ދިވެހިރާއްޖޭގައި މިހާރު ބޭނުންކުރަމުންދާ ޕޭމަންޓް ސިސްޓަމްތަކުގެ ތެރެއިން "ނެޝަނަލް ޕޭމަންޓް ސްވިޗް" ކަނޑައެޅުމުގެ ބާރު މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ދިނުމަށްޓަކައި ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހެޅި ބިލު މިއަދު ފާސްކޮށްފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މި ބިލު ފާސްކުރީ ވޯޓުގައި ބައިވެރިވެވަޑައިގެންނެވި 66 މެންބަރުންގެ އިއްތިފާގުންނެވެ. ސަރުކާރުގެ ފަރާތުން މި ބިލު މަޖިލީހަށް ހުށަހެޅުއްވީ ހުޅުދޫ ދާއިރާގެ މެންބަރު މުހައްމަދު ޝާހިދެވެ.
މި ބިލުގެ މައިގަނޑު މަގުސަދަކީ ރާއްޖޭގެ މާލީ އޮނިގަނޑު (ފައިނޭންޝަލް އިންފްރާސްޓްރަކްޗާ) އިތުރަށް ހަރުދަނާކޮށް ތަރައްގީކުރުމަށްޓަކައި، ނެޝަނަލް ޕޭމަންޓް ސްވިޗެއް ގާއިމްކޮށް ހިންގުމާ ގުޅޭ އުސޫލުތައް ކަނޑައެޅުމެވެ. އެގޮތުން، ނެޝަނަލް ޕޭމަންޓް ސިސްޓަމްގެ ގާނޫނުގެ 15 ވަނަ މާއްދާގެ ފަހަތަށް މާއްދާއެއް އިތުރުކުރުމަށް މި ބިލުގައި ވަނީ ހިމަނާފައެވެ.
އެ އިސްލާހުގައިވާ ގޮތުން، ރާއްޖޭގެ ގައުމީ ސިސްޓަމްގައި ހިމެނޭ ވަކި ސިސްޓަމަކީ ނެޝަނަލް ޕޭމަންޓް ސްވިޗް ކަމުގައި ކަނޑައެޅުމުގެ ފުރިހަމަ ބާރު އެމްއެމްއޭއަށް ލިބިގެންދާނެއެވެ. އަދި އެ ގާނޫނުގެ ދަށުން އެކުލަވާލާ ގަވާއިދުގައި އެ އޮތޯރިޓީން ކަނޑައަޅާ ޕޭމަންޓް މުއާމަލާތްތައް ޕްރޮސެސްކޮށް ރޫޓްކުރަން ޖެހޭނީ ނެޝަނަލް ޕޭމަންޓް ސްވިޗްގެ ގޮތުގައި ކަނޑައަޅާފައިވާ ވަކި ސިސްޓަމެއް މެދުވެރިކޮށެވެ.
ގާނޫނަށް މި އިސްލާހު ގެނައުމަށް މަޖިލީހުން ފާސްކުރިއިރު، ސަރުކާރުން މިހާރު އެންމެ އިސްކަމެއްދީގެން ބޭނުންކުރަމުން އަންނަނީ "ފަވަރަ" ޕޭމަންޓް ސިސްޓަމެވެ. ރާއްޖޭގެ ބޭންކުތަކުގެ މެދުގައި ކުރެވޭ މުއާމަލާތްތައް ފަވަރަ މެދުވެރިކޮށް ޕްރޮސެސް ކުރަމުން އަންނައިރު، އަވަށްޓެރި އިންޑިއާގެ "ޔޫޕީއައި" ޕޭމަންޓް ސިސްޓަމާ މިފަހުން ގުޅާލާފައިވަނީ ވެސް ފަވަރަ ސިސްޓަމެވެ.
