ARG
އެމެރިކާގެ އެކި ކަންކޮޅުތަކުގައި ދިރިއުޅޭ ދޮށީ އުމުރުގެ އެތައް ސަތޭކަ ބަޔަކަށް އަމާޒުކޮށް، "ޓެކް ސަޕޯޓް" ގެ ނަމުގައި އިންޑިއާގައި ހިންގަމުންދިޔަ ބޮޑު މަކަރާއި ހީލަތުގެ އޮޕަރޭޝަނެއް އެމެރިކާގެ ފެޑަރަލް ބިއުރޯ އޮފް އިންވެސްޓިގޭޝަން (އެފް.ބީ.އައި) އިން ހުއްޓުވައިފިއެވެ.
ބައިނަލްއަގުވާމީ ގާނޫނު ތަންފީޒުކުރާ އިދާރާތަކާ ގުޅިގެން ގިނަ އަހަރުތަކެއް ވަންދެން ހިންގި މި ތަހުގީގުން ހާމަވި ގޮތުގައި، މި ނެޓްވޯކުން ވަނީ ފޯނު ކޯލްތައް މެދުވެރިކޮށް މީހުންގެ ކޮމްޕިއުޓަރު ނުވަތަ ބޭންކް އެކައުންޓްތަކަށް ނުރައްކާވެފައިވާ ކަމަށް ބުނެ އޮޅުވާލާފައެވެ. އަދި ޓެކްނިކަލް ސަޕޯޓް ނުވަތަ ސަރުކާރުގެ އޮފިޝަލުންގެ ގޮތުގައި ހެދިގެން، ވިކްޓިމުންގެ އަތުން ގިނަ އަދަދެއްގެ ފައިސާ މި މަކަރުވެރިން ވަނީ ހޯދާފައެވެ.
އެފް.ބީ.އައި އިން ބުނި ގޮތުގައި، މި މައްސަލައިގައި އިންޑިއާގައި ތިބި ފަސް މަކަރުވެރިއަކާއި، މި ކަމާ ގުޅުންހުރި ކުރީގެ މުވައްޒަފެއްގެ މައްޗަށް ވަނީ ކުށް ސާބިތުވެފައެވެ. މީގެ އިތުރުން، އެމެރިކާގެ ޓެލެކޮމިއުނިކޭޝަން ކުންފުންޏެއްގެ ދެ އެގްޒެކެޓިވުން ވަނީ، މި މަކަރާއި ހީލަތުގެ މަސައްކަތް ކުރިއަށްދާކަން އެނގި ތިބެ، އެ ކަމަށް މަގުފަހިވާނެ ގޮތަށް ޚިދުމަތް ފޯރުކޮށްދީފައިވާ ކަމަށް އިއުތިރާފުވެފައެވެ.
ތަހުގީގު ކުރާ ފަރާތްތަކުން ލަފާކުރާ ގޮތުގައި، މި ނެޓްވޯކުން ވަނީ އެތައް ސަތޭކަ ބައެއްގެ އަތުން މިލިއަނުން ޑޮލަރު ވަގަށް ނަގާފައެވެ. މީގެ ތެރޭގައި ގިނައީ އުމުރުން ދުވަސްވީ މީހުންނެވެ. އެފް.ބީ.އައި އިން ސިފަކުރި ގޮތުގައި މިއީ ނާޒުކު ފަރާތްތަކަށް އަމާޒުކޮށްގެން ހިންގާ ބައިނަލްއަގުވާމީ މަކަރާއި ހީލަތުގެ މައްސަލަތައް ހުއްޓުވުމުގައި ލިބުނު ބޮޑު ކާމިޔާބީއެކެވެ.
ކަމާބެހޭ އޮފިޝަލުން ވިދާޅުވީ، މި އޮޕަރޭޝަން ހިންގުމުގައި އެފް.ބީ.އައި އިން އިސްދައުރެއް އަދާކުރި ނަމަވެސް، މިއީ އިންޑިއާގެ ފުލުހުންނާއި ބައިނަލްއަގުވާމީ އެހެން އިދާރާތަކާ ގުޅިގެން ކުރެވުނު މުހިންމު މަސައްކަތެއް ކަމަށެވެ. އަދި މިފަދަ ސައިބަރ މަކަރާއި ހީލަތުގެ މައްސަލަތައް ހުއްޓުވުމުގައި ގައުމުތަކުގެ މެދުގައި އޮންނަ ގުޅުން ވަރަށް މުހިންމު ކަމަށްވެސް އެ އެޖެންސީން ފާހަގަކުރިއެވެ.
އެފް.ބީ.އައި އިން ވަނީ އާންމުން، ހާއްސަކޮށް ދޮށީ އުމުރުގެ މީހުން، ޓެކްނޮލޮޖީ ކުންފުނިތަކާއި ބޭންކްތައް ނުވަތަ ސަރުކާރުގެ އިދާރާތަކުގެ ނަމުގައި އަންނަ ފޯނު ކޯލްތަކަށް ސަމާލުވުމަށް އިލްތިމާސްކޮށްފައެވެ.
