ލ.އަތޮޅު އެތެރެވަރި ވަޑިނޮޅު ކަނޑުގައި އޮތް މަސް ދޯންޏަކަށް ތޫނު ހަތިޔާރާއެކު ބަޔަކު އެރި މައްސަލައިގައި 3 މީހަކު ހައްޔަރުކޮށްފިއެވެ.

ފުލުހުން ބުނީ ލ.އަތޮޅު އެތެރެވަރި ވަޑިނޮޅު ކަނޑުގައި އޮތް މަސް ދޯންޏަކަށް ތޫނު އެއްޗެއްސާއެކު އެރިކަމަށް ތުހުމަތުކުރެވޭ މައްސަލައާ ގުޅިގެން 3 މީހަކު ހައްޔަރުކޮށްފައިވަނީ ރޭގެ ވަގުތެއްގައިކަމަށެވެ. އޭގެތެރޭގައި ހިމެނެނީ 25 އަހަރުގެ ދެ ފިރިހެނުންނާއި 22 އަހަރުގެ ފިރިހެނެއްކަމަށް ފުލުހުން ބުނެއެވެ. އަދި އެމައްސަލަ މިހާރު ތަހުޤީޤްކުރަމުންދާކަމަށްވެސް ފުލުހުން ބުނެފައި ވެއެވެ.

ލ. އަތޮޅު އެތެރެވަރި ވަޑިނޮޅު ކަނޑުގައި އޮތް މަސްދޯންޏަކަށް ތޫނުއެއްޗިއްސާއެކު އެރި ކަމަށް ތުހުމަތުކުރެވޭ މައްސަލައާ ގުޅިގެން 3 ދިވެހިން ފިރިހެނުން ރޭ ވަނީ ހައްޔަރުކޮށްފަ. އޭގެ ތެރޭގައި ހިމެނެނީ 25އަހަރުގެ 2 މީހުންނާއި 22އަހަރުގެ މީހެއް. ފުލުހުން ދަނީ މިމައްސަލަ ތަހުގީގު ކުރަމުން

— Maldives Police (@PoliceMv) October 27, 2020

ލ .އަތޮޅުގައި ތޫނު ހަތިޔާރާއެކު ދޯންޏަކަށް ބަޔަކު އެރީ އެ ދޯނި ވިއްކި ފަރާތުން ފޮނުވައިގެން ކަމަށް މައުލޫމާތު ލިބިފައިވެއެވެ. އެ ފަރާތުން ބުނަނީ އެ ދޯންޏަކީ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު އޭނާގެ އަތުން 7 މިލިއަން ރުފިޔާއަށް ބައްލަވައިގަތް ދޯންޏެއް ކަމަށެވެ. ނަމަވެސް އެއްބަސްވުމާއި އެއްގޮތަށް ފައިސާ ދައްކާފައި ނުވާތީ ދޯނި ލ. އަތޮޅަށް ވަނުމުން ދޯނި އަނބުރާ އަތުލަން އެ ދޯންޏަށް އެރީ ކަމަށް ވެރިފަރާތުން ބުނެފައިވެއެވެ.