ވީނުވީއެއް ނޭނގި ގެއްލިފައިވާ ނޫސްވެރިޔާ އަހުމަދު ރިލުވާންގެ މައްސަލައިގައި ހޯމް މިނިސްޓަރު ފުލުހުން ބަދުނާމުކޮށް ދައްކަވާފައިވާ ވާހަކަތައް ތަހުޤީޤްކުރަންޖެހޭކަމަށް ޕީޕީއެމްގެ ނާއިބު ރައީސް އަދި ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް މިފަދައިން ވިދާޅުވެފައި މިވަނީ ނޫސްވެރިޔާ ރިލުވާންގެ މައްސަލައާ ގުޅުންހުރި ހެކިތަކެއް ހޯމް މިނިސްޓަރ އިމްރާން އަތުން ގަދަކަމުން ނަގައިގެން ފުލުހުން ނައްތާލާފައިވާކަމަށް ވިދާޅުވެ ރައްޔިތުންގެ މަޖިލީހުގައި ވާހަކަ ދައްކަވާފައިވަނިކޮށެވެ. ހޯމް މިނިސްޓަރު އިމްރާން އަބުދު ﷲ ވިދާޅުވީ، އޭނާގެ އަތްޕުޅުގައި ހުރި ހެކިތަކެއް ފުލުހުން ގެންދިޔައީ 2015 ވަނަ އަހަރުގެ މޭ ޑޭގައި އޭރުގެ އިދިކޮޅުން ކުރިއަށް ގެންދިޔަ މުޒާހަރާގައި ހައްޔަރުކުރުމަށް ފަހު ކަމަށެވެ. އެއީ ކޮން ކަހަލަ ހެކިތަކެއް ކަމެއް އިމްރާން ކަނޑައެޅިގެން އިއްޔެ ރައްޔިތުންގެ މަޖިލީހުގައި ވިދާޅު ނުވިނަމަވެސް އެދުވަހު އޭނާ ހެކިތައް ކަމަށް ދައްކަވައިގެން ގެންގުޅުއްވީ ރާއްޖޭގައި ނުކުންނަ ނޫސްތަކުގައި ހުރި އެކި ޚަބަރުތަކާއި އެހެނިހެން ވެސް ކަރުދާހުގައި ހުރި ޕްރިންޓް ތަކެކެވެ.
ޝިޔާމް ކުރެއްވި ޓްވީޓުގައި ވިދާޅުވީ ހޯމް މިނިސްޓަރގެ މަޤާމުގައި ހުންނަވައިގެން ދިވެހި ފުލުހުން ބަދުނާމުކޮށް، ބޮޑު އިލްޒާމެއް އެޅުވުމުން އެކަން ތަހުޤީޤްކުރަންޖެހޭކަމަށެވެ.
ޝިޔާމްގެ އިތުރުންވެސް ގިނަ ބަޔަކު ދަނީ ހޯމް މިނިސްޓަރު ދެއްކެވި ވާހަކައާއި ގުޅިގެން އޭނާއަށް ފާޑު ކިޔަމުންނެވެ. އެގޮތުން ހޯމް މިނިސްޓަރު އިމްރާން އަބުދު ﷲ އެމަގާމަށް ކުފޫ ހަމަވާ ކަމާމެދު ކުރީގެ އެކްޓިން ކޮމިޝަނަރ އޮފް ޕޮލިސް އަބުދު ﷲ ނަވާޒް ވަނީ ސުވާލު އުފައްދަވާފައެވެ. ކުރީގެ އެކްޓިން ކޮމިޝަނަރު އޮފް ޕޮލިސް އަބުދު ﷲ ނަވާޒް ކުރެއްވި ޓުވީޓެއްގައި ވިދާޅުވީ، މިނިސްޓަރު ކަމުގެ މަގާމުގައި ހުންނަވައިގެން އިތުރުފުޅު ހެއްދެވުމަކީ ބަލައިގަނެވޭނެ ކަމެއް ނޫންކަމަށެވެ. އަދި ސިޔާސީ ގޮތުން ވެސް ދައްކަންވާ ވާހަކަ އާއި ނުދައްކަންޖެހޭ ވާހަކަ ހުންނާނެ ކަމަށް ވިދާޅުވެ ނަވާޒް ވަނީ މިނިސްޓަރު އިމްރާނަށް ވަރަށް ބޮޑަށް ފާޑުވިދާޅުވެފައެވެ.
"މިނިސްޓަރު އިމްރާން މިފެންވަރަށް ވެއްޓިދާނެ ކަމަށް ހިއެއް ނުކުރަން، މިހާރު އުފެދޭ ސުވާލަކީ މިނިސްޓަރު ކަމުގެ މަގާމަށް އިމްރާން ކުފޫ ހަމަވޭތޯ؟" ފުލުހުންގެ ޚިދުމަތުން ދުރަށް ވަޑައިގެން ސިޔާސީ ދާއިރާގައި ޖުމުހޫރީ ޕާޓީގެ މެމްބަރެއްގެ ގޮތުގައި ހުންނެވި ނަވާޒް ވިދާޅުވިއެވެ.