މަޖިލީހުން ފާސްކުރި ބިލުގައި ބަޔާންކޮށްފައިވާ ގޮތުން، ގާނޫނަށް ގެނެވޭ މި ބަދަލުތަކާ އެކު، ގަވާއިދުގައި ކަނޑައަޅާ ވަކި މުއްދަތެއްގެ ތެރޭގައި ރާއްޖޭގައި ޕޭމަންޓްގެ ހިދުމަތްދޭ އެންމެހައި ފަރާތްތަކުން ނެޝަނަލް ޕޭމަންޓް ސްވިޗްގައި ބައިވެރިވާން ލާޒިމުވާނެއެވެ. ނަމަވެސް، ހިދުމަތްދޭ ފަރާތްތަކަށް އެ ނިޒާމަށް ބަދަލުވުމުގެ މަރުހަލާގައި ދަތިކަމެއް ނެތި ކުރިއަށްދިއުމަށްޓަކައި، އިންތިގާލީ އިންތިޒާމެއްގެ ދަށުން ހިދުމަތް ދިނުމުގެ ހުއްދަ އެމްއެމްއޭއިން ދޭނެ ކަމަށްވެސް އެ ބިލުގައި ބަޔާންކޮށްފައިވެއެވެ.
މި ބިލުގެ މައިގަނޑު މަގުސަދަކީ ރާއްޖޭގެ މާލީ އޮނިގަނޑު (ފައިނޭންޝަލް އިންފްރާސްޓްރަކްޗާ) އިތުރަށް ހަރުދަނާކޮށް ތަރައްގީކުރުމަށްޓަކައި، ނެޝަނަލް ޕޭމަންޓް ސްވިޗެއް ގާއިމްކޮށް ހިންގުމާ ގުޅޭ އުސޫލުތައް ކަނޑައެޅުމެވެ. އެގޮތުން، ނެޝަނަލް ޕޭމަންޓް ސިސްޓަމްގެ ގާނޫނުގެ 15 ވަނަ މާއްދާގެ ފަހަތަށް މާއްދާއެއް އިތުރުކުރުމަށް މި ބިލުގައި ވަނީ ހިމަނާފައެވެ.
އެ އިސްލާހުގައިވާ ގޮތުން، ރާއްޖޭގެ ގައުމީ ސިސްޓަމްގައި ހިމެނޭ ވަކި ސިސްޓަމަކީ ނެޝަނަލް ޕޭމަންޓް ސްވިޗް ކަމުގައި ކަނޑައެޅުމުގެ ފުރިހަމަ ބާރު އެމްއެމްއޭއަށް ލިބިގެންދާނެއެވެ. އަދި އެ ގާނޫނުގެ ދަށުން އެކުލަވާލާ ގަވާއިދުގައި އެ އޮތޯރިޓީން ކަނޑައަޅާ ޕޭމަންޓް މުއާމަލާތްތައް ޕްރޮސެސްކޮށް ރޫޓްކުރަން ޖެހޭނީ ނެޝަނަލް ޕޭމަންޓް ސްވިޗްގެ ގޮތުގައި ކަނޑައަޅާފައިވާ ވަކި ސިސްޓަމެއް މެދުވެރިކޮށެވެ.
މަޖިލީހުން ފާސްކުރި ބިލުގައި ބަޔާންކޮށްފައިވާ ގޮތުން، ގާނޫނަށް ގެނެވޭ މި ބަދަލުތަކާ އެކު، ގަވާއިދުގައި ކަނޑައަޅާ ވަކި މުއްދަތެއްގެ ތެރޭގައި ރާއްޖޭގައި ޕޭމަންޓްގެ ހިދުމަތްދޭ އެންމެހައި ފަރާތްތަކުން ނެޝަނަލް ޕޭމަންޓް ސްވިޗްގައި ބައިވެރިވާން ލާޒިމުވާނެއެވެ. ނަމަވެސް، ހިދުމަތްދޭ ފަރާތްތަކަށް އެ ނިޒާމަށް ބަދަލުވުމުގެ މަރުހަލާގައި ދަތިކަމެއް ނެތި ކުރިއަށްދިއުމަށްޓަކައި، އިންތިގާލީ އިންތިޒާމެއްގެ ދަށުން ހިދުމަތް ދިނުމުގެ ހުއްދަ އެމްއެމްއޭއިން ދޭނެ ކަމަށްވެސް އެ ބިލުގައި ބަޔާންކޮށްފައިވެއެވެ.
ކިޔުންތެރިންގެ ހިޔާލު