ދިވެހިރާއްޖޭގެ ފުޓުބޯޅަ ތާރީޚު ދުށް އެންމެ ކާމިޔާބު އަދި ނުފޫޒުގަދަ ކުޅުންތެރިޔާ، ޢަލީ އަޝްފާގު (ދަގަނޑޭ) ޤައުމީ ޓީމަށް 100 މެޗު ހަމަކޮށް، ބައިނަލްއަޤްވާމީ ފުޓުބޯޅައިގެ ޝަރަފުވެރި "ސެންޗަރީ ކްލަބް" އިން ޖާގަ ހޯދައިފިއެވެ.
އަލީ އަޝްފާގް ތާރީޚުގެ ތެރެއަށް
ޤައުމީ ޓީމުގެ ކުރީގެ ކީޕަރު އިމްރާން މުޙައްމަދަށްފަހު މި ޝަރަފުވެރި ލަނޑުދަނޑި ހާސިލްކުރި ދެވަނަ ދިވެހި ކުޅުންތެރިޔާގެ މަޤާމު އަޝްފާގު ކަށަވަރުކުރީ، ވޭތުވެދިޔަ 23 އަހަރު ދުވަހު އޭނާ ކުރި ބުރަ މަސައްކަތާއި ޤައުމީ ދިދައަށްޓަކައި ވެފައިވާ މަތިވެރި ޚިދުމަތުގެ ސަބަބުންނެވެ. "މޭން އޮފް ސްޓީލް" ގެ ނަމުން މުޅި ދެކުނު އޭޝިއާގައި މަޝްހޫރުވެފައިވާ އަޝްފާގުގެ މި ކާމިޔާބީއަކީ ހަމައެކަނި ތަފާސްހިސާބުތަކުން ފެންނަ އަދަދަކަށްވުރެ މާ މާނަފުން، ޝަރަފުވެރި ކާމިޔާބީއެކެވެ.
މާލޭގެ ގޯޅިތަކުން ފުޓުބޯޅައިގެ ހުނަރުތައް ފާޅުކުރަން ފެށި އަޝްފާގު، 2001 ވަނަ އަހަރު ކްލަބް ވެލެންސިއާއިން ފުރަތަމަ ޑިވިޜަނަށް ތަޢާރަފުވެ، ކުރު މުއްދަތެއްގެ ތެރޭގައި މުޅި ރާއްޖޭގެ ސަމާލުކަން އަތުލިއެވެ. އޭނާގެ ފުޓުބޯޅަ ހަޔާތުގެ ރަން އަހަރު ކަމަށްވާ 2003 ވަނަ އަހަރު، އުމުރުން އެންމެ 18 އަހަރުގައި ރާއްޖޭގެ އެންމެ މޮޅު ކުޅުންތެރިޔާގެ މަޤާމާއި އެންމެ ގިނަ ގޯލު ޖެހި ކުޅުންތެރިޔާގެ ރަން ބޫޓު ހާސިލްކޮށް، އެންމެ ޒުވާން އުމުރުގައި މި ރެކޯޑުތައް ހެދި ކުޅުންތެރިޔާގެ ޝަރަފު ހޯދިއެވެ. މީގެ އިތުރުން، އޭނާ ވަނީ ރާއްޖޭގެ ބޮޑެތި ހުރިހާ ކްލަބްތަކަށް ކާމިޔާބީތައް ހޯދައިދީ، މެލޭޝިއާގެ ޕީޑީއާރުއެމް ކްލަބުގެ ކެޕްޓަންކަން ކުރި ފުރަތަމަ ދިވެހި ކުޅުންތެރިޔާގެ ތާރީޚީ ލަޤަބުވެސް ހޯދާފައެވެ.
އަޝްފާގުގެ ކުޅަދާނަކަމުގެ ސަބަބުން ޔޫރަޕުގެ ބޮޑެތި ކްލަބްތަކުން، އޭގެ ތެރޭގައި ޕޯޗުގަލްގެ މަޝްހޫރު ބެންފީކާ ފަދަ ޓީމުތަކުން އޭނާއަށް ހުށަހެޅުންތައް ލިބުނެވެ. ނަމަވެސް އަމިއްލަ ވަޠަނާއި އާއިލާއަށް އޭނާގެ ހިތުގައި އޮތް ލޯތްބެއްގެ ބޮޑުކަމުން އެ ފުރުޞަތުތައް ދޫކޮށްލިއެވެ. ބައިނަލްއަޤްވާމީ މައިދާނުގައި 2013 ވަނަ އަހަރު ދުނިޔޭގެ ދެވަނައަށް އެންމެ ގިނަ ގޯލު ޖެހި ކުޅުންތެރިޔާގެ މަޤާމާއި، ސާފް ޗެމްޕިއަންޝިޕްގެ ތާރީޚުގައި އެންމެ ގިނަ ގޯލު ޖެހި ކުޅުންތެރިޔާގެ ރެކޯޑު އޮތް އަޝްފާގަކީ، ދިވެހި ފުޓުބޯޅައިގެ ދެބަސްވެވެން ނެތް ލެޖެންޑެކެވެ.
