މާތް ﷲ އަށް ބިރުވެތިވުމަށް، އަދާލަތު ޕާޓީގެ އިލްމްވެރިންގެ މަޖިލީހުގެ ރައީސް އައްޝައިހް އިލްޔާސް ހުސައިނަށް، ކުރީގެ އިސްލާމިކް މިނިސްޓަރު ޑރ.މުހަންމަދު ޝަހީމް ޢަލީ ސަޢީދު ގޮވާލައްވައިފިއެވެ.
އަދާލަތު ޕާޓީގައި ކުރިން އިސްކޮށް ހަރަކާތްތެރިވެވަޑައިގެންނެވި ޑރ.މުހަންމަދު ޝަހީމް އަލީ ސައީދު ،ޝައިޚް އިލްޔާސް ހުސައިނަށް މިފަދަ ހެޔޮ ނަސޭހަތެއް ދެއްވީ ރައީސް އިބްރާހީމްގެ ސަރުކާރުން ދިވެހިރާއްޖޭގެ އިސްލާމީ ވަހުދަތާއި އިސްތިގުލާލު ނަގާލަން މަސައްކަތް ކުރާނެ ކަމަށް ގަބޫލު ނުކުރައްވާ ކަމަށް ވިދާޅުވެ ކުރެއްވި ޓުވީޓަކާއި ގުޅުވައިގެންނެވެ.
މިސަރުކާރު ގެނައުމަށް މަސައްކަތް ކުރި އަދާލަތު ޕާޓީގެ އިލްމްވެރިންގެ މަޖިލީހުގެ ރައީސް ޝައިހް އިލްޔާސް ހުސައިން ވިދާޅުވީ ހަގީގަތާއި ޚިލާފު ދޮގު ވާހަކަތަކެއް ކިތަންމެ ވަރަކަށް ފެތުރި ނަމަވެސް މިސަރުކާރުން ދިވެހިރާއްޖޭގެ އިސްލާމީ ވަހުދަތާއި އިސްތިގުލާލު ނަގާލަން މަސައްކަތް ކުރާނެ ކަމަށް ގަބޫލު ނުކުރައްވާ ކަމަށެވެ.
ޝައިޚް އިލްޔާސް ކުރެއްވި ޓުވީޓަށް ރައްދު ދެއްވައި އިދިކޮޅު ކޯލިޝަންގެ އެޑްވައިޒަރުގެ މަގާމުގައި ހުންނެވި ޑރ.ޝަހީމް ވަނީ ޝައިޚް އިލްޔާސް އަށް ނަސޭހަތް ދެއްވާފައެވެ. އެގޮތުން ޝައިޚް އިލްޔާސް މާތް ﷲ އަށް ބިރުވެތިވުމަށް ޑރ.ޝަހީމް ވަނީ ގޮވާލައްވާފައެވެ.
ޝައިޚް އިލިޔާސް ފެނިގެން ގޮސްފައިވަނީ ކޯލިޝަން ސަރުކާރަށް ވަރަށް ބޮޑަށް ތާއީދުކުރަށްވާ ބޭފުޅެއްގެ ގޮތުގައެވެ. އަދި ވަކިން ޚާއްޞަކޮށް ރައީސް އިބްރާހީމްގެ ދިފާޢުގައި ވާހަކަ ދައްކަވައި އެމަނިކުފާނު ދިފާޢު ކުރެއްވުމުގައި ޚާއްޞަ މަސައްކަތަކެއް ކުރަށްވާ ބޭފުޅެއްގެ ގޮތުގައެވެ.
