ނޭޕާލް އަށް ލިބެމުން ދިޔަ އެހީ މެދުކެނޑުމުން އޭގެ ހިތި އަސަރު އެންމެ ބޮޑަށް ކުރީ މައިންނާ ޅަދަރިންނަށެވެ.
ނޭޕާލްގެ ރައުތަހާތު ސަރަހައްދުގައި ދިރިއުޅޭ އުމުރުން 20 އަހަރުގެ ކަބީތާ މުޚިޔާގެ ވާހަކައަކީ މީގެ ހިތްދަތި މިސާލެކެވެ. ހަތަރުވަނަ ދަރިފުޅަށް ބަނޑުބޮޑުވި އިރު، އޭނާގެ ސިއްހީ ހާލަތު ދަށަށްދާން ފެށިއެވެ. ނަމަވެސް، ތައުލީމާއި ހޭލުންތެރިކަން ކުޑަވުމުގެ ސަބަބުންނާއި، ކުރިން ގޭގެއަށް ޒިޔާރަތްކުރި ސިއްހީ އެހީތެރިންގެ ހިދުމަތް މެދުކެނޑިފައި އޮތުމުން، އޭނާއަށް ކުރިމަތިވަމުންދިޔަ ނުރައްކަލުގެ ރަތް ސިގްނަލްތައް ދެނެގަނެވޭގޮތެއް ނުވިއެވެ.
އެމެރިކާގެ އެހީގައި ކުރިން ހިންގި ޕްރޮގްރާމްތަކުގެ ދަށުން، ނަރުހުންނާއި ވޮލަންޓިއަރުން ގޭގެއަށް ގޮސް ބަނޑުބޮޑު މީހުންނަށް މައުލޫމާތުދީ، ސިއްހީ ފަރުވާ ހޯދުމަށް ބާރުއަޅަމުންދިޔައެވެ. އެހެންނަމަވެސް، އެހީ ކަނޑާލުމާއެކު މި ހިދުމަތްތައް ހުއްޓި، ކަބީތާ ފަދަ އެތައް ބަޔަކު ބިކަވިއެވެ. ކަބީތާގެ ހާލު ބޮޑުވެގެން ހޮސްޕިޓަލަށް ގެންދިޔައިރު ބަނޑުގައި އޮތް ދަރިފުޅު އޮތީ މަރުވެފައެވެ. އަދި އެކަށީގެންވާ ފަރުވާ ނުލިބުމުގެ ސަބަބުން ކަބީތާވެސް
ވަނީ މި ދުނިޔެ ދޫކޮށްފައެވެ.
ސިއްހީ މާހިރުން ފާހަގަކުރާ ގޮތުގައި، 35 މިލިއަން ޑޮލަރުގެ މި ޕްރޮގްރާމް ހުއްޓާލުމުގެ ކުރިން، އެ ސަރަހައްދުގައި ތުއްތު ކުދިން މަރުވާ ނިސްބަތް ވަރަށް ބޮޑަށް ދަށްކުރެވުނެވެ. ނަމަވެސް، އެހީ ހުއްޓާލި ފަހުން ބައެއް ރަށްރަށުގައި ތުއްތު ކުދިން މަރުވާ އަދަދު އަނެއްކާވެސް އިތުރުވާން ފަށައިފިއެވެ.
ވިހެއުމުގެ ކުރިން ހަދަންޖެހޭ ޗެކަޕްތައް ހަދާ އަންހެނުންގެ އަދަދު ދެބައިކުޅަ އެއްބަޔަށް މަދުވެއްޖެއެވެ. ސިއްހީ މައުލޫމާތުދޭނެ މީހަކު ނެތުމުން، ނުރައްކާތެރި ބަލިތަކަށް މީހުން ހޭލުންތެރިވާ މިންވަރު ދަށްވެއްޖެއެވެ.
ގޭޓްސް ފައުންޑޭޝަނުން އިންޒާރުދޭ ގޮތުގައި، ބައިނަލްއަގުވާމީ ސިއްހީ އެހީތައް މަދުވަމުންދާ ދިއުމަކީ މި ގަރުނުގައި ފުރަތަމަ ފަހަރަށް ކުޑަކުދިން މަރުވާ ނިސްބަތް އިތުރުވެގެންދާނެ ސަބަބަކަށް ވެދާނެއެވެ. "ލާންސެޓް" މަޖައްލާގައި ޝާއިޢުކޮށްފައިވާ ދިރާސާއަކުން ދައްކާގޮތުގައި، އެމެރިކާގެ އެހީ ކަނޑާލުމުގެ ސަބަބުން 2030 ވަނަ އަހަރާ ހަމައަށް އެތައް މިލިއަން ބަޔަކު މަރުވުމުގެ ފުރުސަތު އެބައޮތެވެ.
