ކޯވިޑްއާ ގުޅިގެން ވެންޓިލޭޓަރުތައް ހޯދުމުގައި ކޮރަޕްޝަން ހިނގާފައިވާކަމަށާއި، އެކަމުގެ އަޑިއަށްގޮސް، ދައުލަތަށް ގެއްލުނު ފައިސާ ހޯދުމަކީ ރައްޔިތުންގެ މަޖިލީހުގެ ޒިންމާއެއްކަމަށް، މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ވެންޓިލޭޓަރުތަކުގެ މައްސަލަ ދޫކޮށް ނުލައްވާނެކަމަށް ނަޝީދު ވިދާޅުވެފައިމިވަނީ، ވެންޓިލޭޓަރުތައް ހޯދުމުގައި ކޮރަޕްޝަންގެ އަމަލުތައް ހިންގާފައިވާކަމަށް އޮޑިޓަރ ޖެނެރަލާއި އޭސީސީން ހާމަކުރުމުންވެސް އެމައްސަލައިގައި ދައުވާ ނުކުރާނޭކަމަށް ޕްރޮަސެކިއުޓަރ ޖެނަރަލް ވިދާޅުވެފައިވަނިކޮށެވެ. ޕީޖީ ހުސައިން ޝަމީމް ވިދާޅުވީ އެމައްސަލައިގައި ދައުވާ ނުކުރަން ނިންމީ ހެލްތު މިނިސްޓަރކަމުން އިސްތިއުފާދެއްވި އަމީންއާއެކު އިތުރު 11 ބޭފުޅަކަށް ދައުވާކުރުމަށް އޭސީސީން ފޮނުވިޔަސް، އެކަށީގެންވާ އެއްވެސް ހެއްކެތް ނެތުމުންކަމަށެވެ.
މިއަދުގެ މަޖިލީހުގެ ޖަލްސާގައި ވާހަކަފުޅުދައްކަމުން ރައީސް ނަޝީދު ވިދާޅުވީ ވެންޓިލޭޓަރުތަކުގެ މައްސަލަ ވަކިކޮޅެއްގައި ޖެހެންދެން އެމައްސަލައަށް ފާރަވެރިވުމަކީ މަޖިލިސް މެމްބަރުންގެ ޒިންމާއެއްކަމަށެވެ. އަދި އެމައްސަލައިގައި އޭސީސީ އާއި ފުލުހުން ހިންގި ތަހުގީގާ މެދު ޕްރޮސެކިއުޓަ ޖެނެރަލް އޮފީހާ ދެމެދު ހިޔާލު ތަފާތުވުން އުފެދިފައިވާކަމަށާއި ޖުޑިޝަރީ ކޮމިޓީން އެ މައްސަލަ އިތުރަށް ބައްލަވައި ދެއްވުމަށް ނަޝީދު އެދިވަޑައިގެންނެވިއެވެ.
"ކޮރަޕްޝަންގައި ބައިވެރިވި ފަރާތްތައް ހޯދައި އެ ފަރާތްތަކަށް ހައްގު އަދަބު ދެވި، އަދި ދައުލަތަށް ގެއްލުންވި ފައިސާ އަނބުރާ ދައުލަތަށް ހޯދުން، އެކަން ނިމެންދެން މަޖިލިސް ފާރަވެރިކަމާ އެކީގައި އޮތުމަކީ އަޅުގަނޑު ދެކޭ ގޮތުގައި މި މަޖިލިހުގެ ގާނޫނީ ޒިންމާއެއް." ނަޝީދު ވިދާޅުވިއެވެ.
ވެންޓިލޭޓަރުތަކުގެ މައްސަލައިގައި މިނިސްޓަރ އަމީން މަޤާމުން ވަކިކުރުމަށް އިތުބާރު ނެތްކަމުގެ މައްސަލައެއްވެސް އިއްޔެ މަޖިލީހަށް ވެއްދިއެވެ. ނަމަވެސް މަޖިލިސް ތަޅުމަށް މައްސަލަ އައުމުގެ ކުރިން މިނިސްޓަރުކަމުން އަމީން ވަނީ އިސްތިއުފާދެއްވާފައެވެ. ހަމަ މިމައްސަލައިގައި މަޖިލީހުގެ މިނިވަން މުއައްސަސާތަކުގެ ކޮމިޓީއަށް މިހާރު ވަނީ އޭސީސީގެ މެމްބަރުން މަޤާމުން ވަކިކުރުމުގެ މައްސަލަ ވެސް ހުށަހަޅާފައެވެ. އެމައްސަލަ މިއަދުގެ ޖަލްސާއަށް މިހާރު ވަނީ އެޖެންޑާކޮށްފައެވެ.
