ކިންގްޑަމް އޮފް ތައިލެންޑަށް ދިވެހިރާއްޖެއިން ކަނޑައަޅާފައި ހުންނަވާ ސަފީރު މުޙައްމަދު ޖިނާޙް، އެމަނިކުފާނުގެ ސަފީރުކަމުގެ ފަތްކޮޅު ތައިލެންޑުގެ ރަސްގެފާނަށް އަރުވައިފިއެވެ.

ދިވެހި ސަފީރުގެ ފަތްކޮޅު ތައިލެންޑުގެ ރަސްގެފާނު މަހާ ވަޖިރަލޮންކޯންއަށް އެރުވުން އޮތީ ތައިލެންޑުގެ ޝާހީ ގަނޑުވަރުގައި އިއްޔެ ބޭއްވި ޚާއްސަ ރަސްމިއްޔާތެއްގައެވެ. ތައިލެންޑު ރަސްގެފާނަށް ފަތްކޮޅު އެރުވުމުން ފޮރިން މިނިސްޓަރ އަބްދުﷲ ޝާހިދު ވަނީ ދިވެހި ސަފީރު މުހައްމަދު ޖިނާހުއަށް މަރުޚަބާ ދަންނަވާފައެވެ. އަދި ދެޤައުމުގެ ދެމެދުގައި އޮތް ސިޔާސީ އަދި ވިޔަފާރީގެ ގުޅުންތައް ކުރިއަށް އޮތްތަނުގައި އިތުރަށް ބަދަހިވެގެންދާނޭކަމަށް އުއްމީދުކުރައްވާކަމަށް ޝާހިދު ވިދާޅުވިއެވެ.

Congratulations to @mhdjinah, Maldives Ambassador to Thailand on presenting Credentials to HM King Maha Vajiralongkorn Phra Vajiraklaochaoyuhua. Looking forward to strengthened bilateral and economic relations with #Thailand. pic.twitter.com/Unpis2iUwr

— Abdulla Shahid (@abdulla_shahid) October 25, 2020

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ކިންގްޑަމް އޮފް ތައިލެންޑަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް، މައްޗަންގޮޅި ތިބްރޯޒް މުޙައްމަދު ޖިނާހު ޢައްޔަން ކުރެއްވީ މިދިޔަ އަހަރުގެ ސެޕްޓެމްބަރުމަހުގެ 12 ވަނަ ދުވަހުއެވެ. މުޙައްމަދު ޖިނާޙް މީގެކުރީން ހުންނެވީ ގްރީން ޕެރެޑައިސް ޕްރައިވެޓް ލިމިޓެޑް ގްރޫޕްގެ ޖެނެރަލް މެނޭޖަރުގެ މަޤާމުގައެވެ.