އެންޓިބޮޑީސް ޓެސްޓްކުރާ "ސީރޯ ޕްރިވެލަންސް ސަރވޭ"ގެ ސާމްޕަލް ނެގުން ދެ ދުވަހަށް މެދުކަނޑާލައިފިއެވެ.

އެންޓިބޮޑީސް ޓެސްޓްކުރާ "ސީރޯ ޕްރިވެލަންސް ސަރވޭ"ގެ ސާމްޕަލް ނެގުން ކުރިއަށްދަނީ ހެލްތު ޕްރޮޓެކްޝަން އެޖެންސީ، އެޗް.ޕީ.އޭ އާއި، ދިވެހިރާއްޖޭގެ ޤައުމީ ޔުނިވަރސިޓީ ގުޅިގެނެވެ.

އެޗްޕީއޭއިން ބުނީ މިއަދާއި މާދަމާ ސާމަޕަލް ނެގުން ކުރިއަށްނުދާނެކަމަށެވެ. އަދި ސާމްޕަލް ނެގުމަށް ހޮވިފައިވާ މީހުންގެ ސާމްޕަލް އަލުން ނަގަން ފަށާނީ މިމަހުގެ 31 ވަނަ ދުވަހުކަމަށް އެޗްޕީއޭއިން ބުނެފައި ވެއެވެ.

🦠 #COVID19 seroprevalence sample collection is on hold for these two days.

▫️It will resume on Sat (31/10/20) for those who got selected. Pls visit the sampling sites from 4 - 7pm.

— Health Protection Agency (@HPA_MV) October 28, 2020

"ސީރޯ ޕްރިވެލަންސް ސަރވޭ"އަކީ މާލެ ސަރަހައްދުގެ އާބާދީގެ ތެރެއިން ކުރިން ކޯވިޑް ޖެހިފައިވަނީ އާބާދީގެ ކިތައް އިންސައްތައަށްކަން ދެނެގަނެ، ދެން އިތުުރަށް ކޯވިޑް-19 ފެތުރިގެންދާ ބާރުމިނާއި، ޕޮލިސީތަކަށް އިތުރަށް ގެންނަންޖެހޭ ބަދަލުތައް ދެނެގަތުމަށް ކުރިއަށްގެންދާ ސަރވޭއެކެވެ.

ރާއްޖޭގައި މިހާރުއޮތް ކޯވިޑް-19ގެ ޙާލަތުގައި އަޅާ ރައްކާތެރިކަމުގެ ފިޔަވަޅުތައް އެޅުމަށް "ސީރޯ ޕްރިވެލަންސް ސަރވޭ" މުހިންމު ދައުރެއް އަދާކުރާނެކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވަނީ ބުނެފައެވެ.

ހަތަރު އުމުރުފުރާއަކަށް ބަހާލައިގެން ކުރިއަށްގެންދާ މި ސަރވޭގެ ފުރަތަމަބުރު މިހާރު ވަނީ ނިމިފައެވެ. އެ ބުރުގައި ސާމްޕަލް ނަގާފައިވަނީ 18 އަހަރުން ދަށުގެ ކުދިންގެއެވެ. މިހާރު މި ސަރވޭގެ ދެވަނަބުރު ފަށާފައިވާއިރު 4 ހަފްތާގެ މުއްދަތެއްގެ ތެރޭގައި ސަރވޭ ނިންމާލުމަށް މަސައްކަތްކުރަމުންދާކަމަށް އެޗްޕީއޭއިން ވަނީ ބުނެފައެވެ.