ރިލްވާންގެ މައްސަލަ އާއި ގުޅުން ހުރި ހެކިތައް ފުލުހުން އޭރުއަތުލާފައިވާ ކަމަށާއި، އެ ހެކިތައް ނެގި ނުވަތަ އަތުލި ފުލުހުން ހޯދަން ކުރަން ޖެހޭނީ ތަހުގީގެއް ކަމަށް ހޯމް މިނިސްޓަރު އިމްރާން ވިދާޅުވީ ރައްޔިތުންގެ މަޖިލީހުގެ ޖަލްސާގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުންނެވެ. މިހާރު ވެސް ރިލްވާން މައްސަލައިގެ އެތައް ތަހުގީގުތަކެއް ކުރިއަށް ދާ ކަމަށް މިނިސްޓަރު އިމްރާން ވިދާޅުވިއެވެ.
"އޭރުގަ ( މޭޑޭގެ މުޒާހަރާގެ ތެރެއިން ޔާމިންގެ ވެރިކަމުގައި ) ފުލުހުންގެ ތެރެއިން އެ ގެންދިޔަ ބައެއްގެ އަތުގައި އެ އެއްޗެހި ވާން ވާނެ. ދެން އަޅުގަނޑު ޖެހޭނީ އަނެއްކާ ވެސް ތަހުގީގެއް ފަށަން ކޮން ފުލުހުންނެއްތޯ އަޅުގަނޑު ހައްޔަރު ކުރަން އައީ، ކޮން ބޭފުޅެއްތޯ އެ ގެންދިޔައީ. ދެން އަޅުގަނޑަށް އަދި އެ ތަހުގީގާއި ހަމަޔަކަށް ނުދެވޭ. އެއަށް ވުރެ މާގިނަ ތަހުގީގުތަކެއް މިހާރު ވެސް ކުރަންޖެހޭ." މޭޑޭގެ މުޒާހަރާ އާއި ގުޅިގެން ޓެރަރިޒަމް ކުށް ސާބިތުވެ ޖަލުގެ ހުކުމެއް ތަންފީޒުކުރެއްވި އިމްރާން ވިދާޅުވިއެވެ.
ޝިޔާމް ކުރެއްވި ޓްވީޓުގައި ވިދާޅުވީ ހޯމް މިނިސްޓަރގެ މަޤާމުގައި ހުންނަވައިގެން ދިވެހި ފުލުހުން ބަދުނާމުކޮށް، ބޮޑު އިލްޒާމެއް އެޅުވުމުން އެކަން ތަހުޤީޤްކުރަންޖެހޭކަމަށެވެ.
Home Minister ge maqaamugai hunnava mifadha meyrumakun Dhivehi Fuluhun badhunaamukoh mifadha bodu ilzaameh elhuvvumun ekan @PoliceMv in thahuqeeg kuravvan jehey. pic.twitter.com/uIQtScxcmZ
— Ahmed Shiyam (@Shiyamaldives) October 21, 2020
"މިނިސްޓަރު އިމްރާން މިފެންވަރަށް ވެއްޓިދާނެ ކަމަށް ހިއެއް ނުކުރަން، މިހާރު އުފެދޭ ސުވާލަކީ މިނިސްޓަރު ކަމުގެ މަގާމަށް އިމްރާން ކުފޫ ހަމަވޭތޯ؟" ފުލުހުންގެ ޚިދުމަތުން ދުރަށް ވަޑައިގެން ސިޔާސީ ދާއިރާގައި ޖުމުހޫރީ ޕާޓީގެ މެމްބަރެއްގެ ގޮތުގައި ހުންނެވި ނަވާޒް ވިދާޅުވިއެވެ.
ރިލްވާންގެ މައްސަލަ އާއި ގުޅުން ހުރި ހެކިތައް ފުލުހުން އޭރުއަތުލާފައިވާ ކަމަށާއި، އެ ހެކިތައް ނެގި ނުވަތަ އަތުލި ފުލުހުން ހޯދަން ކުރަން ޖެހޭނީ ތަހުގީގެއް ކަމަށް ހޯމް މިނިސްޓަރު އިމްރާން ވިދާޅުވީ ރައްޔިތުންގެ މަޖިލީހުގެ ޖަލްސާގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުންނެވެ. މިހާރު ވެސް ރިލްވާން މައްސަލައިގެ އެތައް ތަހުގީގުތަކެއް ކުރިއަށް ދާ ކަމަށް މިނިސްޓަރު އިމްރާން ވިދާޅުވިއެވެ.
"އޭރުގަ ( މޭޑޭގެ މުޒާހަރާގެ ތެރެއިން ޔާމިންގެ ވެރިކަމުގައި ) ފުލުހުންގެ ތެރެއިން އެ ގެންދިޔަ ބައެއްގެ އަތުގައި އެ އެއްޗެހި ވާން ވާނެ. ދެން އަޅުގަނޑު ޖެހޭނީ އަނެއްކާ ވެސް ތަހުގީގެއް ފަށަން ކޮން ފުލުހުންނެއްތޯ އަޅުގަނޑު ހައްޔަރު ކުރަން އައީ، ކޮން ބޭފުޅެއްތޯ އެ ގެންދިޔައީ. ދެން އަޅުގަނޑަށް އަދި އެ ތަހުގީގާއި ހަމަޔަކަށް ނުދެވޭ. އެއަށް ވުރެ މާގިނަ ތަހުގީގުތަކެއް މިހާރު ވެސް ކުރަންޖެހޭ." މޭޑޭގެ މުޒާހަރާ އާއި ގުޅިގެން ޓެރަރިޒަމް ކުށް ސާބިތުވެ ޖަލުގެ ހުކުމެއް ތަންފީޒުކުރެއްވި އިމްރާން ވިދާޅުވިއެވެ.
ކިޔުންތެރިންގެ ހިޔާލު