ޒުވާނުންގެ ހުނަރާއި ގާބިލުކަން އިތުރުކުރެވޭނީ ޒުވާނުންނަށް ފުރުސަތުތައް ފަހިކޮށްދީގެން ކަމަށް ރައީސް އިބްރާހިމް މުހަންމަދު ސޯލިހް މިއަދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ޒުވާނުންގެ ދުވަހާއި ގުޅިގެން މިއަދު ކުރެއްވި ޓުވީޓެއްގައެވެ. ރައީސް އިބްރާހިމް ކުރެއްވި ޓުވީޓްގައި ވިދާޅުވީ ޒުވާނުންގެ ހުނަރާއި ގާބިލުކަން އިތުރުކުރެވޭނީ ޒުވާނުންނަށް ފުރުސަތުތައް ފަހިކޮށްދީގެން ކަމަށެވެ. މުސްތަގުބަލާ ގުޅޭ ކަންތަކުގައި ގޮތް ނިންމާއިރު ޒުވާނުންގެ ހިޔާލު ހޯދުން މުހިންމު ކަމަށް ރައީސް ވިދާޅުވިއެވެ.

My best wishes to young people across the Maldives on National Youth Day. Our youth are the drivers of our nation. Our duty is to unlock their full potential by providing them opportunities and including their say in deciding the future of our community.

— Ibrahim Mohamed Solih (@ibusolih) October 22, 2020

ރައީސް ވިދާޅުވީ ގައުމުގެ ކުރިއެރުމުގައި ޒުވާނުންގެ ދައުރު މުހިއްމު ކަމަށެވެ. މިއަދު ފާހަގަކުރާ ގައުމީ ޒުވާނުންގެ ދުވަހާ ގުޅިގެން ދިވެހި ޒުވާނުންނަށް ރައީސް ވަނީ ދުވަހުގެ ތަހުނިޔާ އާއި ހެޔޮއެދުންތައް ފޮނުއްވިއެވެ.

"ޒުވާނުންގެ ގާބިލުކަން އިތުރުކުރުމަށް ޒުވާނުންނަށް ފުރުސަތުތައް ފަހިކޮށްދިނުމަކީ އަޅުގަނޑުމެންގެ ޒިންމާއެއް." ރައީސް ކުރެއްވި ޓުވީޓްގައި ވިދާޅުވި އެވެ.

ޒުވާނުންގެ ދުވަހާއި ގުޅިގެން ޔޫތު މިނިސްޓަރު މަހުލޫފު ދެއްވި ޚިތާބުގައި ވިދާޅުވީ ޒުވާނުންނާ ގުޅުންހުރި ކަންކަމުގައި ގޮތް ނިންމާއިރު ޒުވާނުންގެ ހިޔާލާއި މަޝްވަރާ ހޯއްދަވާ ކަމަށެވެ. ޒުވާނުން ކަންކަމާމެދު މަޝްވަރާ އާއި ޚިޔާލު ފާޅުކުރާއިރު ކަންކަމުގެ ހައްލު ވެސް ހޯދައިދިނުމަށް މަޚުލޫފް ވަނީ އެދިވަޑައިގެންފައެވެ.