މާލޭގެ އެކި ސަރަޙައްދުތަކުގައި ހުރި ހަނި ގޯޅިތަކުގެ ތެރެއިން ޒަމާންތަކެއް ވަންދެން މަރާމާތު ނުކުރެވި ހަލާކުވެފައިވާ ގޯޅިތައް ޒަމާނީ ފެންވަރަށް މަރާމާތުކޮށް ރަނގަޅު ކުރުމުގެ ޚާއްޞަ މަސައްކަތްތަކެއް މާލެ ސިޓީ ކައުންސިލުން ފަށައިފިއެވެ.
މާލެ ސިޓީ ކައުންސިލުން މަޢުލޫމާތު ދެއްވި ގޮތުގައި، މި މަޝްރޫޢުގެ ދަށުން މި ހަފުތާގެ އާދީއްތަ ދުވަހު ވަނީ މައްޗަންގޮޅީ އަވަށުގައި ހިމެނޭ މއ. ފުނަގޯޅި މަރާމާތު ކުރުމުގެ ޢަމަލީ މަސައްކަތް ފަށާފައެވެ. މި މަސައްކަތަކީ ވެރިރަށް މާލޭގެ ހަނި ގޯޅިތަކުގައި ދިރިއުޅެމުންދާ އާންމު ރައްޔިތުންނަށް ދިމާވެފައިވާ ދަތި އުނދަގޫތައް ޙައްލުކޮށްދިނުމުގެ މަޤްޞަދުގައި ކުރިއަށްގެންދާ މުހިންމު ހަރަކާތެކެވެ.
މިކަމާ ގުޅޭގޮތުން މާލެ ސިޓީގެ މޭޔަރު އާދަމް ޢާޒިމް ވިދާޅުވީ، މާލޭގެ ބައެއް ގޯޅިތައް އެތައް އަހަރެއް ވަންދެން އަޅާނުލެވި ދޫކޮށްލެވިފައި އޮތުމުގެ ސަބަބުން، އެ ތަންތަން ބޭނުންކުރާ ރައްޔިތުންނަށް ހިނގާބިނގާވެ އުޅުމުގައާއި ދަތުރުފަތުރު ކުރުމުގައި ބޮޑެތި ތަކުލީފުތަކެއް އުފުލަން ޖެހިފައިވާ ކަމަށެވެ. އެހެންކަމުން، މިފަދަ ހަނި އަދި ހަލާކުވެފައިވާ މަގުތަކާއި ގޯޅިތައް ތަރައްޤީކޮށް އާބާތުރަ ފިލުވުމަކީ ކައުންސިލުން މިހާރު ޚާއްޞަ އިސްކަމެއް ދީގެން ކުރަމުން އަންނަ ކަމެއް ކަމަށް މޭޔަރު ފާހަގަކުރެއްވިއެވެ.
މީގެ އިތުރުން މޭޔަރު ވިދާޅުވީ، ކައުންސިލްގެ އެންމެ ބޮޑު އަމާޒަކީ ރައްޔިތުންނަށް ދިމާވާ މިފަދަ ދަތިތަކާއި އުނދަގޫތަކަށް ދާއިމީ ޙައްލެއް ހޯދައިދީ، މާލެއަކީ ދިރިއުޅެން ހިތްފަސޭހަ، އަމާން އަދި ރީތި ތަނަކަށް ހެދުން ކަމަށެވެ. އަދި މި ލަނޑުދަނޑި ހާސިލުކުރުމަށްޓަކައި ސިޓީ ކައުންސިލްގެ އެންމެހައި މުވައްޒަފުން ގުޅިގެން ނުހަނު ހަލުވި ދުވެއްޔެއްގައި މަސައްކަތް ކުރަމުންދާ ކަމަށްވެސް އެމަނިކުފާނު ވިދާޅުވިއެވެ.
ސިޓީ ކައުންސިލުން އިތުރަށް ބުނީ، މިހާރު މަސައްކަތް ފަށާފައިވާ ފުނަގޯޅީގެ މަރާމާތުތައް އެއްކޮށް ނިމުމުން، އެ ސަރަޙައްދުގައި ދިރިއުޅޭ ގިނަ ޢާއިލާތަކަކަށް މަގުމަތީގެ ރައްކާތެރިކަމާއި ފަސޭހަކަން ލިބި، ދިރިއުޅުމުގެ ފެންވަރަށް ބޮޑު ލުޔެއް ލިބިގެންދާނެ ކަމަށެވެ. އަދި ކުރިއަށް އޮތް ތަނުގައި މާލޭގެ މިފަދަ އެހެން ހުރިހާ ގޯޅިތަކެއްވެސް ބަލައި، މަރާމާތު ކުރުމުގެ މަސައްކަތް ސިލްސިލާކޮށް ކުރިއަށް ގެންދާނެ ކަމަށް އެ ކައުންސިލުން ހާމަކުރެއެވެ.
މިކަމާ ގުޅޭގޮތުން މާލެ ސިޓީގެ މޭޔަރު އާދަމް ޢާޒިމް ވިދާޅުވީ، މާލޭގެ ބައެއް ގޯޅިތައް އެތައް އަހަރެއް ވަންދެން އަޅާނުލެވި ދޫކޮށްލެވިފައި އޮތުމުގެ ސަބަބުން، އެ ތަންތަން ބޭނުންކުރާ ރައްޔިތުންނަށް ހިނގާބިނގާވެ އުޅުމުގައާއި ދަތުރުފަތުރު ކުރުމުގައި ބޮޑެތި ތަކުލީފުތަކެއް އުފުލަން ޖެހިފައިވާ ކަމަށެވެ. އެހެންކަމުން، މިފަދަ ހަނި އަދި ހަލާކުވެފައިވާ މަގުތަކާއި ގޯޅިތައް ތަރައްޤީކޮށް އާބާތުރަ ފިލުވުމަކީ ކައުންސިލުން މިހާރު ޚާއްޞަ އިސްކަމެއް ދީގެން ކުރަމުން އަންނަ ކަމެއް ކަމަށް މޭޔަރު ފާހަގަކުރެއްވިއެވެ.
ސިޓީ ކައުންސިލުން އިތުރަށް ބުނީ، މިހާރު މަސައްކަތް ފަށާފައިވާ ފުނަގޯޅީގެ މަރާމާތުތައް އެއްކޮށް ނިމުމުން، އެ ސަރަޙައްދުގައި ދިރިއުޅޭ ގިނަ ޢާއިލާތަކަކަށް މަގުމަތީގެ ރައްކާތެރިކަމާއި ފަސޭހަކަން ލިބި، ދިރިއުޅުމުގެ ފެންވަރަށް ބޮޑު ލުޔެއް ލިބިގެންދާނެ ކަމަށެވެ. އަދި ކުރިއަށް އޮތް ތަނުގައި މާލޭގެ މިފަދަ އެހެން ހުރިހާ ގޯޅިތަކެއްވެސް ބަލައި، މަރާމާތު ކުރުމުގެ މަސައްކަތް ސިލްސިލާކޮށް ކުރިއަށް ގެންދާނެ ކަމަށް އެ ކައުންސިލުން ހާމަކުރެއެވެ.
ކިޔުންތެރިންގެ ހިޔާލު