އަނިލް ކުރެއްވި ޓްވީޓްތަކެއްގައި ވިދާޅުވީ ބައެއް މީހުން އެމީހުން ހިތު ހުރި ގޮތަކަށް ނޮވެމްބަރު 3ގެ ވާހަކަތައް ދައްކަމުން އަންނަކަމަށެވެ. އަދި އެމީހުން ވާހަކަދައްކަނީ އެދުވަހު ދިވެހި ސިފައިން އެއްވެސް ކަމެއްނުކުރާފަދަ ގޮތަކަށް ކަމަށް އަނިލް ވިދާޅުވިއެވެ.
#November3 ge vaahaka akee fuloaku vaahaka eh kamah lha sikundi thakah visnen fashaafaane kamuge biruverikan hiythakugai varah bodu vejje eve. Siyaasee gothun , noosthakuge Headline ah araa baeh meehun November 3 ge vaahaka emeehegge havaa nafusah dhakkamun ehera dhanee eve.
— Aneel (@aneelmv) November 4, 2020
އަނިލް ވިދާޅުވީ އެދުވަހުގެ އެ ހާލަތުގައި ރައީސް މައުމޫނާއި ދިވެހި ބަތަލުން ކުރެއްވި މަތިވެތި ޖިހާދަކީ މިއަދު މިނިވަންކަމާއެކު އަޅުގަނޑުމެން ނޭވާ ލާ ސަބަބު ކަމަށެވެ.
Allah he heyo rahumathah fahu, Edhuvehuge haalathaa gulhey gothun, Raees @maumoonagayoom aai dhivehi bathalun kurevvi mathiveri jihad akee, miadhu minivankamaa eku alhugandumennah neyvaa levey sababu.
— Aneel (@aneelmv) November 4, 2020
Allah ebeyfulhunnah heyo dharuma minvaru kuravvaashi.
އަނިލް ވަނީ ނޮވެމްބަރު 3ގެ ވާހަކައަކީ ކޮންމެ ކޮންމެ މީހެއްގެ ޚިޔާލަށް އަންނަހާ ގޮތަކަށް ދެކެވޭ ފުލޯކް ވާހަކައަކަށްވިޔަ ނުދެއްވުމަށް އިލްތިމާސްކުރަށްވާފައެވެ. އަދި އެދުވަހާ ގުޅޭ ތާރީޚީ އިލްމީ ދިރާސާތައް އެދުވަސް ތަޖުރިބާ ކުރެއްވި ބޭފުޅުންގެ އަރިހުން މައުލޫމާތު ނަގައި ލިޔެ، ތަރީޚަށްޓަކައި ރައްކާކުރަންޖެހޭކަމަށް އަނިލް ވިދާޅުވިއެވެ.
އަނިލް ވިދާޅުވީ މިކަމަށް ސަރުކާރާ އިލްމީ މުއައްސަސާތަކާއި އިލްމީ ދިރާސާ ކުރައްވާ ފަރާތްތަކުން އަވަސް ފިޔަވަޅުތަކެއް ނާޅައިފިނަމަ ނޮވެމްބަރު 3ގެ ތާރީޚީ ހަޤީޤަތް ދަންނަ މީހުން މީގެ 10 ވަރަކަށް އަހަރު ފަހުން ނެތި، އެއީ އަލިފުލައިލާ ފަދަ ފުލޯކު ވާހަކައެއްކަމަށް ބެލެވެން ފަށާފާނެކަމަށެވެ.
Mikamah sarukaaraa, ilmee muassasaa thakaai, ilmee dhiraasaa kuravvaa faraaiythakun avas fiyavalhuthakeh naalhaifinama, November3 ge thaareekhee hageegaiy dhanna meehun meege 10 varakah aharu fahun nethi, e ee alifulala kahala fuloaku vaahaka eh kamah beleven fashaafaane.
— Aneel (@aneelmv) November 4, 2020
ނޮވެމްބަރު 3ގެ ވާހަކަތައް އޮޅުވާލައިގެން ބައެއް ފަރާތްތަކުން ދައްކާ ކަމަށް ޝައިޚް އަނިލް ވިދާޅުވެފައި މިވަނީ، އެމްޑީޕީއަށް ނިސްބަތްވާ މަޖިލީހުގެ ބައެއް މެމްބަރުން އެފަދަ މޭރުމަކުން ވާހަކަދައްކާފައިވާ ދަނޑިވަޅެއްގައެވެ. އެގޮތުން ބިލެއްދޫ ދާއިރާގެ އެމްޑީޕީ މެމްބަރު އަހުމަދު ހަލީމް ވިދާޅުވެފައިވަނީ ނޮވެމްބަރު 3ގައި ސިފައިންގެ އިސްވެރިންނާއި ސިފައިން ފިލީކަމަށެވެ. އަދި އެދުވަހު ރާއްޖެ ސަލާމަތްކޮށްދިނީ އިންޑިއާއިންކަމަށް އޭނާ ވިދާޅުވިއެވެ.
ހަލީމްގެ މި ވާހަކަތަކުގެ ސަބަބުން އޭނާ ވަނީ ހޫނު ފެނަށް ވެއްޓިފައެވެ. އަދި އެއީ ވަރަށް ދަށު ދަރަޖައިގެ ވާހަކަތަކެއްކަމަށް ގިނަ ބަޔަކު ދަނީ ސިފަކުރަމުންނެވެ. ދޮންބިލެއް ހަލީމުގެ މިވާހަކަތަކާއި ގުޅިގެން ބައެއް ބޭފުޅުން ވަނީ އޭނާއާއި އެދުވަހު މާލެއެރި ތަމަޅަ ޓައިގަރުންނާއި އެއްހަމައެއްގައި ސިފަ ކުރަށްވާފައެވެ.
އަދި ދިވެހިންގެ ތެރެއިން ބަޔަކު ވަރަށް ދުރާކައި ރާވައިގެން ކުލީ ސިފައިންގެ ބަޔަކު ގެނަސްގެން ހިންގި މި އުދުވާނު މިހާރުގެ ސަރުކާރުގެ ބައެއް އިސް ބޭފުޅުން ސިފަކުރައްވަނީ އެއީ ބޭރުގެ ޖަމާއަތަކުން ދިވެހިންގެ މަދު ބަޔަކާއި ގުޅިގެން ހިންގި އުދުވާނެއްގެ ގޮތުގައެވެ.
ކިޔުންތެރިންގެ ހިޔާލު