ޝަރީފް ކުރެއްވި ޓްވީޓެއްގައި ވިދާޅުވީ، ޗައިނާއިން ރާއްޖެއަށް ދިން ލޯނުތަކުގެ ބޮޑު ބަޔަކީ ޕްރޮޖެކްޓް އެކުލަވާލި ގޮތަށް އަމަލުކޮށްފިނަމަ ސަރުކާރަށް އެއްވެސް ބުރައެއް ނެތި އަނބުރާ ދެއްކޭނެ ލޯނުތަކެއްކަމަށެވެ. ޝަރީފް ވިދާޅުވީ ދައުލަތުން ގެރެންޓީދީފައިވަނީ ބޯހިޔާވަހިކަމަށް ފްލެޓް އެޅުމަށާއި ބްރިޖް ހެދުމަށްކަމަށެވެ. އަދި އެއީ ދަރަނި ދަންތުރައެއް ނޫންކަމަށް ޝަރީފު ވިދާޅުވިއެވެ.
China in raajje ah dhin loanu thakuge bodu bayakee project ekulavaali gothah amalu kohfinama, sarkar ah ehves buraeh nethi anburaa dhehkidaane loanu thakeh. Sovereign guarantee ge bodubai himenunee housing ashaai bridge hedumah. China ge loanu thakakee Dharani Dhanthura eh noon. pic.twitter.com/rB67qAtawZ
— Ahmed Shareef (@shar_f) October 30, 2020
ޝަރީފް ވިދާޅުވީ ލޯނުދިން ހުރިހާ ޕްރޮޖެކްޓްތަކަކީ ވިޔަފާރިއަށް ނެގި ލޯނުތަކެއްކަމަށާއި އެއީ ހައުސިންގއަށް ކުރި އިންވެސްޓްމަންޓްތަކެއް ކަމަށެވެ. ޝަރީފް ވިދާޅުވީ ހައުސިންގ މަޝްރޫޢަކީ ފްލެޓް ވިއްކައިގެން ސަރުކާރަށް ފައިދާވާ ގޮތަށް އޮތް ޕްރޮޖެކްޓެއްކަމަށާއި ބްރިޖަކީ ޓޯލް ފީ ނަގައިގެން އޮޕަރޭޓްކޮށް އާމްދަނީ ހޯދައިގެން ދެވަނަ ބްރިޖެއް އެޅޭނެ ގޮތަށް ރޭވުނު ޕްރޮޖެކްޓެއްކަމަށެވެ.
China in loanu dhin hurihai project thakakee viyafaari ah negi loanu thakeh. Housing ah kuri investment eiee, flat vihkaigen loanu dhahkaigen sarkar ah faidaa vaa gothah oh projecteh. Bridge eiee toll fee nagaingen operate koh dhevana bridge eh elheyne gothah reyvunu project eh.
— Ahmed Shareef (@shar_f) October 30, 2020
ޝަރީފް ވިދާޅުވި ގޮތުގައި ޗައިނާއިން ދިން ލޯނުތަކުން ރާއްޖެއަށް ވާނެ އެއްވެސް ގެއްލުމެއް ނެތްކަމަށާއި އެއީ އަނބުރާ ފައިސާ ލިބޭނެ ޕްރޮޖެކްޓްތައް ހިންގުމަށް ދިން ލޯނުތަކެއްކަމަށެވެ.
އެކުވެރިކަން ދައްކާނީ ފާލަމަކުންކަމަށް ޗައިނާގެ ރައީސް ޝީ ޖިންޕިން ވިދާޅުވި ބަސް ފުޅަށް އިޝާރާތްކުރައްވާ، ޝަރީފް ވިދާޅުވީ ދިވެހިން ބޭނުންވަނީ އެކުވެރިކަން ކަމަށެވެ. އަދި އެހެން ޤައުމުތަކަށް ރާއްޖެ މުހިއްމުވީ އެ ބްރިޖް އެޅި ފަހުންކަމަށް ޝަރީފް ވިދާޅުވިއެވެ.
China ge raees raajje vadaigen vidhaalhuvee China ge ekuverikan dhahkaanee faalamakun kamah. China in loanu dhinee mulhin commercial ge usoolun anburaa faisaa libeyne project thakah. China ge bridge elhifahun ehen gaumuthakah raajje muhihmmuvee. Dhivehin beynuvanee ekuverikan.
— Ahmed Shareef (@shar_f) October 30, 2020
ޗައިނާއިން ރާއްޖޭގެ ތަރައްގީއަށް ބޮޑެތި ލުއި ލޯނުތަކާއި އެހީތަކެއް ދީގެން ބިޔަ މަޝްރޫޢުތައް ހިންގާފައި ވަނީ ނިމިދިޔަ ރައީސް އަބްދުﷲ ޔާމިންގެ ވެރިކަމުގައެވެ. ޗައިނާއިން ދީފައިވާ ބޮޑެތި ލޯނުތަކާއި އެހީތަކުގެ ތެރޭގައި މާލެއާއި ހުޅުމާލެ ގުޅާލެވިފައިވާ ސިނަމާލެ ބްރިޖާއި ވެލާނާ އިންޓަރނޭޝަނަލް އެއަރޕޯރޓް ތަރައްޤީ ކުރުމުގެ މަޝްރޫޢާއި މާލެ ސަރަހައްދުގައި ގިނަ ހައުސިންގ ޔުނިޓަތަކެއް އެޅުމުގެ ބިޔަ މަޝްރޫޢުތައް ހުމެނެއެވެ.
ކިޔުންތެރިންގެ ހިޔާލު