އެމެރިކާ ސަރުކާރުން މިކަމަށް އިންކާރު ކުރިނަމަވެސް، ނޭޕާލްގެ ފަގީރު އަވަށްތަކުން ފެންނަ މަންޒަރަކީ މުޅިން ތަފާތު މަންޒަރެކެވެ. އެ މީހުން ބޭނުންވަނީ ހަމައެކަނި ބަޖެޓުގެ އަދަދުތަކެއް ނޫނެވެ. އެ މީހުން ބޭނުންވަނީ ބަލިވެއިނުމުގެ ނުރައްކާތައް ކިޔައިދޭނެ، އަދި ހޮސްޕިޓަލަށް ދާންވީ ވަގުތު ބުނެދޭނެ ސިއްހީ އެހީތެރިއެކެވެ. އެ އެހީތެރިޔާ ނެތުމުގެ ނަތީޖާއަކީ ކަބީތާ ފަދަ އެތައް މައެއްގެ ފުރާނަ ގެއްލި، އާއިލާތައް ބިކަވެގެން ދިއުމެވެ.
އެމެރިކާގެ އެހީގައި ކުރިން ހިންގި ޕްރޮގްރާމްތަކުގެ ދަށުން، ނަރުހުންނާއި ވޮލަންޓިއަރުން ގޭގެއަށް ގޮސް ބަނޑުބޮޑު މީހުންނަށް މައުލޫމާތުދީ، ސިއްހީ ފަރުވާ ހޯދުމަށް ބާރުއަޅަމުންދިޔައެވެ. އެހެންނަމަވެސް، އެހީ ކަނޑާލުމާއެކު މި ހިދުމަތްތައް ހުއްޓި، ކަބީތާ ފަދަ އެތައް ބަޔަކު ބިކަވިއެވެ. ކަބީތާގެ ހާލު ބޮޑުވެގެން ހޮސްޕިޓަލަށް ގެންދިޔައިރު ބަނޑުގައި އޮތް ދަރިފުޅު އޮތީ މަރުވެފައެވެ. އަދި އެކަށީގެންވާ ފަރުވާ ނުލިބުމުގެ ސަބަބުން ކަބީތާވެސް
ވަނީ މި ދުނިޔެ ދޫކޮށްފައެވެ.
ސިއްހީ މާހިރުން ފާހަގަކުރާ ގޮތުގައި، 35 މިލިއަން ޑޮލަރުގެ މި ޕްރޮގްރާމް ހުއްޓާލުމުގެ ކުރިން، އެ ސަރަހައްދުގައި ތުއްތު ކުދިން މަރުވާ ނިސްބަތް ވަރަށް ބޮޑަށް ދަށްކުރެވުނެވެ. ނަމަވެސް، އެހީ ހުއްޓާލި ފަހުން ބައެއް ރަށްރަށުގައި ތުއްތު ކުދިން މަރުވާ އަދަދު އަނެއްކާވެސް އިތުރުވާން ފަށައިފިއެވެ.
ވިހެއުމުގެ ކުރިން ހަދަންޖެހޭ ޗެކަޕްތައް ހަދާ އަންހެނުންގެ އަދަދު ދެބައިކުޅަ އެއްބަޔަށް މަދުވެއްޖެއެވެ. ސިއްހީ މައުލޫމާތުދޭނެ މީހަކު ނެތުމުން، ނުރައްކާތެރި ބަލިތަކަށް މީހުން ހޭލުންތެރިވާ މިންވަރު ދަށްވެއްޖެއެވެ.
އެމެރިކާ ސަރުކާރުން މިކަމަށް އިންކާރު ކުރިނަމަވެސް، ނޭޕާލްގެ ފަގީރު އަވަށްތަކުން ފެންނަ މަންޒަރަކީ މުޅިން ތަފާތު މަންޒަރެކެވެ. އެ މީހުން ބޭނުންވަނީ ހަމައެކަނި ބަޖެޓުގެ އަދަދުތަކެއް ނޫނެވެ. އެ މީހުން ބޭނުންވަނީ ބަލިވެއިނުމުގެ ނުރައްކާތައް ކިޔައިދޭނެ، އަދި ހޮސްޕިޓަލަށް ދާންވީ ވަގުތު ބުނެދޭނެ ސިއްހީ އެހީތެރިއެކެވެ. އެ އެހީތެރިޔާ ނެތުމުގެ ނަތީޖާއަކީ ކަބީތާ ފަދަ އެތައް މައެއްގެ ފުރާނަ ގެއްލި، އާއިލާތައް ބިކަވެގެން ދިއުމެވެ.
ކިޔުންތެރިންގެ ހިޔާލު