ރައީސް އިބްރާހީމްގެ ސަރުކާރުން ދިވެހިރާއްޖޭގެ އިސްލާމީ ވަހުދަތާއި އިސްތިގުލާލު ނަގާލަން މަސައްކަތް ކުރާނެ ކަމަށް ގަބޫލު ނުކުރަށްވާ ކަމަށް އިލްޔާސް ވިދާޅުވެފައިވާއިރު އިސްލާމްދީނަށް ގޮންޖަހައި ކީރިތި ރަސޫލާއަށް ހަޖޫޖަހައި އެމްޑީއެން އިން ނެރުނު ރިޕޯޓާއި އޭގެ ފަހުން އުތެމަ ޖަމިއްޔާއިން އެމްޑީއެންގެ ރިޕޯޓަށް ތާއީދުކޮށް އިސްލާމްދީނާ ދެކޮޅު ވާހަކަތަކެއް ލިޔެ ނެރުނު ރިޕޯޓާއި ގުޅިގެން ފިޔަވަޅު އަޅަންޖެހޭ ފަރާތްތަކަށް ފިޔަވަޅު ނާޅައި އެމީހުންނަށް ތާއީދު ކުރާކަމަށް ބުނެ ގިނަ ބަޔަކު އަންނަނީ ސަރުކާރަށާއި ރައީސް އިބްރާހީމަށް ފާޑުކިޔަމުންނެވެ.
މިސަރުކާރު ގެނައުމަށް މަސައްކަތް ކުރި އަދާލަތު ޕާޓީގެ އިލްމްވެރިންގެ މަޖިލީހުގެ ރައީސް ޝައިހް އިލްޔާސް ހުސައިން ވިދާޅުވީ ހަގީގަތާއި ޚިލާފު ދޮގު ވާހަކަތަކެއް ކިތަންމެ ވަރަކަށް ފެތުރި ނަމަވެސް މިސަރުކާރުން ދިވެހިރާއްޖޭގެ އިސްލާމީ ވަހުދަތާއި އިސްތިގުލާލު ނަގާލަން މަސައްކަތް ކުރާނެ ކަމަށް ގަބޫލު ނުކުރައްވާ ކަމަށެވެ.
ޝައިޚް އިލްޔާސް ކުރެއްވި ޓުވީޓަށް ރައްދު ދެއްވައި އިދިކޮޅު ކޯލިޝަންގެ އެޑްވައިޒަރުގެ މަގާމުގައި ހުންނެވި ޑރ.ޝަހީމް ވަނީ ޝައިޚް އިލްޔާސް އަށް ނަސޭހަތް ދެއްވާފައެވެ. އެގޮތުން ޝައިޚް އިލްޔާސް މާތް ﷲ އަށް ބިރުވެތިވުމަށް ޑރ.ޝަހީމް ވަނީ ގޮވާލައްވާފައެވެ.
ރައީސް އިބްރާހީމްގެ ސަރުކާރުން ދިވެހިރާއްޖޭގެ އިސްލާމީ ވަހުދަތާއި އިސްތިގުލާލު ނަގާލަން މަސައްކަތް ކުރާނެ ކަމަށް ގަބޫލު ނުކުރަށްވާ ކަމަށް އިލްޔާސް ވިދާޅުވެފައިވާއިރު އިސްލާމްދީނަށް ގޮންޖަހައި ކީރިތި ރަސޫލާއަށް ހަޖޫޖަހައި އެމްޑީއެން އިން ނެރުނު ރިޕޯޓާއި އޭގެ ފަހުން އުތެމަ ޖަމިއްޔާއިން އެމްޑީއެންގެ ރިޕޯޓަށް ތާއީދުކޮށް އިސްލާމްދީނާ ދެކޮޅު ވާހަކަތަކެއް ލިޔެ ނެރުނު ރިޕޯޓާއި ގުޅިގެން ފިޔަވަޅު އަޅަންޖެހޭ ފަރާތްތަކަށް ފިޔަވަޅު ނާޅައި އެމީހުންނަށް ތާއީދު ކުރާކަމަށް ބުނެ ގިނަ ބަޔަކު އަންނަނީ ސަރުކާރަށާއި ރައީސް އިބްރާހީމަށް ފާޑުކިޔަމުންނެވެ.
ކިޔުންތެރިންގެ ހިޔާލު