އިތުބާރު ހުރި އެއްވެސް މުއައްސަސާއަކުން ފޯނު މެދުވެރިކޮށް ކުއްލި ފައިސާ ދެއްކުމަށާއި، ކޮމްޕިއުޓަރަށް ވަނުމުގެ ހުއްދަ ދިނުމަށް ނުވަތަ އަމިއްލަ މާލީ މައުލޫމާތު ހިއްސާކުރުމަށް ނޭދޭނެ ކަމަށްވެސް ބުންޏެވެ.
ކަމާބެހޭ ފަރާތްތަކުން ދަނީ އެކި ގައުމުތަކުގައި ހިންގާ މިފަދަ އެހެން ނެޓްވޯކްތައް ވެސް ތަހުގީގު ކުރަމުންނެވެ. އަދި މިފަދަ ކަމެއްގެ ޝިކާރައަކަށް ވެފައިވާ ކަމަށް ގަބޫލުކުރެވޭ ނަމަ، ލަސްނުކޮށް ގާނޫނު ތަންފީޒުކުރާ އިދާރާތަކަށް އެކަން ރިޕޯޓްކުރުމަށް ވަނީ ބާރުއަޅާފައެވެ.
އެފް.ބީ.އައި އިން ބުނި ގޮތުގައި، މި މައްސަލައިގައި އިންޑިއާގައި ތިބި ފަސް މަކަރުވެރިއަކާއި، މި ކަމާ ގުޅުންހުރި ކުރީގެ މުވައްޒަފެއްގެ މައްޗަށް ވަނީ ކުށް ސާބިތުވެފައެވެ. މީގެ އިތުރުން، އެމެރިކާގެ ޓެލެކޮމިއުނިކޭޝަން ކުންފުންޏެއްގެ ދެ އެގްޒެކެޓިވުން ވަނީ، މި މަކަރާއި ހީލަތުގެ މަސައްކަތް ކުރިއަށްދާކަން އެނގި ތިބެ، އެ ކަމަށް މަގުފަހިވާނެ ގޮތަށް ޚިދުމަތް ފޯރުކޮށްދީފައިވާ ކަމަށް އިއުތިރާފުވެފައެވެ.
ތަހުގީގު ކުރާ ފަރާތްތަކުން ލަފާކުރާ ގޮތުގައި، މި ނެޓްވޯކުން ވަނީ އެތައް ސަތޭކަ ބައެއްގެ އަތުން މިލިއަނުން ޑޮލަރު ވަގަށް ނަގާފައެވެ. މީގެ ތެރޭގައި ގިނައީ އުމުރުން ދުވަސްވީ މީހުންނެވެ. އެފް.ބީ.އައި އިން ސިފަކުރި ގޮތުގައި މިއީ ނާޒުކު ފަރާތްތަކަށް އަމާޒުކޮށްގެން ހިންގާ ބައިނަލްއަގުވާމީ މަކަރާއި ހީލަތުގެ މައްސަލަތައް ހުއްޓުވުމުގައި ލިބުނު ބޮޑު ކާމިޔާބީއެކެވެ.
ކަމާބެހޭ އޮފިޝަލުން ވިދާޅުވީ، މި އޮޕަރޭޝަން ހިންގުމުގައި އެފް.ބީ.އައި އިން އިސްދައުރެއް އަދާކުރި ނަމަވެސް، މިއީ އިންޑިއާގެ ފުލުހުންނާއި ބައިނަލްއަގުވާމީ އެހެން އިދާރާތަކާ ގުޅިގެން ކުރެވުނު މުހިންމު މަސައްކަތެއް ކަމަށެވެ. އަދި މިފަދަ ސައިބަރ މަކަރާއި ހީލަތުގެ މައްސަލަތައް ހުއްޓުވުމުގައި ގައުމުތަކުގެ މެދުގައި އޮންނަ ގުޅުން ވަރަށް މުހިންމު ކަމަށްވެސް އެ އެޖެންސީން ފާހަގަކުރިއެވެ.
އެފް.ބީ.އައި އިން ވަނީ އާންމުން، ހާއްސަކޮށް ދޮށީ އުމުރުގެ މީހުން، ޓެކްނޮލޮޖީ ކުންފުނިތަކާއި ބޭންކްތައް ނުވަތަ ސަރުކާރުގެ އިދާރާތަކުގެ ނަމުގައި އަންނަ ފޯނު ކޯލްތަކަށް ސަމާލުވުމަށް އިލްތިމާސްކޮށްފައެވެ.
ކަމާބެހޭ ފަރާތްތަކުން ދަނީ އެކި ގައުމުތަކުގައި ހިންގާ މިފަދަ އެހެން ނެޓްވޯކްތައް ވެސް ތަހުގީގު ކުރަމުންނެވެ. އަދި މިފަދަ ކަމެއްގެ ޝިކާރައަކަށް ވެފައިވާ ކަމަށް ގަބޫލުކުރެވޭ ނަމަ، ލަސްނުކޮށް ގާނޫނު ތަންފީޒުކުރާ އިދާރާތަކަށް އެކަން ރިޕޯޓްކުރުމަށް ވަނީ ބާރުއަޅާފައެވެ.
ކިޔުންތެރިންގެ ހިޔާލު