ވެންޓިލޭޓަރުތަކުގެ މައްސަލަ ދޫކޮށް ނުލައްވާނެކަމަށް ނަޝީދު ވިދާޅުވެފައިމިވަނީ، ވެންޓިލޭޓަރުތައް ހޯދުމުގައި ކޮރަޕްޝަންގެ އަމަލުތައް ހިންގާފައިވާކަމަށް އޮޑިޓަރ ޖެނެރަލާއި އޭސީސީން ހާމަކުރުމުންވެސް އެމައްސަލައިގައި ދައުވާ ނުކުރާނޭކަމަށް ޕްރޮަސެކިއުޓަރ ޖެނަރަލް ވިދާޅުވެފައިވަނިކޮށެވެ. ޕީޖީ ހުސައިން ޝަމީމް ވިދާޅުވީ އެމައްސަލައިގައި ދައުވާ ނުކުރަން ނިންމީ ހެލްތު މިނިސްޓަރކަމުން އިސްތިއުފާދެއްވި އަމީންއާއެކު އިތުރު 11 ބޭފުޅަކަށް ދައުވާކުރުމަށް އޭސީސީން ފޮނުވިޔަސް، އެކަށީގެންވާ އެއްވެސް ހެއްކެތް ނެތުމުންކަމަށެވެ.
މިއަދުގެ މަޖިލީހުގެ ޖަލްސާގައި ވާހަކަފުޅުދައްކަމުން ރައީސް ނަޝީދު ވިދާޅުވީ ވެންޓިލޭޓަރުތަކުގެ މައްސަލަ ވަކިކޮޅެއްގައި ޖެހެންދެން އެމައްސަލައަށް ފާރަވެރިވުމަކީ މަޖިލިސް މެމްބަރުންގެ ޒިންމާއެއްކަމަށެވެ. އަދި އެމައްސަލައިގައި އޭސީސީ އާއި ފުލުހުން ހިންގި ތަހުގީގާ މެދު ޕްރޮސެކިއުޓަ ޖެނެރަލް އޮފީހާ ދެމެދު ހިޔާލު ތަފާތުވުން އުފެދިފައިވާކަމަށާއި ޖުޑިޝަރީ ކޮމިޓީން އެ މައްސަލަ އިތުރަށް ބައްލަވައި ދެއްވުމަށް ނަޝީދު އެދިވަޑައިގެންނެވިއެވެ.
"ކޮރަޕްޝަންގައި ބައިވެރިވި ފަރާތްތައް ހޯދައި އެ ފަރާތްތަކަށް ހައްގު އަދަބު ދެވި، އަދި ދައުލަތަށް ގެއްލުންވި ފައިސާ އަނބުރާ ދައުލަތަށް ހޯދުން، އެކަން ނިމެންދެން މަޖިލިސް ފާރަވެރިކަމާ އެކީގައި އޮތުމަކީ އަޅުގަނޑު ދެކޭ ގޮތުގައި މި މަޖިލިހުގެ ގާނޫނީ ޒިންމާއެއް." ނަޝީދު ވިދާޅުވިއެވެ.
ވެންޓިލޭޓަރުތަކުގެ މައްސަލައިގައި މިނިސްޓަރ އަމީން މަޤާމުން ވަކިކުރުމަށް އިތުބާރު ނެތްކަމުގެ މައްސަލައެއްވެސް އިއްޔެ މަޖިލީހަށް ވެއްދިއެވެ. ނަމަވެސް މަޖިލިސް ތަޅުމަށް މައްސަލަ އައުމުގެ ކުރިން މިނިސްޓަރުކަމުން އަމީން ވަނީ އިސްތިއުފާދެއްވާފައެވެ. ހަމަ މިމައްސަލައިގައި މަޖިލީހުގެ މިނިވަން މުއައްސަސާތަކުގެ ކޮމިޓީއަށް މިހާރު ވަނީ އޭސީސީގެ މެމްބަރުން މަޤާމުން ވަކިކުރުމުގެ މައްސަލަ ވެސް ހުށަހަޅާފައެވެ. އެމައްސަލަ މިއަދުގެ ޖަލްސާއަށް މިހާރު ވަނީ އެޖެންޑާކޮށްފައެވެ.
ކިޔުންތެރިންގެ ހިޔާލު