ސުނާމީއެއް އަރާނެ ކަމަށް ބުނެ ދައުރުވަމުންދާ ފޭކް ލިޔުން --
ސުނާމީއެއް އަރާނެ ކަމަށް ބުނެ ދައުރުވަމުންދާ ފޭކް ލިޔުން --
އިންޑޮނޭޝިއާގެ ސުމަތުރާއަށް އައި ބިންހެލުމަކާ ގުޅިގެން ރާއްޖެއަށް ސުނާމީގެ ނުރައްކާ އޮތް ކަމަށް ދޭހަވާ ގޮތަށް ސޯޝަލް މީޑިއާގައި ދައުރުވަމުންދަނީ އެއްވެސް އަސްލެއް ނެތް ފޭކް މެސެޖެއް ކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ހާމަކޮށްފިއެވެ.

މީސްމީޑިއާގެ އެކި ވަސީލަތްތަކުގައި އެންޑީއެމްއޭގެ ނަމުގައި ފަތުރަމުންދާ ލިޔުމެއްގައި ވަނީ، ސުނާމީއެއް އުފެދި ރާއްޖެއާ ދިމާއަށް މިސްރާބު ޖަހާފައިވާ ކަމަށާއި ރައްކާތެރި ސަރަހައްދުތަކަށް މީހުން ބަދަލުވުމަށެވެ.

މިކަމާ ގުޅިގެން އެންޑީއެމްއޭ އިން ބުނީ، އެ އޮތޯރިޓީގެ ނަމުގައި ދައުރުކުރަމުންދަނީ ސައްހަ ލިޔުމެއް ނޫން ކަމަށާއި ރާއްޖެއަށް ސުނާމީގެ އެއްވެސް ނުރައްކަލެއް ނެތް ކަމަށެވެ. އަދި ކާރިސާތަކާ ގުޅޭ ރަސްމީ އެންމެހައި އިރުޝާދުތައް ހިއްސާކުރާނީ އެ އިދާރާގެ ރަސްމީ މަންސަތަކުން ކަމަށް ވާތީ، ޚަބަރުތަކުގެ ސައްހަކަން ކަށަވަރުކުރުމަށް އެންޑީއެމްއޭއިން ވަނީ އާންމުންގެ ކިބައިން އެދިފައެވެ.





މީގެއިތުރުން، މިފަދަ ނާޒުކު އަދި ހައްސާސް ދަނޑިވަޅުތަކުގައި ދޮގު މައުލޫމާތު ފަތުރައިގެން ރައްޔިތުންގެ މެދުގައި ބިރުވެރިކަން ނުއުފެއްދުމަށާއި، ކަންކަމުގައި ޒިންމާދާރުކަމާއެކު އަމަލުކުރުމަށް ވެސް އެ އޮތޯރިޓީން ވަނީ އިލްތިމާސްކޮށްފައެވެ.



ކިޔުންތެރިންގެ ހިޔާލު



ފަހުގެ ލިޔުންތައް