އަނިޔާތަކާއި އެކި ގޮންޖެހުންތަކާ ކުރިމަތިލަމުން، ތަކުރާރުކޮށް ޤައުމީ ޓީމަށް އެނބުރި އައިސް އަޝްފާގު ދެއްކި ސާބިތުކަމަކީ މިއަދުގެ ޒުވާން ކުޅުންތެރިންނަށް އޮތް މަތިވެރި ނަމޫނާއެކެވެ. 2026 ވަނަ އަހަރުގެ ޖޫން މަހު ބޭއްވުނު ދިވެހި ފުޓުބޯޅައިގެ އަލިމަސް ޔޫބީލް މުބާރާތުގެ ތެރެއިން 100 މެޗު ހަމަކުރުމަކީ އޭނާގެ ކެރިއަރުގެ ރަން ތާޖެވެ. 100 މެޗާއި 58 ބައިނަލްއަޤްވާމީ ލަނޑަކީ ތާރީޚުގައި ރަން އަކުރުން ފަވާލެވިފައިވާ ކާމިޔާބީތަކަކަށްވާއިރު، މިއަދު މުޅި ޤައުމު މިވަނީ "މޭން އޮފް ސްޓީލް" ގެ މި ފަޚުރުވެރި ކާމިޔާބީއަށް މަރުޙަބާ ކިޔައިފައެވެ.
ޤައުމީ ޓީމުގެ ކުރީގެ ކީޕަރު އިމްރާން މުޙައްމަދަށްފަހު މި ޝަރަފުވެރި ލަނޑުދަނޑި ހާސިލްކުރި ދެވަނަ ދިވެހި ކުޅުންތެރިޔާގެ މަޤާމު އަޝްފާގު ކަށަވަރުކުރީ، ވޭތުވެދިޔަ 23 އަހަރު ދުވަހު އޭނާ ކުރި ބުރަ މަސައްކަތާއި ޤައުމީ ދިދައަށްޓަކައި ވެފައިވާ މަތިވެރި ޚިދުމަތުގެ ސަބަބުންނެވެ. "މޭން އޮފް ސްޓީލް" ގެ ނަމުން މުޅި ދެކުނު އޭޝިއާގައި މަޝްހޫރުވެފައިވާ އަޝްފާގުގެ މި ކާމިޔާބީއަކީ ހަމައެކަނި ތަފާސްހިސާބުތަކުން ފެންނަ އަދަދަކަށްވުރެ މާ މާނަފުން، ޝަރަފުވެރި ކާމިޔާބީއެކެވެ.
މާލޭގެ ގޯޅިތަކުން ފުޓުބޯޅައިގެ ހުނަރުތައް ފާޅުކުރަން ފެށި އަޝްފާގު، 2001 ވަނަ އަހަރު ކްލަބް ވެލެންސިއާއިން ފުރަތަމަ ޑިވިޜަނަށް ތަޢާރަފުވެ، ކުރު މުއްދަތެއްގެ ތެރޭގައި މުޅި ރާއްޖޭގެ ސަމާލުކަން އަތުލިއެވެ. އޭނާގެ ފުޓުބޯޅަ ހަޔާތުގެ ރަން އަހަރު ކަމަށްވާ 2003 ވަނަ އަހަރު، އުމުރުން އެންމެ 18 އަހަރުގައި ރާއްޖޭގެ އެންމެ މޮޅު ކުޅުންތެރިޔާގެ މަޤާމާއި އެންމެ ގިނަ ގޯލު ޖެހި ކުޅުންތެރިޔާގެ ރަން ބޫޓު ހާސިލްކޮށް، އެންމެ ޒުވާން އުމުރުގައި މި ރެކޯޑުތައް ހެދި ކުޅުންތެރިޔާގެ ޝަރަފު ހޯދިއެވެ. މީގެ އިތުރުން، އޭނާ ވަނީ ރާއްޖޭގެ ބޮޑެތި ހުރިހާ ކްލަބްތަކަށް ކާމިޔާބީތައް ހޯދައިދީ، މެލޭޝިއާގެ ޕީޑީއާރުއެމް ކްލަބުގެ ކެޕްޓަންކަން ކުރި ފުރަތަމަ ދިވެހި ކުޅުންތެރިޔާގެ ތާރީޚީ ލަޤަބުވެސް ހޯދާފައެވެ.
އަނިޔާތަކާއި އެކި ގޮންޖެހުންތަކާ ކުރިމަތިލަމުން، ތަކުރާރުކޮށް ޤައުމީ ޓީމަށް އެނބުރި އައިސް އަޝްފާގު ދެއްކި ސާބިތުކަމަކީ މިއަދުގެ ޒުވާން ކުޅުންތެރިންނަށް އޮތް މަތިވެރި ނަމޫނާއެކެވެ. 2026 ވަނަ އަހަރުގެ ޖޫން މަހު ބޭއްވުނު ދިވެހި ފުޓުބޯޅައިގެ އަލިމަސް ޔޫބީލް މުބާރާތުގެ ތެރެއިން 100 މެޗު ހަމަކުރުމަކީ އޭނާގެ ކެރިއަރުގެ ރަން ތާޖެވެ. 100 މެޗާއި 58 ބައިނަލްއަޤްވާމީ ލަނޑަކީ ތާރީޚުގައި ރަން އަކުރުން ފަވާލެވިފައިވާ ކާމިޔާބީތަކަކަށްވާއިރު، މިއަދު މުޅި ޤައުމު މިވަނީ "މޭން އޮފް ސްޓީލް" ގެ މި ފަޚުރުވެރި ކާމިޔާބީއަށް މަރުޙަބާ ކިޔައިފައެވެ.
ކިޔުންތެރިންގެ ހިޔާލު