަށާއި އެކަމަކު މިހާލަތުގައި ވެސް ފިނޭންސް މިނިސްޓްރީއިން ދަރަނީގެ ކަންކަން ރަނގަޅަށް މެނޭޖް ކުރަމުންދާކަން ޝަރީފް ވަނީ ފާހަގަކުރައްވާފައެވެ.
އެ ގޮތަށް ދަރަނި މެނޭޖް ކުރަމުންދަނިކޮށް ދަރަނި މެނޭޖް ނުކުރެވޭ ކަމަށް ދޭހަވާ މޭރުމުން ވާހަކަ ދެއްކުމުން ބައިނަލްއަގްވާމީ މާލީ އިދާރާތަކުގެ ކުރިމަތީގައި ރާއްޖޭގެ މާލީ ވުޒާރާގެ އަގު ވެއްޓި، އިގްތިސާދު އިތުރަށް ގޯސްވެގެން ދާނެ ކަމުގެ އިންޒާރު ޝަރީފު ވަނީ ދެއްވާފައެވެ. ޝަރީފްގެ ވާހަކަތަކަށް ރައްދުދެއްވަމުން މަޖިލީހުގެ ނައިބު ރައީސް، ގަލޮޅު ދެކުނު ދާއިރާގެ މެންބަރު އީވާ އަބްދުﷲ ވިދާޅުވީ މަޖިލީހުގައި ކުރާ މަސައްކަތަކީ ސަރުކާރުގެ މުއައްސަސާތަކާއި ވުޒާރާތައް ގުޅިގެން ދަރަނީގެ ކަންކަން ހާމަކުރަން ކުރާ މަސައްކަތެއް ކަމަށެވެ. މިކަމުގައި ދަރަނި އޮޅުވާލައި ހަގީގަތް ފޮރުވަން ކުރާ މަަސައްކަތެއް ނެތް ކަމަށް އޭނާ ވިދާޅުވިއެވެ.
އިނގުރައިދޫ ދާއިރާގެ މެންބަރު ހަސަން އަހުމަދު (ހަސަންޓެ) ވިދާޅުވީ މަޖިލީހުން މަސައްކަތް ކުރަމުންދަނީ މަޖިލީހުގެ މައްޗަށް އޮތް މަސްއޫލިއްޔަތެއް އަދާ ކުރުމަށް ކަމަށެވެ. ދައުލަތުގެ ދަރަންޏަށް ވެގެންދާ ގޮތް ސާފުވާން ޖެހޭ ކަމަށާއި ދައުލަތުގެ ބަޖެޓްވެސް އެކުލަވާލެވޭނީ އޭރުން ކަމަށް ހަސަންޓެ ވަނީ ވިދާޅުވެފައެވެ. މަޖިލީހުގެ ރައީސް، ރައީސް މުހަންމަދު ނަޝީދު ވިދާޅުވީ ރައީސް އިބްރާހިމް މުހައްމަދު ސޯލިހާއި ފިނޭންސް މިނިސްޓަރު އަމީރުގެ އަގު ވެއްޓޭ ގޮތަށް މަޖިލީހުގައި އެއްވެސް ބޭފުޅަކު މިހާތަނަށް ވާހަކަ ދައްކަވާފައި ނުވާ ކަމަށެވެ. ރިޕޯޓްގައި ވަނީ ވެސް ސަރުކާރުން ދިން މައުލޫމާތުތައް ކަން ރައީސް ނަޝީދު ވަނީ ފާހަގަކުރައްވާފައެވެ.
ދައުކަތުގެ ދަރަނީގެ ރިޕޯޓްގެ ފުރަތަމަ ދެލިކޮޕީ މެންބަރުންނަށް ފޯރުކޮށްދިނުމަށްފަހު އެ ދެލިކޮޕީއަށް ބަހުސް ކުރުމަށާއި އިސްލާހުތައް ހުށަހަޅަން މެމްބަރުންނަށް ފުރުސަތު ދޭގޮތަށް ވަނީ ނިއްމާފައެވެ. ފިނޭންސް މިނިސްޓްރީއާއި އެމްއެމްއޭއާއި އޮޑިޓަ ޖެނެރަލްގެ އޮފީހުން ހޯދާފައިވާ މައުލޫމާތުތަކަށް ރިއާޔަތްކޮށް އެކުލަވާލާފައިވާ އެ ރިޕޯޓްގައި ފާހަގަކޮށްފައިވާގޮތުން ދައުލަތުގެ ދަރަނީގެ ޖުމުލަ އަދަދު 172 ބިލިއަން ރުފިޔާއަށް އަރާނެ ކަމަށް ލަފާކުރެއެވެ.
