ދޯންޏެއް ސަލާމަތްކުރުމަށް ހިންގި ރެސްކިއު އޮޕަރޭޝަނެއްގެ ތެރެއިން، އުޅަނދުގެ ކެޕްޓަނާއި ސިފައިންގެ މީހެއްގެ އިތުރުން ފުލުހަކު ކަނޑަށް ގެއްލުނު ހިތާމަވެރި ހާދިސާއާ ގުޅިގެން، ކަނޑުމަތީގެ ސަލާމަތީ ގަވާއިދުތަކާއި ގާނޫނުތައް ތަންފީޒު ނުކުރެވޭނަމަ މަގާމުން އިސްތިއުފާ ދެއްވުމަށް އެމްޑީޕީގެ ކުރީގެ ޗެއާޕާސަން މޫސާ މަނިކު (ރީކޯ މޫސަ) ގޮވާލައްވައިފިއެވެ.
މިއަދު "އެކްސް" މެދުވެރިކޮށް ކުރެއްވި ޕޯސްޓެއްގައި މޫސަ ވަނީ، މާލޭގެ މަގުމަތީގެ ޓްރެފިކް ނިޒާމާއި ކަނޑުމަތީގެ ދަތުރުފަތުރުގެ ސަލާމަތީ ކަންކަން ބެލެހެއްޓުމުގައި ކަމާބެހޭ އިދާރާތައް ނުކުޅެދިފައިވާ ކަމަށް ވިދާޅުވެ، ވަރަށް ބޮޑަށް ފާޑުވިދާޅުވެފައެވެ.
އޭނާ ސުވާލު އުފެއްދެވި ގޮތުގައި، މޫސުން ގޯސްވެ ކަނޑުގަދަވާނެކަން ކުރިއާލައި އެނގެން އޮންނައިރު، ނުރައްކާތެރި ހާލަތްތަކުގައި އުޅަނދުފަހަރު ފުރުން ހުއްޓުވުމަށް އެކަށީގެންވާ ފިޔަވަޅު ނޭޅެނީ ކީއްވެގެންތޯއެވެ؟ މީގެ އިތުރުން، އުޅަނދުފަހަރަށް މުދާ ބަރުކުރުމުގެ މިންގަނޑުތަކާއި (ބަރުމަރުކާ) ސަލާމަތީ ވަސީލަތްތައް ހުރިތޯ ބެލުމުގައި ކަމާބެހޭ މުއައްސަސާތަކުން އިހުމާލުވަމުންދާ ކަމަށްވެސް އޭނާ ތުހުމަތު ކުރެއްވިއެވެ.
މޫސަ އިތުރަށް ފާހަގަކުރެއްވި ގޮތުގައި، ނުރައްކާތެރި ހާދިސާތަކުގައި މީހުންގެ ފުރާނަ ސަލާމަތްކުރަން ނުކުންނަ ރެސްކިއު ޚިދުމަތްތެރިންގެ ރައްކާތެރިކަން ކަށަވަރުކުރާނެ ހަރުދަނާ އުސޫލުތަކެއް އޮންނަންޖެހެއެވެ. އެފަދަ އުސޫލުތައް ތަންފީޒު ނުކުރެވޭތީ އޭނާ ވަނީ ނުރުހުން ފާޅުކުރައްވާފައެވެ.
ދައުލަތުގެ ބޮޑެތި މުސާރައާއި އިނާޔަތްތައް ނަންގަވައިގެން ތިއްބެވި ވެރިންނަށް އިޝާރާތްކުރައްވައި މޫސަ ވިދާޅުވީ، ރައްޔިތުންގެ ސަލާމަތާއި ރައްކާތެރިކަމާ ގުޅޭ ގާނޫނުތައް ތަންފީޒު ކުރުމުގެ ގާބިލުކަން ނެތް ނަމަ، މަގާމުތަކުގައި ދެމިތިބުމުގެ ބޭނުމެއް ނެތް ކަމަށެވެ. އެހެންކަމުން، ޒިންމާ އަދާނުކުރެވޭ ފަރާތްތަކުން މަގާމުން އެކަހެރިވުމަށް އޭނާ ވަނީ ބާރުއަޅުއްވާފައެވެ.
ޤާނޫނު ތަންފީޒު ނުކުރެވެންޏާ އިސްތިއުފާދީބަލަ
— Moosa Maniku (Reeko) (@ReekoMoosa) August 6, 2026
މާލޭގެ ޓްރެފިކް ޤަވާއިދެއް ނުބެލެހެއްޓެ ކަނޑުމަތީގެ އުޅަނދުތަުގެ ޤަވާއިދެއް ނުބެލެހެއްޓެ؟
ކަނޑުގަދަވެ ނުފުރާން އެނގީމަ ފުރިޔަނުދީ ހިފަހައްޓާކަށް ނުކެރެ؟
ކަނޑުމައްޗަށް ނުކުންނަ އުޅަދުގެ ބަރުމަރުކާއެއް ސަލާމަތީ… pic.twitter.com/kNqT8K6I6w
އޭނާ ސުވާލު އުފެއްދެވި ގޮތުގައި، މޫސުން ގޯސްވެ ކަނޑުގަދަވާނެކަން ކުރިއާލައި އެނގެން އޮންނައިރު، ނުރައްކާތެރި ހާލަތްތަކުގައި އުޅަނދުފަހަރު ފުރުން ހުއްޓުވުމަށް އެކަށީގެންވާ ފިޔަވަޅު ނޭޅެނީ ކީއްވެގެންތޯއެވެ؟ މީގެ އިތުރުން، އުޅަނދުފަހަރަށް މުދާ ބަރުކުރުމުގެ މިންގަނޑުތަކާއި (ބަރުމަރުކާ) ސަލާމަތީ ވަސީލަތްތައް ހުރިތޯ ބެލުމުގައި ކަމާބެހޭ މުއައްސަސާތަކުން އިހުމާލުވަމުންދާ ކަމަށްވެސް އޭނާ ތުހުމަތު ކުރެއްވިއެވެ.
ދައުލަތުގެ ބޮޑެތި މުސާރައާއި އިނާޔަތްތައް ނަންގަވައިގެން ތިއްބެވި ވެރިންނަށް އިޝާރާތްކުރައްވައި މޫސަ ވިދާޅުވީ، ރައްޔިތުންގެ ސަލާމަތާއި ރައްކާތެރިކަމާ ގުޅޭ ގާނޫނުތައް ތަންފީޒު ކުރުމުގެ ގާބިލުކަން ނެތް ނަމަ، މަގާމުތަކުގައި ދެމިތިބުމުގެ ބޭނުމެއް ނެތް ކަމަށެވެ. އެހެންކަމުން، ޒިންމާ އަދާނުކުރެވޭ ފަރާތްތަކުން މަގާމުން އެކަހެރިވުމަށް އޭނާ ވަނީ ބާރުއަޅުއްވާފައެވެ.
ކިޔުންތެރިންގެ ހިޔާލު