ޝަރީފް ވިދާޅުވީ، މަޖިލީހުން މަސައްކަތް ކުރަނީ ކަމުގެ ހަގީގަތް އޮޅުވާލައި ސަރުކާރު ބަދަނާމު ކުރުމަށް ކަމަށެވެ. ކޮވިޑް-19 ގެ ސަބަބުން ދިވެހި ރާއްޖޭގެ އިގްތިސާދު ދަށްވެ ދައުލަތުގެ މާލިއްޔަތު ވެސް ދަށްވެފައިވާ ކަމަށާއި އެކަމަކު މިހާލަތުގައި ވެސް ފިނޭންސް މިނިސްޓްރީއިން ދަރަނީގެ ކަންކަން ރަނގަޅަށް މެނޭޖް ކުރަމުންދާކަން ޝަރީފް ވަނީ ފާހަގަކުރައްވާފައެވެ.
އެ ގޮތަށް ދަރަނި މެނޭޖް ކުރަމުންދަނިކޮށް ދަރަނި މެނޭޖް ނުކުރެވޭ ކަމަށް ދޭހަވާ މޭރުމުން ވާހަކަ ދެއްކުމުން ބައިނަލްއަގްވާމީ މާލީ އިދާރާތަކުގެ ކުރިމަތީގައި ރާއްޖޭގެ މާލީ ވުޒާރާގެ އަގު ވެއްޓި، އިގްތިސާދު އިތުރަށް ގޯސްވެގެން ދާނެ ކަމުގެ އިންޒާރު ޝަރީފު ވަނީ ދެއްވާފައެވެ. ޝަރީފްގެ ވާހަކަތަކަށް ރައްދުދެއްވަމުން މަޖިލީހުގެ ނައިބު ރައީސް، ގަލޮޅު ދެކުނު ދާއިރާގެ މެންބަރު އީވާ އަބްދުﷲ ވިދާޅުވީ މަޖިލީހުގައި ކުރާ މަސައްކަތަކީ ސަރުކާރުގެ މުއައްސަސާތަކާއި ވުޒާރާތައް ގުޅިގެން ދަރަނީގެ ކަންކަން ހާމަކުރަން ކުރާ މަސައްކަތެއް ކަމަށެވެ. މިކަމުގައި ދަރަނި އޮޅުވާލައި ހަގީގަތް ފޮރުވަން ކުރާ މަަސައްކަތެއް ނެތް ކަމަށް އޭނާ ވިދާޅުވިއެވެ.
ދައުކަތުގެ ދަރަނީގެ ރިޕޯޓްގެ ފުރަތަމަ ދެލިކޮޕީ މެންބަރުންނަށް ފޯރުކޮށްދިނުމަށްފަހު އެ ދެލިކޮޕީއަށް ބަހުސް ކުރުމަށާއި އިސްލާހުތައް ހުށަހަޅަން މެމްބަރުންނަށް ފުރުސަތު ދޭގޮތަށް ވަނީ ނިއްމާފައެވެ. ފިނޭންސް މިނިސްޓްރީއާއި އެމްއެމްއޭއާއި އޮޑިޓަ ޖެނެރަލްގެ އޮފީހުން ހޯދާފައިވާ މައުލޫމާތުތަކަށް ރިއާޔަތްކޮށް އެކުލަވާލާފައިވާ އެ ރިޕޯޓްގައި ފާހަގަކޮށްފައިވާގޮތުން ދައުލަތުގެ ދަރަނީގެ ޖުމުލަ އަދަދު 172 ބިލިއަން ރުފިޔާއަށް އަރާނެ ކަމަށް ލަފާކުރެއެވެ.
ކިޔުންތެރިންގެ ހިޔާލު